Dr ganz normal Halloweenabe

Dr Halloweenabend

Es isch Halloween u 4 Fründe göh am Abe use.
Ich stelle se churz vor.
-Dr michito, wo heimlech en Engel isch, aber es niemerem seit.
-Dr Sayan isch de, wo alles muess uf kamera festhebe.
-Dr Lärsu isch heimlech mit ere Kuh zeme.
-D Nathi het Miley Cyrus als Vorbild

So jetzt wüsset der chli öppis vo de Persone u jetzt chunnts zur Story.

Die 4 si grad bim Huus vo Michitos Exfründin gstande u da chunnt dr Lärsu uf die grandiosi Idee. Me chönnt doch ihres Huus mit Toilettepapier umwickle.
D Nathi het da aber nid grad so überzügt usgseh, trotzdem seit si dass si d Ex geit go ablänke. U geit richtig Tür.
U wie immer nimmt dr Sayan sini kamera füre u macht dr afang vomene Vlog.
Dr michito ergänzt, dass es doch o cool wär bananeschale a ds huss z werfe u vielech no Eier.
Da lacht der Lärsu nume u nickt mitem Chopf u seit us gspass:" seli mini fründin no gho hole u ner stelli se vors Fenster."
Michito: klar ds wär doch lustig
Si lachet beidi u gönnt zeme zum Lärsu wo grad ume Ecke wohnt.Dr michito holet Banane, Eier u dr Lärsu holt Wc papier und sini fründin. Wo si alles zeme hend gha, gönd si wieder zrug zum Sayan, wo si übrigens hei allei lo stoh. Dr Sayan springt so schnell wie er cha zu ihne u seit lachend:"luget emau, ich ha d Nathi u dini Ex bim Twerke gfilmt."
Michito:" Sayan, Ehm wieso filmsch du das?
Sayan:" Isch doch geil"
Lärsu: "Auso vo dere ussage distanziere ig mi."
Aus si fertig diskutiert hei übers Twerke. Sind si wieder zum Huus vo Michitos Exfründin gange u hei ihre Plan realisiert.
Dr Sayan isch ufs Dach ufekletteret mit de Wcpapierrollene u het se la abe rolle. U het ds ganze natürlech gfilmt.
Dr michito het d Eier gno u ad huuswänd gschosse u dr Lärsu het ersch mou sini Fründin vors Fenster gstellt u abunde u ner het er Banane gesse, um ner d Schinti ufem Weg z verteile. Er het sire Fründin au no es paar Banane gäh, wiu si Banane liebt. Als si fertig gesse hei verteilet sis am Bode u alli 3 secklet weg, aber so wit das me d reaction vo dr Ex
vom michito no cha gseh.
Si hei öppe e stund gwartet bis d Nathi u d Ex usecho sind.
Dir hättet ihre Blick sölle gseh, so en hasserfüllte Blick. U d nathi lachet nume u springt weg.

*Zitsprung (2 jahr später)

Sit dem HelloweenAbe hani nie wieder öppis vo ihre ghört 😂