مساء الخير احبتي
اتمنى لكم قراءة ممتعة ❤
تردوني نفس الكاتبات ما انشر القصه لمده اسبوع حته يصير تفاعل ها تردوني هيج اصير ليش هل تفاعل مالتكم الكولش ضعيف ليش مو والله رغم شغلي وحملي وزوجي والبيت داكتبلكم ☹☹ تفاعلو
بقلم: زهراء البياتي
هدى.. فزيت ونزلت جوه وجان اشوفهم بالصاله ديسولفون
بس ايمن وزينه ماكو رحت للمطبخ شفت بس ارجوان وسميره وهم وحده من البنات ديغسلن مواعين
كمت افور من العصبيه رحت لغرفه ماما جان بابا نايم
افف وين هذول؟؟!
شفت نور جاي تصعد وصحتها
نور..شكو
هدى..شسمه شفتي ايمن وين
نور..اي راحو هو وزينه يشترون كنافه وزنود الست
شوي ويجون وحبابه من يجيبون عود ضميله لان احب الكنافه
هزيت راسي وبداخلي اكو عيطه لو اعيطه جان تهز البيت يمكن كوله اختنكت كولش واحس نار وبصدري
رحت كعدت بالصاله وجانت الاء منطلقه تحجي ويا امها خواتهه وفرحانه واني كاعده وحاطه ايدي عل خدي انتضرهم
اجت ارجوان وشاورتني بأذني
ارجوان..اكولج تره خلصنا غده يعني تكدرين تصعدين فوك وتعوفيهم براحتهم شعدج كاعده يمهم
هدى..ليش عادي كاعده
ارجوان..اي بس حته ماما راحت للغرفه خليها هيه واهلها انتي شكو
هدى..اوف شعليج اني اريد ابقه
ارجوان غمتني وكالت
..امداج ابقي يمهم شعلي بيج وراحت
اندك الجرس واني طفرت بس سميره راحت قبلي تفتح
كعدت وسويت نفسي العب بشعري
وجان تدخل ست زينه والضحكه شاكه حلكها وايمن شايل علاليك وهم يضحك
زينه..جبنالكم خوش كنافه وزنود الست
سميره..اي والله مشتهيتهن كولششش
جنت اني بينهم فدشي نشاز لان الاء وخواتهه وامها وبناتهن وحته بيبي راحت تصلي علمود تعوفهم لوحدهم بس اني باقيه يمهم وايمن هم لان هم يصيرن بنات خالتهه وهنه كولس ميانه ويا وشقه وكلساع
وحده تضحك ويا وزينه اصلا يمه كاعده
شبيهه اني معقوله كاعده بنص هل ناس حته عيب
كامو يوزعون كنافه وزنود الست اني عفتهم وكمت لان اصلا ايمن مدارلي بال ولا عبالك موجوده اني
بس صاحتني ام الاء وكلتلي
..تعاي اكعدي متاكلين ردت اجاوبها بس الاء حجت
الاء..لا اكيد نعسانه وحتروح تنام
محجيت هزيت راسي ورحت صعدت فوك واحس بشي ابد محاستهه شي غريب اي غيره غيره بس مو طبيعه بدي الزم ايمن وهيج اضربه اعيط علي اكوله ليش ليش ليش هيج تسوي بي وتقهرني اني مردت هلكد نبتعد كوله من وراي يمكن جرحته هواي واهتميت لكلام الناس داصعد والدمعه بطرف عيني وجان اسمع صوت ايمن وراي
درت وجهي واشوفه هوه وزينه ديصعدون وبيدهم مواعين بيها كنافه وزنود الست بلعت ريكي ودرت وجهي وصرت اصعد نفس السلحفاه عبالك داصعد على بيض واخاف ليتكسر هيج كمت اصعد علمود يصيرون كدامي واشوفهم
وصدك اجو يمي وصارو كدامي وزينه باوعت عليه وابتسمت بس بعده هيه وايمن ضحك وسوالف
ايمن..تذكرين من اخذنه التاير مال سعد ابو المحل
زينه..هههههههههه اي وسوينه بي مرجوحه الله والله ايام حلوه جانت
ايمن..اي كولللش حلوه
همه يحجون واني اصعد وراهم واباوع عليهم شكد واحد قريب على الثاني لحد مخلص الدرج وكللها خل ندخل بغرفتنا ونسولف على ايام زمان وهيه تضحك
اني هنا عباره عن كتله من النار مادري شصار بيه لوحدهم وبغرفته لا لا مستحيل مستحيل اخليهم
هدى..اوكفو اني هم اريد اكل كنافه كولش احبها
أنت تقرأ
فراشاتي والزمن (مكتمله)
Romansقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
