رسالة من مجهول 📝💖

الحلقة الأولى

الحلقة الأولى
#رسالة_من_مجهول
#بوسى_مصطفى

____________________

البدااااااية....

في محافظة الشرقية.. مدينة الزقازيق...

في منزل جد بطلة قصتنا( أميرة)

أميرة عايشه في منزل جدها (والد مامتها)

بعد وفاة والدها وهي عمرها خمس سنوات

اقترح الأب (والد مامت أميرة )

على بنته راويه ( مامت أميرة)

إنها تيجي ب أولادها فادي عشر سنوات واميرة خمس سنوات
لمنزله في مدينة الزقازيق
لتسكن راوية مع أخواتها جلال... شكري في المنزل
وعندها اخ تالت ابراهيم لكن ساكن بعيد عنهم في منطقة ريفيه تابعة لمدينة الزقازيق

توفي الأب (جد أميرة)
ووصي الاولاد (جلال... وشكري وإبراهيم )

ان اختهم راويه تظل في المنزل
والشقة تكون ميراث لها بجانب قطعة أرض يتم تقسيمها بينهم ومحلات لبيع الاقمشه

عاشت أميرة في هذا لمنزل واصبحت الان عمرها واحد وعشرين سنه
في الفرقة الرابعة كليه الآداب جامعة المنصورة.. قسم علم إجتماع
وفادي ( شقيق أميرة) ستة وعشرين سنه
( شغال في الكويت من أربع سنوات خريج تجارة)

احنا دلوقت في اجازة الترم الاول وتحديدا في شهر يناير
( فادي جاي بكره)

في شقة راويه( مامت أميرة)..الدور الثاني

راوية : بتعملي ايه كل دا يابنتي عندك
أميرة : كنت بنضف اوضة فادي ياماما
راوية / طب تعالي افطري الأول وبعدين كملي
أميرة : م انا خلصت... الحمد لله
راوية : طيب عشان تساعديني في المطبخ
اميرة : يعني هقعد اليوم كله اطبخ واروق البيت ياماما
راوية : معلش ياحبيبتي.. مش اخوكي جاي بقى ولازم ياكل كل اللي نفسه فيه
دا تلاقيه ياحبة عيني محروم من كل الأكلات الحلوه اللي احنا بناكلها دي
أميرة : لا ياماما... الكويت فيها مطاعم بتعمل أكل مصري عادي
راويه : تلاقيها غاليه يابنتي
وهو ياحبيبي هيوفر عشان يجهز نفسه ويشطب شقته ولا هياكل بالمرتب بتاعه
انتي مسمعتهوش بيقولك بيدفع قد ايه ل إيجار الاستديو اللي ساكن فيه
أميرة : ماهو كمان غلطان ياماما كان يوفر الفلوس دي ويسكن مع زمايله..
معظم الشباب بتعمل كده
راويه : ياحبيبتي مسمعتهوش بيقولك إنهم قد ايه في الاوضه
دا غلط يابنتي
حد سهران مش عايز ينام
واحد عايز ياكل... يتفرج على التليفزيون
يكلم خطيبته ولا مراته
يعني مش هياخدوا راحتهم
أميرة : الحياة صعبه ياماما ولازم يستحمل
راويه : طب افتحي الباب رجلي منمله مش قادرة اقوم
أميرة : حاضر ياست الكل.. ومن غير م تقولي كمان انا كنت هقوم

تقرب أميرة وتفتح الباب
يسرا : صباح الخير
أميرة : صباح النور... ادخلي

يسرا ( بنت خالها ابراهيم اللي ساكن في منطقة ريفيه تابعة لمدينة الزقازيق
وخطيبة فادي اخوها)