احمد ساكت وانا في راسي كلام كتيييير وصدري مثقل ..
بقيت اتكلم وادافع عن بابا و الحصل ليه وعن الوضع البقيت فيه وقلت ليه ما بتسول وبشحتك لكن انا بطلب ترجع حقنا ما اكتر من كده .. حرام نعيش تحت نزوات امك وتغذي حقدك بكلامها ..
بس بعاين لي عين غريبه ما فتح خشمه بكلمه ..
استعدل في قعدته وقال لي انا عايز اقول ليك كلام كتييير بس حختصره ليك عشان تقدري تستوعبيه موضوع ابوك والفاملي تبعك ما شاغلني حله بسيط عندي شاغلاني انتي و البيبي كيف ممكن ارجعكم معاي انا حاسس انه انتي بتلعبي معاي مره تانيه عشان ترجعي الاخدته وبعد كده خلاص يكون عملك خلص معاي ..
: احمد انت ذكي كفايه عشان تفهم وتحس .. معقول انك حسيت اني بمثل عليك؟ 🙄
لو كنت انجلينا جولي ما كنت اديت الدور بالكفاءه دي ..
احمد انا بالجد كنت بديت اتفهم وضعك ومشاعرك ومشاكلك حتى لما تنفعل معاي وتوصلني للحضيض كنت بخلق ليك عذر .. لكن بعد ده كله بالمقابل القى واحد متخاذل وما عنده موقف .. كلمه توديه وكلمه تجيبه رغم قوته و حبروته و عظمته بمكالمه تلفون تكون اشر خلق الله في الارض و ما متأكد من مشاعره عايزني اعمل شنو يعني 😓
احمد انت السبب في البحصل علينا ده كله لو بطريقه مباشرة او غير مباشره .. ده كله كوم و الحصل انك تفبرك لزوجتك صور و مقاطع ما حصلت وتشوه سمعتي في الطين ده كوم تاني .. معقوله ما فكرت لحظه اني انا زوجتك ما عندك غيرة ولا حميه ولا ذرة رجوله 😓..
احمد بس بعاين لي وشكله بفكر وبتدبر القلته ما قاطعني ابدا 😔
قلت ليه انت ساكت وانا البتكلم من قبيل ما عندك كلام تقوله تدافع عن نفسك ..
برضو ساكت ما رد رغم انه حاسه عيونه مليانه كلااااام
قلت ليه بدايتا كده انا تعبانه و مرهقه وما عايزه اقعد في الفندق ده انا بفضل بيتنا مريح بالنسبه لي اكتر من اني اقعد مع واحد بارد زيك ما عنده ايي ردة فعل ..
قمت ومشيت عايزه اطلع ناداني سيرين وقفت واتلفت عليه .. سكت مسافه وانا منتظراه يتكلم حسيته بشاور في نفسه ..
قال لي انتظري انا طالع معاك اوصلك للبيت .. قلت ليه ماف داعي انا بمشي بايي شي ما تعذب حالك ..
ولا كاني رديت اصلا مسكني من يدي ومشى معاي وبيده التانيه طلع تلفونه واتصل على السواق يستعد
طلعنا من الفندق كانت العربيه قدام الباب مباشرتا والسواق واقف وفاتح لينا الباب ركبت اول انا وركب بعدي السواق قفل الباب وركب قدام مع السواق واحد شكله من جماعته جا معاه .
بيتنا بعيييد كل البعد عن الفندق النازل فيه احمد الحركه بطيئه و الشوارع زحمه احمد شكله متضايق ويبرطم كلمات كل شويه .. قلت اغير ليه موده شويه سألته متين آخر مره جيت زرت السودان ..
صدمني طبعا انه من ما طلع وقبل تاني ما رجع للسودان 😟 ١٥ سنه واكتر ولا فكر يرجع حتى بلاقي اهله في بلد بره ..
ابتسم بسخريه 😏وقال لي جبتيني انتي و البيبي ولحد الآن ما قابلت عائلتي ما عارفين اني جيت الخرطوم 🤗
اتبادلنا اطراف الحديث كله عن وضعي الصحي و عن سماهر وقصي و الشغالين سؤال ورد غطاه اجاباته مختصره وحسيت باله مشغول ..
وصلني البيت ونزلتا من العربيه وسبحان الله شباب الحي متجمعين وعربيه زي دي ما بتجي داخله بالشارع ده 😅 الناس دي قهت بس 😯 ونزل السواق فتح لي الباب ونزل البوديقارد فتح لاحمد الباب ونزل وجا جمبي برضو مسك يدي ( حركات خواجات 🤣) .. طبعا انا اتلفتا للقاعدين يعاينو ديل 😏 الحارس فتح باب بيتنا ودخل قدام احمد وهو احمد براه شكله بوديقارد ما محتاج 🤣🤣
