Naglalaro na parang kulisap sa ilalim ng bituka
Nangangatog ang mga tuhod nanghihina,
Tila mga ilaw na pumapatay sindi sa gilid ng kalsada,
Sagot na di ko makita.
Paano, sa t'wing nasisilayan, kaba, tila naghuhukay na sa lupa
Ngunit kung hindi matanaw tinding nangungulila.
Paano sa iyong tinig na bumabatingaw wari'y sinisilaban,
Ngunit bawat salita'y nais kong ibote at di pakawalan.
Nakakalinlang pagkat kwento'y di maaring mabuo,
Parang punyal na nakatarak sa kaluluwa't mariing nagdurugo,
Sa katotohanang ika'y buwan at ako ang mundo.
Totoo, ganito tayo kalayo.
BINABASA MO ANG
PAPEL, TINTA AT TALINGHAGA
PoetryAng pagsulat ay ang pagsigaw ng mga salita na kamay lamang ang may kayang gumawa. Isa itong pagtatanghal at ang blankong papel ang magsisibling entablado habang marahang isinasayaw ng lapis ang mga titik na mapaglarong lumiliro't kumakalambitin sa d...
