مساء الخير احبتي ❤
أتمنى لكم قراءة ممتعة
بقلم: زهراء البياتي
بنات اريدكم تباركولي بأول طفل الي 🙈🙈
اليوم حللت وطلعت حامل وكولش فرحانه
حبيت اشاركم فرحتي وطبعا اسفه عل تأخير
مكدرت مانزللكم بارت كلت لازم الاكدر علي اكتبه
انشالله يارب يرزق كل بنيه بالذريه الصالحه
وميحرم اي بنيه من شعور الامومه
اعوفكم ويا القصه واعذروني اذا اكو اغلاط املائيه لان بدون مراجعه ❤ احبكم
...................
ارجوان.. شهرين مرت واني عايشه بكابوس او عايشه بجحيم طاقتي كولها انطفت وراح شي اسمه حياه بالنسبه الي لان حياتي جانت هادي
حبيته سنه تقريبا اتعودت علي اتعودت عل كلامه عل غزله ع حنيته ع خوفه عليه ع حرصه عليه اتعودت دائما يكون يمي وياي واذا يصير شي جنت اروح اشكيله وهوه يكعد يهدي بيه ويحجيلي شكد يحبني
اذكر من مره كلي
شايفه الطفل من تروح امه تسافر ويبقه ينتظرها تجي ومن تجي يروح يحضنها بلهفه والدنيا ممكفيه فرحته لهل طفل اني هيج من تروحين وانتظرج
جنت انام عل صوته واكعد عل صوته جنت اذا كارهه الحياه كلمه منه انسى الدنيا كولها
ما احبه اني اعشقه صدك من يكولون الانسان يعرف قيمه الشخص من يغيب علي اني هيج وضعي هادي طلع بالنسبه الي الدنيا والعالم والحياه وكولشي
اذكر كلامه واضحك بس من اذكر شلون امه تحجي عل مرته احس نار وبصدري ليش هيج حبيتك وثقت بيك
ليش سويت بيه هيج جنت اتمنى اشوفه واعاتبه واضربه واعيط علي بس جانو ماما وعلي ميخلوني اتنفس كوله وياي بحيث اختنكت بالزايد
ومرات اكل ليش اواجهه واعاتبه هوه الخسرني مو اني
بس احجي هيج شي بداخلي يكولي لتجذبين عل روحج انتي تحبي ومتكدرين بدونه بس تكابرين
كمت بمرور الوكت اتعود ع عدم وجوده بحياتي
مو نفس اول معرفت بي جنت كل يوم بليل ابجي واذكره بس هسه احس حته دموعي نشفن وبعد ميفيد شي والقاهرني ولا مره شفته كبال المدرسه وجان يكدر بغير طرق يحجي وياي بس حته متعب نفسه يبرر الي
لهل درجه مو مهمه عنده اني؟؟
جنت كاعده بالغرفه والكتاب بأيدي وداقره
وجان يندك الباب وتدخل حوراء وهيه تضحك
باوعت عليه استغربت اكو شي متغير بعدين انتبهت ميشت شعرها وطالعه اجنن ابتسمت وكلتله يجنن عليج حوراء بالعافيه
حوراء..والله حلو شو احس ميلوكلي
..بلعكس كولش حلو
حوراء..ارجوان شبيج؟
..شبيه؟؟
..دتشوفين شلون صايره حته ضحكه نفس العالم متضحكين بس تبتسمين وتجاملين عبالج منعرفج شنو انتي كولش متغيره ارجوان احجيلي شكو؟!
..مابيه شي بس تعرفين سادس ولازم اشد حيلي ماريد اخسر سنه ثانيه ليضل بالكم بس اخلص سادس ارجع احسن من قبل
..براحتج بعد ولو اعرف اكو شي صاير بس مدتحجيلي
يلا اني اروح محتاجه شي
..سلامتج
ايمن..يتركز معظم سكان العراق في الاقسام الشماليه
والغربيه منه؟؟
هدى..صح صح
ايمن..غلط
..شنو غلط
ايمن..لتصيرين غبيه هدى خطأ في الوسطى والجنوبيه
مو كولشي وكلتي علي صح
..اني غبيه؟؟ ماشي انطيني الكتاب ماريد اتسمعلي
ايمن..ها ها اوكفي عمي اني الغلط وانتي الصح بس الله واكبر يعني اذا تجاوبني غلط اكولج صح قابل
..لا بس شوي ساعدني
ياسر..ههههههه والله ايمن الله يساعدك صدك اني اريد اعرف شي شموازيك ودتسمعلها لهل مطيه هاي ولو احترامي الشديد للمطي
هدى..ياااااااسر شوف ايمن ليش متجاوبه
ايمن..انجب انته معليك هيه ذكيه بس شوي يرادلها تقويه
ياسر..دطير اني جاي علمود نطلع ويا الشباب متواعدين وانته كاعد تسمعلها والله خايف لا اجي يوم والكاك دتغسل مواعين
ايمن اخذ القلم وشمره عل ياسر وهذاك عافنه وطلع وهوه يضحك
أنت تقرأ
فراشاتي والزمن (مكتمله)
Любовные романыقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
