عند استيقاظى من النوم قررات ان اذهب لاروى لدكتور الحلم ارتديت ملابسي وتوجهت الى حجرته ولكن كانت الحجرة مضاءه باللون الاحمر الخافت ويوجد خيالان استطيع رؤيتهم من زجاج الباب خيال كبير الحجم وضخم وخيال بحجم الدكتور اقتربت ببطأ من الباب استرق السمع فسمعت الحديث ادائر بينهم
الدكتور / اه انا اقنعته يسبها هنا وانها كده فى امان وانه لازم يرجع يجيب الكتاب
المجهول / تفتكر هينفذ
الدكتور / بمعرفتى ب امجد انه بيحب اخته جدا وعشان يحميها هيعمل اى حاجه
المجهول / امممم يعنى اخته هى نقطة ضعفه
الدكتور / اسرته كلها اظن
المجهول / طيب ما انا ممكن اعرض عليه حمايتهم وكنوذ الارض مقابل انه يكمل عهود جده
الدكتور / لا مش هبنفذ لانه بيخاف من الهه المعبود
المجهول / امممم طيب يوصل للكتاب وساعتها هعرف ايه اللى حميه منى
الدكتور / بيقول ساحر جده العمرى راحله
المجهول بضحكه عاليه / انت شكلك نسبت انا مين وكم املك من اتباع
الدكتور / ا..
المجهول / اسكت ريحة امجد قريبه من الاوضه
رجعت انا بسرعه لحجرت اختى وشلتها وجريت خارج البيت وانا بفكر فى الكلام وبفكر فى الحلم وبفكر اعمل ايه واروح فين بمنه وفجأه ظهرت امامى الفتاه اللى بتشتغل فى سوبر ماركت عم حسن قربت منى وشدتنى وراها لحد حارة (شارع ضيق بين البيوت ) وقالت
الفتاه / كويس انك جبت منه من فوق روح بيها العنوان ده عند الست العجوزه دى الست دى امى وهاديس واتباعه ميقدروش يقربوا هناك بعد اللى حصل سيب منه هناك وارجع البيت واوعى تسمع لابوك او امك انزل على طول للبدروم ودور فى الكتب هتلاقى اجابات وتوجهات من جدك هتوضح لك حجات كتير
امجد / انت عرفتى الكلام ده منين وليه اثق فيكى
الفتاه / هتعرف من ارشدات جدك او نسختك الاصليه لو حابب الدقه اسفه مقدرش اوضح اكتر من كده وان كان على الثقه فمفيش امامك غيرى
وبعدين رجعت بضهرها ناحيط الحيط فتفتح ودخلت جواه واختفت ينهار ..... طيب اعمل ايه اثق فيها واروح للعنوان ده ولا اعمل ايه قعدت مكانى فى الارض وانا حاضن منه وبحاول اصحبها بس هى مش بتصحى بتمتم بالكلام ومش بتفتح عنيها
منه / عايزه انام يا امجد سبنى .... لا مش هصحى
امجد /طيب يا منه.
مفيش امامى غير الست دى يا ربى ده حتى العنوان فى الصعيد احسن برده كده منه تبقى بعيد عن الوش هنا قومت وشلتها حتطها فى العربيه على الكنبه وطلعت على طول على العنوان اللى فى الصعيد والغريب ان طول الطريق منه مش عايزه تصحى وصلنا بعد المغرب المكان كان عامل زى الجنه ارض خضره واشجار فاكهة مثمرة وفى مجرى مائى وسط الشجر الله اما يا منه لو نيجى نعيش هنا ده انا مش هفكر ارجع القاهرة ابدا قومى بقى يا منه افرجى على المنظر يوه انت مش بتصحى ليه بس وبعدين لقيت اخر الطريق بوابه كبيره ينموا عليها اللبلاب نزلت من العربيه عشان ارن جرز بس مفيش كنت لسه هخبط بايدى البوابه بدات تتفتح لحد ما اتفتحت على الاخر ومفيش حد وراها قولت يمكن بتتفتح الكترونى رجعت للعربيه ودخلت بيها طريق طويل تقريبا 10دقايق بالعربيه وسط حديقه اقل ما يقال رائعه وصلت لقصر كبير مش بيت وبرده شجرة البلاب متسلقه جدران الاقصر زى ما تكون مزيناه لفيت وحملت منه ورحت اخبط على باب القصر وبرده فتح لوحده بس كان فى بنات كتير بسن منه واصغر واكبر بيلعبوا واول ما شافونى جم جرى وهما بيضحكوا والمفجاه كانوا بينادونى باسمى
