💕الحياة فرصة💕

الحلقه الثانيه🖤

مسموح نقل الروايه بأسمي" الكاتبه وتين"
قراءه ممتعه وقبل لاتقرو تنسوش تصوتو وكومنت اصغير اذا عجبتكم 🤤🖤

نهال :السلام كيف حالك ي عمتي اليوم ☺وباست راسها

عاليه :وعليكم السلام سلم بنيتي وينك مانزلتي عاونتي سلفاتك

نهال:والله ي الاي هادي مرواحتي من المستشفي تعبت الصبح ومشيت دارولي تحاليل وتغديه كيف كملت
عاليه:اسم الله خيرك لابأس اعليك
نهال:ماتشوفي بأس ياالاي حامل ونقص فياتمينات🙂
عاليه:روروي الف مبروك اعليك بتجيبلي حفيد تاني الله يبارك 😍
سهير واسيل في حالة صدمه
نهال تشوفلهم من فوق لي تحت :الله يبارك في عمرك الاي الغاليه😏
سهير نخصت اسيل:شفتي يلي اني شفته النبي اضربيني بلكي نحلم اني 😨
عاليه:باهي قعمزي هدرزي ووسعي خاطرك شويه مع سلفاتك وبعدها اركبي تريحي 🙂
اسيل:اعلاش تقعمز ياعمتي اهو تاخد تكمل اعلينا احني تستف في الحافضات بس خلي نركبو احني ناخدو نفس🙂
سهير:اي والله تو الجناح يبي ضمان والصغار فايقين وبلا فطور لا توا
نهال شدت في الطاوله :ااه ياراسي
عاليه:اسم الله جيبي ميه ميه سهير جيبي
سهير خنقتها العبره (وهيا من النوع الهادي ماتحبش ردان الدوه)صبتلها طاسه ومدتها
نهال:صحيتي ي الاي😏
سهير شبحتلها 😷
اسيل معاش قدرت تتحمل :الف مبروك سليفتي الغاليه وينوضك ربي ع الخير وهادي اعراض عاديه حتي اني في التؤام هكي ندوخ ونقيم ونوض عادي ملا كيف الجنه تحت قدمين الام كان ماعنتش وتعبت هكي اني حسهم الصغار يضبحو وكان صغترك حتي هما سهير شدتها من يدها عمتي احني كملنا كل شي وغسلنا اماعين ومعاش في شي زايد خلي نركبو ناخدو دوش احسن مايروحو رجالاتنا يلقونا بالمنظر المعفن هدا 😒وركبت تجري وتجبد في سهير معاها
قبل لا ترد اعليها
عاليه : تو نوريك ياقليلة الادب باهي
نهال:حي هادا شنو ياالاي هدا وانتي الغاليه في امكان امنا وهكي
عاليه:دواها عندي هادي الفصعونه تو نوريها 😠
نهال:اي ياعمتي ماتسكايلهاش عن تتمادي اه ياراسي
عاليه:بري اركبي بري
نهال بخبث:لا ماهو ياعمتي لازم نستفهم الموالح وندير دوره ع المطبخ مرات يجي حد ولا شي وهو حايس😏
عاليه:اي هادو كنايني بايرات شن بندير لاكن انتي بري تريحي تو نديرلهم راي
نهال:والله يالاي كان مش الكلونه في يدي راه والله مانطلع ونخليك
عاليه:عارفه بنيتي بري تريحي تو هادو هما يديروهم بسيف اعليهم
نهال:اي ياالاي ماتعبيش روحك انتي تريحي من صبح واقفه😈
عاليه:سلمها كنينتي الباهيه

في حوش العروسه سحر ..
سحر تضحك : خلاص ادم والله بنسكر عندي الف حاجه في راسي عاد 😫
ادم:سحر تو غضوه احني منكونو مع بعض ولاه😉
سحر:ادم تبداش تتبرد هيا طير باي😎
ادم يضحك:ههههه عنجد تتحشم وهيا مرتي😂تي تو نوريك
منار بهزوه:تو باللهي اعليك كملتو المحادثه السخيفه يلي اصلا ماليهاش اي معني ولا فيها شي مهم ولا حتي حاجه ☹
سحر:هههه امشي ياجفاف😂
منار:ها ها ها اعطيني فازلين 😑
سحر:هههه عنجد ربي معاه وقد ايش بياخد اجر يلي بيتجوزك ويتحمل كمية الجفاف وسخافة الامور يلي عندك😂
منار:بدل سهوكتك واقطافك الزايد امشي وتي روحك وشوفي شن بديري جهدي طاح واني نجريلك😒
سحر:حاضر عقبال مانعول في عرسك ياامره امواه😉
منار:خزي قليلة ادب😑

...
عند العروسه التانيه امل ..
امل مقعمزه تبكي
خشت بسمه تضحك : اموله تبي تلبسي هدا الشبشب ولا هدا 😍
امل تلتفتلها وتمسح في اعيونها :عادي مش مهم اين واحد
بسمه لوحتهم من يدها :بسم الله اموله خيرك حبي 😮في وحده تبكي في عرسها
امل :ضحكتيني يلي يسمع احلي واسعد عروسه في العالم واني شبه مغصوبه اعليه 😪
بسمه:ليش حبيبتي معقوله تقولي هكي والله نادر طرف مطرف والبنات اعليه زي الرز وشخصيه وشاريك شن تبي بعد هكي
امل:هههه شاريني قلتي النبي بسمه مانضحكوش اعلي بعض من يوم اخطبني ماعمره كلمني زي الناس غير الو تبي لون شني؟الدبله بتختارها امي؟تبي فلوس؟وهدا هو ماعمره تفكرني بهديه منه هو مش من امه واخته عيد ميلادي مايعرفاش اصلا تي حتي الضحكه الابتسامه هادي يلي صدقه عمره ما ابتسم في وجهي واكلامه معاي بأختصار زيني زي باقي بنات العيله كأني مش خطيبته بكل 😭
بسمه حضنت امل وتمسح اعلي شعرها: عادي واللع بعد الزواج تو يتغير ولو كان مايبيكش مكانش اقرا فاتحتك وماكنش جاء اليوم هدا اصلا تعودي من الشيطان ونوضي هادي احلي ايام في احياتك مفروض تعيشها لانها ببساطه تصير مره وحده بس في العمر بدل مامنكدتيها هكي افف سيحتيلي الأيلاينير واني مشحطتهم من بكري يرسمولي فيه وهما عيوني عيون تشاينه ماحوتك يرتسمو 😫
امل :😂😂😂تشاينه حق
بسمه:واخيرا شفت الضحكه الحلوه هادي

حور جت داهشه :امل امل امل
امل : نعم خيرك شن تبي
حور: نادر برا 😁
امل وقفت:شنو
حور:اي ونزيدك من الشعر بيت يبيك وقتلي ماما ناديها
امل :😨😨 قله راقده
وصوت من وراهم ....

يتبع في الحلقه الجايه ماتقصروش مع الحلقه لو عجبتكم 🖤بيق لووف