Caught In His Arms (Published Under Pop Fiction)

Mission 16

Chapter 16

"The sweetest rambutan I ever tasted. I can't help but to crave for it from time to time" pakiramdam ko ay bigla na lang nag init ang mukha ko sa sinabi ng magaling na Shokoy.

"Bleeding nose and swollen lips in exchange to that taste of rambutan is all worth it" hindi ko alam kung nabingi na lang talaga ako o natahimik din ang mga pinsan niyang Shokoy. Wala na kasi akong marinig. Tanging ang mga sinabi lang ni Nero ang paulit ulit kong naririnig.

Agad kong iniling ng ilang beses ang ulo ko. No way! Wag kang affected. Pinaglalaruan ka lang ng hayop na Shokoy na iyan. Kung totoo ang sinasabi niya, dapat hindi na siya paakbay akbay sa mga babae niya? Sinungaling lang talaga ang mga Shokoy.

Pero napansin ko na natigilan din pala ang mga kapwa niya Shokoy. Huwag nilang sabihin na naniniwala sila sa pinsan nilang 'yan? Si Nero Ferell pa man din ang klase ng taong sa sampu niyang sinabi labing isa ang yabang.

"Sinong niloko mo?" sabay sabay na tanong ng kanyang kapwa Shokoy. Haist. Kaya ngayon pinagbabato siya ng ubas. Hindi na talaga sila nahiya sa mga nurse dito. Ang iingay na nga nila dumayo pa sila ng pagkakalat.

"Bakit biglang nagkaflavor ang mga babae mo?" tanong ni Troy habang patuloy ang pagbato ng ubas. Pinipigilan ko ang sarili kong hindi magreact sa mga binibitiwang salita ng magpipinsang Shokoy. Dahil sa sandaling madulas ako, malalaman nilang ako ang lasang rambutan. Magkamatayan na. Hindi ako aamin.

"Fuck! Tigilan niyo ko" sinasalag naman ni Nero ang mga ubas na binabato sa kanya.

"Sino naman kaya ang lasang rambutan sa mga babae mo?" tanong ni Tristan. Utang na galang. I need more patience. Wala akong naririnig. Hindi ako ang babae ni Nero. Hindi ako ang kanilang pinag uusapan. Wala akong naririnig.

Patience Florence.

"Bakit sa akin wala naman akong malasahan? May flavor ba talaga sila? Iisa lang naman ang mga lasa. Lasang lipstick" curious na sabi ni Troy Ferell. Talagang may balak pa talaga silang pag usapan ang flavor ng mga babae nila sa harapan ko. Magagaling na Shokoy.

"Oo nga naman. Pinagloloko lang tayo ng gagong iyan. O kaya naman masama lang ang pagkakasuntok sa kanya kaya nagkakaganyan na yan" may pagtango tango pang nalalaman si Owen.

"Who's the rambutan girl Nero?" seryosong tanong ni Aldus. Shit! Wag na wag kang sasagot Nero Ferell! Mapapatay talaga kita.

"Sekreto ko na 'yon" nakangusong sagot ni Nero.

"Yabangan na 'yan. Baka napasalpok lang sa kung saang poste ang nguso niyan" inumpisahan ulit ni Owen na batuhin ng ubas si Nero kaya ang mga kapwa niya pinsang Shokoy ay nakibato na rin. Wala na talaga sigurong magawang matino ang magpipinsang ito. Hindi ba nila alam na mahal ang kilo ng ubas?

Sa panunuod sa kalokohan nila, napasulyap tuloy ako sa Shokoy na kumuha ng first kiss ko. Nakatingin din pala siya sa akin at tinaasan pa ako ng kilay. Talagang nang aasar pa! Kapag napansin pansin kami. Dodoblehin ko ang putok ng nguso niyang 'yan.

"Tapos na ba kayo sa mga kalandian niyo?" mataray kong tanong sa kanila.