وصلني ميساج من عند جنات ، ميساج اللي وترني
بزاااف
""سلام اختي يسرى لاباس عليك ، المهم بغيت
نعلمك بلي البارح دوا معايا فؤاد وقال ليا غايخدم
معك ، المشكل انه قرر يعتارف ليك بحبو عييييت
مانصحو و لكن مابغاش يسمع ليا الهضرة ، راه قال
ليا غايصارحك بحبو ليك فوقت الغدا ، المهم نتمنى
تقراي هادشي قبل مايصدمك هو...""
اويلي هادي ش كاتقول قريت الميساج و قلبي بدا
كايضرب ، كيفاش غايتجرأ صديق الطفولة يعترف ليا
بحبو و انا امراة متزوجة ، بففف كيفاش غانتعامل مع
الموقف!!!
رجع فؤاد وجاب معاه جوج بلاطوات فيهم الغدا ،
جلس مقابل معايا فالطبلة ومبتسم ، رديت الابتسامة
كنت متوترة بزاف حيت عارفا اللي جاي غايكون غير
حرج ف حرج ...
فؤاد: ايوا الالة مبروك لخدمة
انا: الله يبارك فيك
فؤاد: بهاد المناسبة باغي نعتارف ليك بشي حاجة
انا(وحلات ليا بديت كانكحب) اح اح ..
فؤاد:(تخلع) بشويا عليك مالك؟؟؟
انا: اح ل لا و والو اح اح
فؤاد: هاكي الما هاكي
شربت الما و حاولت مانتوترش ، ههه دابا فؤاد عزيز
عليا و مابغيتش نخسرو ولا نجرحو ، ولكن تا هو
غايحط راسو فموقف محرج معايا ، حولت نجبد
مواضيع اخرى و ماكانخليش ليه الفرصة فين يهضر
هههه ، ماسالا وقت الغدا غير ب ستة و ستين كشيفة
ههههه بمشقة الانفس ههه، من بعد كنا غاديين فاتجاه
لا سونسور باش نطلعو للمكتب ، حتا سمعت صوت
حسام كايعيط عليا ، الللله اخيييرا شي حد غايفكني
من فؤاد مشيت عندو وانا فرحانة بلا مانشعر عنقتو
وقلت ليه "ولد عمييييي البوكوووص"
####عند حسام####
كنت خدام وجا وقت الغدا ، طلعو ليا غدايا ، قررت
نعيط على يسرى تتغدى معايا فالمكتب حسن من
الريسطو اللي كاينا فالشركة، مشيت للمكتب ديالها
أنت تقرأ
انت مكتوبي
Romanceقصة مغربية كاتهضر على واحد البنت اللي حلمها تكمل حياتها مع حبيبها و يكون حلالها ، ولكن دائما كايطراو ليها مشاكل .. القصة غاتجمع ما بين 3 ديال القصص..
