ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၄၆)ကျန်းရီ သေကိုသေရမယ်!

အပိုင်း(၄၆)ကျန်းရီ သေကိုသေရမယ်!

အတွင်းအား ပေါက်ကွဲလက်ဝါး...ဒီကောင်လေးက ဒါကို ကျင့်ကြံတာ အောင်မြင်သွားတာလား?

ဈေးထောင့်တစ်နေရာတွင် ကြီးကြပ်သူယန်၏ မျက်နှာသည် အံ့အားသင့်မှုများနှင့် ပြည့်လျက်ရှိသည်။ ကြီးကြပ်သူယန်သည် သိုင်းလေ့ကျင့်ခန်းအတွင်း မည်သည့်တာဝန်မှ လုပ်စရာရှိမနေသောကြောင့် ကျန်းရီးသည် အများနှင့်တစ်ယောက် ယှဉ်ပြိုင်သောပွဲကို စိန်ခေါ်လိုက်သည် ဟူသော သတင်းကို ကြားလျှင်ကြားချင်း သူအပြေးလာခဲ့ခြင်း ဖြစ်သည်။ သူသည် ကျန်းရီ၏ ပွဲတိုင်းကို အသေးစိတ်ကြည့်နေလေရော  အချိန်တိုင်းတွင် ဆွံ့အနေရလေသည်။ ယခုမူ ကျန်းရီသည် မပြည့်စုံသော ကျင့်စဉ်တစ်ခုကို ပြီးမြောက်အောင်မြင်အောင် ကျင့်ကြံနိုင်သည်ကို သိရှိသွားသည့်အခါ ပို၍ပင် အံ့အားသင့်သွားရသည်။

သူသည် နောက်ဆုံးမှ ကျန်းရီမှာ အရူးတစ်ယောက် မဟုတ်ကြောင်း နားလည်သွားခဲ့သည်။ ကျန်းရီသည် သိုင်းခန်းမနှင့် အလောင်းအစားလုပ်ရဲသည်မှာ သူ့တွင် ဝှက်ဖဲရှိနေ၍ ဖြစ်သည်။ သူ့တွင် သာမန်ထက်လွန်ကဲသော ဝှက်ဖဲနှစ်ခုတောင်ရှိသည်။ တစ်ခုမှာ အတွင်းအားပေါက်ကွဲ လက်ဝါးဖြစ်၍ တစ်ခုမှာ သူ၏ ဆန်းကြယ်သော တိုက်ပွဲဝင်စွမ်းအား ဖြစ်သည်။

ကျန်းရီ၏ အင်အားသည် ရုတ်တရက် တိုးလာခြင်း မဟုတ်သော်လည်း အချိန်တိုအတွင်း တိုးလာခဲ့ခြင်း ဖြစ်သည်။ စောစောက ထုတ်လွှတ်လိုက်သော လက်ဝါးသည် ကနဦးအဆင့်သာ ရှိသေးသော်လည်း အားကောင်းလွန်းလှသည်။ သဏ္ဍာန်သုံးဆင့်  အသွင်ပြောင်းခြင်း စတုတ္ထအဆင့်သာ ရှိနေသေးသော သာမန်လူတစ်ယောက်သည် ထိုမျှ အားကောင်းလွန်းသည့် အင်အားကို ထုတ်ဖော်ရန်မှာ မဖြစ်နိုင်ချေ။

ကြီးကြပ်သူယန်သည် ကျန်းရီဖန်တီးလိုက်သော အနက်ရောင်အလင်းများ ယှက်သန်းနေသည့် အပြာရောင်အတွင်းအားကို ရှင်းရှင်းလင်းလင်း မြင်လိုက်ရသည်။ ပွဲကြည့်စင်ထက်မှ အင်အားကြီး လူများသည်လည်း ၎င်းကို သတိပြုမိလိုက်ကြသည်။ ထိုအနက်ရောင်အလင်းတို့သည် လူတိုင်း၏ နှလုံးသားကို ခြောက်ခြားသွားစေသည်။ ဘယ်အရာမှန်း မည်သူမှ မသိကြသော်လည်း ၎င်းသည် ကျန်းရီ၏ အင်အားများ ရုတ်တရက် တိုးလာရခြင်းနှင့် ဆက်စပ်နေမည်ဟု အကြမ်းဖျင်း ခန့်မှန်းမိသည်။