مساء الخير أحبتي ❤
اتمنى لكم قراءة ممتعة
بقلم: زهراء البياتي Zahraalbayati
علي..ااااااششششش
ارجوان..اجه يمي وهوه يكولي اش واش اني ذبت هنا وجان ياخذ شفتي ويبوسني اني شهكت بس ثبتني ولزمني من خصري بأيده الثانيه
ضل يتعمق اكثر وايده الثانيه تتحرك على كل ضهري
كلبي يدك عل سريع وعقلي ايكولي ادفعي ارجوان لتنسين نفسج فتحت عيني ودفعته من صدره
بس جان اطول واضخم مني كمت ادفع بي واضرب بي
وهوه ابد احسه فاقد لحد مكرصته من جتفه
شوي حس وخر واني دفعته بسرعه هون رجع ليوره
ويضحك استفزني بضحكته
مسحت شفتي وردت احجي بس جنت كولي ارجف من فوك ليجوه وكلبي يدك وايدي بس ترجف
عفته واريد افتح القفل مال الباب واطلع بس من هلكد مترجف ايدي حته القفل وكع مني دنكت اريد اشيله بس هوه اخذه قبلي وصار ضهري على صدره
واتنفس بصعوبه وهوه اجه وباسني من ركبتي من وره
اني طفرت ودرت وجهي ردت اضربه راشدي بس لزم ايدي ورجعني ليوره وانضربت بالباب
علي..ماحب البنات الوكحات تره اعيد السويته قبل شويه وغمز بعينه
اني غمضت عيني وحجيت بصوت كوله رجفه
..انطيني المفتاح علي
اجه وجرني من خصري بثنين ايدي بحيث انضربت بصدره وفتح الباب وهوه حاضني
اني درت وجهي وطلعت ركض من غرفته لغرفتي
دخلت وسديت الباب وكعدت عل كاع واتنفس بصعوبه احس الهوى ماكو شصار اني بحلم معقوله داحلم ششنو الصار ها اوووف غبيه غبيه غبيه شلون ترحين وبليل
ماعندج عقل لزمت راسي وغمضت عيني والدمعه بطرف عيني ماريد افكر ليش باسني ماريد افكر بأي اشي اريد امحي الصار كوله
كمت ورحت نمت بفراشي يم حنين وغمضت عيني
واجه بالي الموقف فتحت عيني واني ابجي
شلون حنسه هذا الموقف شلللللون
هدى..فزيت من نومي على صوت نور وهيه تعيط وتصيح
نور..يلا يلا كومي خل نشوف بعد ساعه ونعرف ارجوان نجحت لو لا
بس اذكرت النتائج مال ارجوان فزيت من نومي ورحت غسلت وجهي يارب انشالله ارجوان خطيه تنجح
لان نفسيتها تعبانه بلكت من تنجح وتدخل كليه تتغير
نزلنا جوه وجانت ماما تروح وتجي وتدعي
والاء كاعده وتهز برجلها
هدى..منو راح يجيب النتائج
الحجيه..علي راح هو وسميره حيجيبوهن
هزيت براسي ورحت صعدت فوك لكيت ارجوان نايمه وبسابعه نومه كعدتها وهيه تمط بروحها وتكلي خمس دقايق واكعد
هدى..صخام يا خمس دقايق ولج نتائج مالتج
كومي ادعي صخمي
ارجوان وهيه تفتح عيونه على كيف
..بيش الساعه
هدى..بال ١١ علي وسميره راحو ياخذون النتيجه
اني كلت هيج وهيه فزت وكالت بصوت عالي
..علي؟؟
هدى..بسم الله اي علي شبيج انتي
..ها لا مبيه شي اي روح اطلعي هسه اغسل وانزل جوه
هدى..ماشي انتظرج
ارجوان..غسلت وشلت شعري عالي واخذت نفس ونزلت جوه شحسوي من راح اباوع بوجهه علي
من وراه حته مدافكر بالنتيجه كعدت بالصاله وبيبي كاعده يمي وتهدي بيه عبالها خايفه متدري اني خايفه من حفيدها شلون حشوف وجهه
ماما تمشي وتبجي وتدعي وتباوع علي وتدور وجهه وتكمل دعائهه والبيت كله مترقب النتيجه
وايمن هم اجه وياسر صبحو علينا
وكعدو ينتظرون بس ايمن شوي وكال عندي شغل وراح
وشفت هدى بس عينها علي وهوه ابد محجه ويا هدى يمكن متعاركين
أنت تقرأ
فراشاتي والزمن (مكتمله)
Romanceقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
