Alam mo bang..
Lagi akong nakabaang
Sa iyong mga hakbang
Masulyapan ko lamang
Kaguwapuhan mong walang katimbang
Bibig ko'y napapaawang
Tila tigang na tigang.
Naalala ko nung araw...
Ikaw ang umagaw
at pumukaw.
Nang ika'y natanaw
sa iyong mga ngiti ako'y iyong pinukaw
at puso ko'y tuluyan mong ninakaw
Ikaw ang dahilan ng bawat ngiti.
Ikaw ang sanhi
sa bawat pamumula ng pisngi
Ikaw ginoo,ang bumihag saakin na isang simpleng binibini.
Naalala ko nung ika'y pinadalhan ko ng mensahe
nang ika'y tumugon,ako'y nagtitili
magdamag na hindi maalis ang ngiti
pakiramdam ko puso ko'y tumigil sandali
tila akong nakalutang sa ere
Mga araw na dumaan
mula sa malayo'y lagi kang namamataan
minsan ay sinusundan
di nagsasawang tignan
mukha mong sumisimbolo sa kaguwapuhan
Tuwing andiyan ka ay di mapakali
maliit na bagay lang ako'y iyong napapatili
Ikaw ang dahilan ng ngiti
Ikaw rin ang dahilan sa kirot at hapdi
Ano ba ito ginoo?
Itong pakiramdam na binigay mo
parang natutuliro
Normal pa ba ito?
Hulog na hulog na sa iyo
Hindi na lang basta paghangan to
Umiibig na ba ako?
-jitsuni
