The Hidden Secrets (Tagalog)

Naitanong mo na ba sa sarili mo kung paano at saan nagmula ang lahat ng bagay dito sa mundo at maging sa kalawakan? Kahit ang mismong Syensya hindi maipaliwanag ang tunay na pinagmulan ng lahat ng bagay dito sa mundo. Madaming mga siyentipiko ang nagbigay ng kani-kanilang teorya hinggil dito, at madami na ding debate ang hindi matapos-tapos ni kahit isa ay walang nagbigay katiyakan sa kung ano ba talaga ang tunay na pinag-mulan ng lahat ng bagay sa ating kalawakan. Ang isa na lang nakakasiguro at tiyak na madami ang naniniwala ay ang paliwanag mula sa iba't ibang relihiyon. Gaya ng Islam, Hinduismo, Budismo at ang pinaka tinatangkilik ng karamihan ay Kristyanismo. Madami ang dito na lang binabatay ang lahat ng katanungan kung saan lahat nagmula ang mga bagay bagay, pero madami din ang hindi naniniwala dito dahil malayo ito sa katotohanan kung lohika ang pag babatayan.

Paano kung malaman mo na ang lahat ng bagay dito sa mundo ay pawang kasinungalingan lamang. Magiging normal pa ba ang buhay mo kung sa dinami dami ng tao sa mundo ay ikaw pa ang nakatuklas ng matagal ng lihim ng sangkatauhan....