🌺 كَــــحْـٰلة آلــعْــيــون 👀🌺( مكتملة )

الجزء:3

وصلو للمطار وسطاسيونا خوها وهي تنزل جا ينزل خوها وهي توقفو .
شهد : كريم بلى ماتهبط اخويا والله باقا تابعاك الخدمة يالاه تمشي ليها ..
كريم : اودي علاه شحال من ختي عندي انا ( حط يدو على كتفها وشاف فعينيها ) ولكن عارفك قوية ..
ابتاسماتلو وحطات يديها على يدو : وتانا عارفك شحال نتا واقف معايا ( جبدات يدو وباستها ) احسن اخ ..
كريم : ( عنقها ) طريق السلامة وشبعينا تصاور ..
شهد : ههه واخا .
نزلات ونزل موراها عطاها غير الباليزا ورجع لبلاصتو وهي نطلقات كتاخد نفس تادخلات دارت الإجراءات ومشات كتسنى وقت الطيارة ومرة مرة كتشوف فساعتها تاسمعات موعد الرحلة ديالها لي متوجهة لهولاندا ناضت من بلاصتها وتاجهت شدات بلاصتها فالطائرة وماهي دقائق حتا حلقات الطائرة فالسماء هزات دفتارها وستيلو وبدات تكتب فيه

المرأةُ إن طُلِّقت فطلاقُها لم ينقُص منها شيئًا، ولم يُقلِّل مِن أنوثتها، طلاقها لم يُنهِ حياتها ولم يهدمها، بل ربما كان طلاقها حياةً لها وخيرًا مِن زواج كانت فيه مدفونةً!
إنما يهدمُها تلك النظراتُ الخبيثة التي تحمل في طيَّاتها الشماتة، وتلك الأفعالُ الجارحة التي تتلقَّاها من القريب قبل الغريب، وكأن أولئك الذين ينبِذونَها ضمِنوا لأنفسهم السعادةَ كأنهم ضمِنوا السلام من الابتلاءات!

ابتاسمات حيت شحال حفضات هاد النص كانت قرات مرة فواحد اللحظة لي ماكانتش كضن واش غاتوصل عليه فهاد النهار رجعات راسها اللور وزيرات بيديها على دفتارها وبقات كتسنط للموسيقى ..

بعد ماتحطات الطائرة على الأراضي الهولاندية نزلات كاتحاول تاخد أكبر نفس فالداخل ديالها دخلات للمطار تما وهي تهز تيليفونها كتعيط .

شهد : الخايبة ... ههه وي راني وصلت .. عرفتك غاتكوني ديجا كاتسنايني ( وقفات باش تهز باليزتها ) اييه هههه وهانا خارجة خارجة ..

هزات الڤاليز ومشات خرجات لبرا لقات طموبيل فالأسود كاتسناها ركبات وهي تسمع غوتة حساتها طرطقاتليها الطبل دودنيها ..
سارة : اااااااااااااا توشحتك توشحتك توشحتك ..
شهد : ههه توحشتك تو حححححشتك ..
سارة : لااااء توشحتك او شاداها فيك يالاه هههه ..
مشاو غادين كيضحكو فالطوموبيل واغلبية سارة لي كتعاودليها على المصايب لي كانت كادير تاوصلو لدار عمها ..
دخلو لقات مرات عمها مستاقبلاها هي وعمها وولدهوم خو سارة الصغير وعاد ختها المتوسطة كانت فالمدرسة ..
طلعو نيشان للفوق مشاو لبيت سارة ودخلو تلاحت سارة فناموسيتها كتشوف فيها ..
سارة : ايوا قوليلي الخايبة ..
شهد : شغانقوليك ( كتهز الباليزا ) ..
سارة : مالكي غبرتي هاد الغبرا غاقوليلي ..
شهد : ايوا غير م .. ( سكتات كتشوف ) اويلي ..
سارة : مااالكي !؟ ( جات كطل )
شهد : هزييت باليزا ماشي ديالي ...

#يتبع

توقعااااتكم 😊