ارواح لاجئة (مكتملة)

البارت الخامس

ارواح لاجئة
بقلم//الفهدة السوداء
البارت الخامس

أجوان::وين رايحه مو سوينه العشه
دتعالي لتضوجين
طاحظج ريتا ليش هيج ضوجتيها
اوكفي ماريان تعالي تعشي
ولج ابقي لاتروحين

حبست دموعي وطلعت لبيتي ركض ربع ساعه واتصلت امي تتوسل
ناديه:: تعالي تعشي يمه
والله اطيحلج حظها لهالحقيرة
ماعليج بيها
تعالي يوم لا تشلعين كلبي تعالي تعشي وتونسي يروحي سوده عليه

ماريان::لا يمه حبيبتي
والله ماضايجه وتعشيت
هاي طلعت عشى وتوني كملت وشلت الاكل
بس ديرو بالكم ع الجهال وغطوهم زين حته باجر يبقون نايمين يم رينا ويمج
دانروح اني والبنات للصالون

نادية::يعني مارح تجين هذا ابو مارسيل جاب سيارتج وانطى السويج لأجوان

ماريان::خلي اجوان تدخلها بكراجكم حبيبتي والله تعبانه مالي خلك اطلعلها
وهياتني طبيت بفراشي راح انام

ناديه::نوم العوافي حبيبه
قفلي البوب وطفي الكهربائيات ونوم العافيه ان شاء الله

ماريان::تصبحين ع خير يمه
نادية::وانت من اهل الخير

سديت الخط ونزلت دموعي
شبيه هالاسبوع بس ابجي
صار شكد ما باجيه
صار شكد ماكاعده ويه روحي و مذكرة الماضي
شبيها الدنيا وياي هالاسبوع
ليش بس تقهر بيه ماكافي تعب الحياه
انوب هالقهر الماعرف شلون اتصرف ويا

باوعت ع جرجف الجرباية
نقشته مربعات متداخله بألوان هواي تدوخ لليركز بيها
رجعت ذاكرتي
لهواي ذكريات
بمختلف مراحل عمري
يمكن الى ان اموت تبقى هالذكريات براسي
مستحيل انسى
*****************************************

فديوم جنت
لابسه ملابس المدرسه
اركض بالشارع اتسابق ويا مارسيل وارسلان وسالي
منو الي يدخل للمدرسه اول
ويه دخلتي للمدرسه
عثرت ووكعت
والتراب دخل حته بعيوني وملابسي تربت وكالوني انشك
ركض عليه مارسيل كومني ونفضني
وهو ضايج

مارسيل::اي غير تنتبهين وين داتدوسين
مو كلنا دانركض وياج
ليش دائما تنجبحين وتتأذين
بعد ممنوع منع بات تركضين
والله اكتلج اذا ركضتي بعد

ابجيه كتله
ماريان::هسه انت داتواسيني لو داترزلني
فوك ما وكعت انت ترزلني
ماحبك بعد

مارسيل: ولج غير انقهرت عليج
وانت تهبدين بروحج
باعي الدم الطلع من رجلج
وتكليلي لا تصيح

برطمت وباوعتله
ماريان::مارسيل رجعني للبيت
ماريد اداوم هيج
استحي

مارسيل::ليش تستحين
روحي للتواليت نزعي الكالون ذبي بالزباله
لبسي حذائج ونفضي هدومج
وتعالي اني انتضرج هسه تطلعين حلوة اكثر من قبل لا توكعين