لقد فقدت الامل

البارت الأول

قصـة بعنوان 
《 لقـد فقـدت الأمـل  》
اسمي سرى عمري ٢٤ عندي بنت و ولد بنتي عمرها ٦ سنوات وابني ٤ قصتي مو مثل باقي القصص قصتي حزينة اتركم مع ..
اسمي علي ؏ ـمــري ٢٨ سنـة اعيش ويا اهلي وزوجتي وعندي اطفال ثنين روتيني ؏ــادي مثل كــل الناس اطلع من البيت للشغل ومن الشغل للبيت واكضي وقت مع اطفالي واهلي وزوجتي ..
بيوم مــن الايام كالعادة چــنتَ طالع للدوام اجتي سيارة ووكفت يــمي
انت ابن فلان
اي نعم اني ابن فلان
تـ؏ــآل ويانة
وين وليش وجان الف سؤال بـ راسي واستغراب
تـ؏ــآل ويانة وبــْس ولاتسال
صعدت بالسيارة سيارة سودة وثنين بيها السايق واني وواحد مااعرفه
والطريق كــلة والف سؤال براسي حسبة تجي وحسبة تروح وين ماخذني ومنو انتهہ
من نوصل تعرف
بقيت الوم بنفسي واحجي بداخلي ليــش صعدت وبنفس الوقت ادري ماراح اخلص منهم اذا مــآ اصعد وره ساعة وصلنة لمكان مــآعرف وين وسالت باستغراب وين احنه ووين هذا المكان وانتو منــوو وشتردون مني
واسمع صوت يكول ..
احنه هـنــآ وياگ بشغل وراح نعقد مشروع سوة راحـح تشتغل ويانة عميل سري وراح تاخذ الراتب اليناسبگ..
عميل شــنوو وشغل شــنوو اني ما محتاج شغل وما اريد ادخل بهيج شغل ..
شغل راح يعجبگ وانت مجبور توافق..
ليــش مجبور اوافق ومنو انتو وليش اني !
لــأن جنة بشراگة ويا والدگ واذا تريد تــ؏ــرف منــوو احنه روحـح سألة وهو ينطيگ الجواب وهسه مجبور توافق حتى لــأ يتأذة احد مــن عائلتگ ..
وسحب السلاح ووجهة ؏ــليه
انجبرت مــوو جبان وانما خوف ؏ عائلتي وما اخلي احد يمسهم واني موجود ..
اوگ شــنوو الشغل ؟
فهموني الشغل وتصافينه ورجعت اخذت تكسي وتوجهت للبيت..
سرى
توني كاعدة من النوم الساعة بـ ١٠ ونص وبالعادة اكعد الصبح واسوي ريوگ لعلي ويطلع بــْس اليـــومٛ تاخرت طلعت شفت عمتي بالحديقة تسگي الزرع مثل عادتها دائما نلكاها بالحديقة وتسگي بالوردات وكلش تحب الزرع وهية انسانة طيبة وماكو منهة وتعامل جناتها مثل بناتها ..
صباح الخير عمة
صباح النور يمة روحي كعدي جهالج يمة وريگيهم لــأ تخليهم نايمين لهسة
اي عمة هسههہ اروح اكعدهم امس تاخرت بالنومة وماكعدت وحتى علي طلع بدون ريوگ..
شوية وانفتح الباب ودخل علي ومو من عادته يرجع هيــچ وقت
السلام وعليكم
شفت امي و سرى بالحديقة وكلت اكيد راحـح يسالوني وراح يستغربون ليــش راجع وكت ومو من عادتي ارجع بهيج وقت
وماردت اكلهم شي واقلقهم
سرى
هــلاْ علي
امي
هــلاْ يمة اشو راجع وقت اليـــومٛ
سرى
ايي علي مو من عادتگ مااشتغلتو اليـــومٛ
لــأ اليـــومٛ مــآ رحــت تعبان شوية وكلت ارتاح بالبيت
امي :
لـ؏ــد يمة من الصبح لهسة وين چــنتَ
هيــچ يمة رحت يم االولد شفتهم
سرى
استغربت أنــو علي راجع وگت واستغربت كلامة لان الولد كلهم بالدوام ومحد منهم موجود گـلــت يجوز كدام عمتي ماراد يحجي شي ، فـ دخل للبيت ولحكتة

علي شصاير يجوز كلتلها لعمتي چــنتَ يم الولد ومشيتها عليهة بــْس ؏ــليه ماتمشي اكيد صــآيـر شي والولد كلهم بالدوام ومَحــد منهم موجود
لــأ سرى لــأ تخافين ماصاير شــي بــْس شغلة بسيطة وانشاء الله احلها
علي احجي مو قلقتني
خــلص كتلج مــآكو شــي شغلة بسيطة وانا احلها
وين الجهال
الجهال نايمين وردت اكعدهم حتى نتريگ
انت ماكل لولا
لــأ مااشتهي
وصعدت فوگ غيرت ملابسي ونمت وضجت انو ما حجيت لسرى لأن ما اضم عنها شي بس ماردت اقلقها وتخاف
سرى
عرفت أنــو علي بي شي وبقيت ضايجة لانو ماحجة واول مرة مــآ يحجيلي الشي الي قالقه
صعدت شفتة نايم اخذت الجهال ونزلت ريگتهم وخليتهم يم عمتي وخابرت اهلي وحجيت وياهم وخبرتني ماما أنــو راحـح يخطبون لامير وبما اني البنية الوحيدة بالعائلة رادتني اني اروح ويــآهـة ونخطبلة
امير اخوية الاصغر مني بسنتين واحمد الجبير بينة وهو اكبر مني بـ ٣ سنين ومتزوج وعندة ٣ اطفال زوجتة هند تكرهني كلش وعلاقتي مو قوية بيها لأن من جانت بـ بيت اهلي ويانة اذتنة هــواي لحد ما عزلت واخذت احمد من عدنه .. واخوي الصغير اصغر عنقود بالعائلة والمدلل عمره ١٧ سنهہ المهم هاية عائلتي المتواضعة
علي
كعدت من النوم ونزلت شفت سرى وامي والجهال كاعدين سوة
يمة وين ابوية
امي :
ابوگ فوگ بغرفتة يمة
صعدت وشفتة يصلي انتضرتة يخلص وجنت متوتر وخايف اكلة وينقهر ويصير بي شــي بــْس چــنتَ  لازم اكلة حتى اعرف هذول منــوو ومنين يعرفونة
حجيت ويا ابوية وسالته عليهم عرفهم وكلي هذول ناس عشاير ويدورون مشاكل وجانت بين اهلة واهلهم ثارات ونحلت بــْس هما ماراضين يسكتون وجانو يطلبون مــنة فلوس دائما ويهددوه
بوية انا اخذ الولد ونروح نفتهم منهم شــنوو الي يريدوهة واذا مــآ يسكتون نسويهة حرب ..
طلعت وانـي معصب وضايج ورحت لولد عمامي ..
سرى
شفت علي طلع وهو معصب وضايج واني چــنتَ ضايجة مــنة فـ ما سالتة وين رايح
دخلت سألت عمي شصاير بــْس كال مــآكو شــي شغلة بسيطة وان شاءاللهہ علي يحلهة
ضجت وقلقت اكثر لأن ماقبلو يحجون شصاير ومتاكدة أنــو صاير شــي مو زيــن..
صعدت آنــام وارتاح شوية بما أنــو الجهال يم عمتي جانو يلعبون فـ كعدت ؏ صراخ أمل
أمل بنتي الصغيرة وأيان ابني
سمعت امل تصرخ وكعدت خايفة وركضت نزلت اشوف شبيهة شفت أيان كاعد يمهة وهية تبجي وتصرخ ومــآ اعرف شبيها
أيان ماما شبيها اختگ
أيان : ماادري چــنة نلعب وهية ضلت تبجي
اشوف امل تصرخ وايدها ؏ بطنها وجسمها نار
اخذتها بسرعه وصعدت بيهة للغرفة وغسلتلها ونطيتها دوة عمتي هم اجت ؏ صريخها
ها يمة شبيهة
عمة ماادري چــآنت تلعب جوة ومابيهة شي فجاة كامت تصرخ وجسمهة صار نار ولازمهة بطنها
انشدهت ومااعرف شسوي وامل تصرخ انطيتها دوة ومافاد جسمها نار
علي مــآعرف وين اتصل ؏ــليه مايجاوب
اخذت عمتي واخذنة تكسي وطلعنة للمستشفى وبقة عمي بالبيت وأيان يمة..
بقيت خايفة ماعرف شسوي وايان هَــم خاف وبقة يم عمي يبجي وانشدهت ومااعرف شسوي وافكر بأمل اخاف بيهة شــي وعمتي تهدي بية واخابر علي مــآ يرد
وصلنة للمستشفى واخذوها بسرعة ودخلوها الغرفة وسوولها تحاليل وانطوها مهدء ونامت
بقيت كاعدة يمهة وعمتي وياية وننتظر التحاليل وكالعادة اخابر علي مايرد
طلعت بسرعة وموبايلي مابي شحن وطفى وعمتي ماجابت موبايلها
بقينة ساعة بالمستشفى وامل نايمة ناطيها مهدء وعمتي تقرة عليهة شوية واجة علي ودخل للغرفه ..
علي
رحت ويا الولد وكعدت اتناقش وياهم وموبايلي صامت وما نتبهت سرى متصلة ؏ــليه بقيت اتناقش ويا الولد واتفقنة نروح ونتصافى وياهم واذا مافهمو نتصرف بـ غير شــي..
واني وراجع للبيت طلعت الموبايل شفت سرى حارگة الموبايل من الـاتصالات حاولت اتصل ؏ــليه شفتها مغلق بديت اقلق وخفت صــآيـر وياهم شي سويت الطريق خمس دقايق ووصلت للبيت دخلت شفت ابوية وأيان نايم
بوية وين سرى وامي شصاير
بوية :
ابني أمل تخربطت واخذوها امك وسرى للمستشفى ونتصل عليگ وانت مــآكو روح وراهم شوفهم شيحتاجون وشبيها امل وطمنوني لأن اتصل على سرى مغلق وامك مااخذت جهازها ..
طلعت غيرت ملابسي ؏ سريع وطلعت للمستشفى
وصلت المستشفى سالتهم عن غرفتها دخلت للغرفة شفت امي تقرة ع امل وامل منوميها ع سرير وسرى كاعدة يمها بسرعة اجتي سرى حضنتني وهية تبجي وتعاتبني وين چــنتَ كلبي وكف وخفت يصير شــي بـ بنتي وانت حضرتگ ماترد وماعرف وينگ شبيها وشنو صار
حجتلي سرى عن الصار وياهم وبقينة ننتظر التحاليل ..
سرى
دخل علي للغرفة وحضنتة وابجي وخايفه ع بنتي واعاتبة لان اتصل ؏ــليه وماكو وردتة وياي بقينة نندعي وكل شوي نسال ع تحاليل كالو شوية وتطلع وان شاءاللهہ مابيها شي
ورة خمس دقايق ...
انتو اهل امل
ايي نعم احنه اهلها
اني دكتور امل ولتخافون ان شاءاللهہ الي نفكر بية مايطلع صحيح ومانريد نخوفكم ويانة بــْس لازم نتاكد اول شي
دكتور شنو هلكلام شبيها امل وشنو الخايفين منة
لتخافون ان شاءاللهہ هذا الشي مــوو صحيح بالتحاليل ظهرت أنــو احتمال عند امل مرض خطير ..
اني بسرعة وكعت ؏ الارض رجلي كامت ماتشيلني
علي
بعد ما الدكتور كال هيج سرى وكعت ؏ رجليه ولزمتها وبقيت مستغرب انو امل ماجانت تعاني من شي ومابيهة اي شــي وضايج ومنقهر بنفس الوقت بقيت اهدي بسرى وبداخلي خايف وكلتلها ماناخذ بكلامهم وناخذ امل لدكتور خاص احسن ..
طلعنة واخذنة امل للبيت وحجزت موعد يم دكتور وبقينة نقرة ونندعي الله يحفظهة النة ويطلع كلشي ؏َــن مرضها مو صحيح ..
بقينة ضايجين ومستغربين مــن الي صار
سرى
رجعنة للبيت واخذنة امل مــن المشتشفى و بـ امل انو حجي الدكتور يطلع مــوو صح وجان ؏ــنـدي امل كلش جبير وصوت بداخلي يكلي أنــو بنتي مابيهة شــي
اخذت امل للغرفة ونومتها بـ؏ـد ماصارت شوية احسن ونزلت حرارتها وبقيت كاعدة بصفها وابجي اتصلت ؏ ماما وحجيتلها ؏َــن الي صار بقت تهدء بية وارتاحيت شوية من حجيت وياها وكالتلي راحـح تجي وناخذ امل للدكتور سوية ..
بقيت خايفة ومتوترة اتصل علي ؏ الدكتور دكتور معروف ودارس بـ  بريطانيا اتصل علي ؏ــلىٰ الدكتور واخذنة موعد العصر
علي
دخلت للغرفة شفت سرى غافيه وماتدري بنفسها وبصفهة امل وسرى تعبت هــواي وبنفس الوقت بقينهة خايفين ومتوترين كلنة
طلعت للحديقة واجتي اختي الصغيرة اسمها هيا عمرها ١٥ سنهہ كعدت بـ صفي وبقت تبجي وبقيت اهدي بيها واكلها أنــو امل مابيهة شــي وبنفس الوقت چــنتَ محتاج احد يكلي هذا كلهة حلم وماصار أي شــي
صارت الساعة بـ ٣
اجت ام سرى واخوها سامر الــي هو اصغر واحــد بالعائلة
هــلاْ عمة وهلا سموري شلونكم
أم سرى : هلا وليدي بـ؏ـد شلونه مــن سمعت بـ امل بالي يمهة ويم سرى
ايي عمة بعد اللهہ كريم شنسوي نروح الدكتور ونشوف وان شاءاللهہ مــآكو شي
أم سرى : سرى وين
سرى بالغرفة فوگ نايمة يم أمل
أم سرى : اوكي يمة خل اصعد اشوفها
سامر : شلونگ علاوي وشلون اختي سرى
بعد شلونه ع اللهہ
سامر : يي هف الخبر دمرنة كلنة
هيا : بـ؏ـد ماصار كلشي وجنت ضايجة ومقهورة كــلش و بطلعتي شفت سامر بالصاله ..
سامر : هــلاْو هيا شلونج
هــلاْ سامر ﭑلحـمڊاللہ انتهہ شلونگ سامر : وين مــآ وين مانشوفج
واللـهہ موجودة هههه ودراسة ودوام
سامر : ايي بالتوفيق
والك هم شكراً
سامر : عفوآ
سرى
كعدت ؏ صوت ماما سلمت عليهة وحضنتهة وبقيت ابجي وهي تهدي بيهة لبست ملابسي وجهزت امل وخليت ايان يم عمتي وعمي وسامر وهيا جانو موجودين هم بالبيت وطلعت اني وعلي وماما واخذنة امل وطلعنة للدكتور
بقينة ساعة ونص ننتظر بالعيادة ؏ ما اجة دورنة ودخلنة ؏ دكتور وفحصها وكال الهہ تحاليل وسوينالها تحاليل مــن جديد وانطيناهم للدكتور ومابقة بية نبض من الخوف وهنا الصدمة وتحطم كلشي اسمة أمل وفقدت الامل ..
طلع نفس حجي الدكتور بالمستشفى وبنتي مصابة بمرض خطير چــآنت صدمة بالنسبة الي وخفت افقدها ورجلي كامت ماتشيلني ومااحس بأي شــي وبنفس الوقت لازم ابقة قوية ؏َــلمـود بنتي واوكف وياها واساندها
علي
طلعنة اخذت سرى وامها وامل ورحنة للدكتور الطريق كلة واني مهموم وافكر وخايف وصلنة للدكتور وطلبو تحاليل جديدة وسويناها وهنا چــآنت صدمة بالنسبة النة بس مافقدت الامل كال الدكتور أنــو نفس الشي وعدها مرض خطير ولازم ننومها مستشفى وتاخذ علاج الكيمياوي سرى وجهة غرگان بالدموع وعمتي حاضنتهة واني فقدت وعصبت ؏ دكتور واخذتهم وطلعت اكيد الدكتور مايفتهم لاتخافون نروح لدكتور جديد وبنتي مابيهة شي چــنتَ اواسي نفسي واهدء بنفسي وجان صوت بداخلي يكول اكو امل
هيا
بقيت انتظر خبر من سرى وعلي وگلبي ؏ نار وخايفة حيل واتصل ميجاوبون بقيت اتصل لحد ماردت سرى وهية وتبجي وتحجي وكالت أنــو الدكتور كلهــم نفس الكلام وهنا مات كلشي اسمة امل وانفقد ماعرف شسوي بقيت صافنة ودموعي تنزل ؏ خدي شفت سامر بلباب مستغرب ويباوعلي ويخاف يسألني
سامر
دخلت للمطبخ دااشرب مي وسمعت هيا تخابر سرى ودموعها تنزل ؏ خدها بقيت مستغرب وخايف أسالهة ويگون الجواب المامتوقعهة
شـشـننوو شصاارر ليــش تبجين شكالت سرى ؟
هيا : الدكتور كايللهم نفس الكلام وامل بيهة مرض خط..
لــأ لا تكملين مابيهة شي اكيد دكتور مايفتهم وينهم هما جايين
هيا : ايي بالطريق
سرى
وصلنة للبيت دخلت غسلت وغيرت ملابسي وملابس امل ونومتهة وبقيت يمهة
ماما والبقية جوة بقيت اصلي واندعي أنــو اكو غلط بالتحاليل وبنتي مابيهة غير العافية شــوية وكعد ايان وبقه يبجي ويريدني اخذتة ونومتة بغرفة هيا وصحتلها تبقى وياه..

..
..
..