رسالة من مجهول 📝💖

الحلقة ٣

الحلقة ٣
#رسالة_من_مجهول
#بوسى_مصطفى
____________________

بعد كام يوم في المدينة الجامعيه
أميرة قاعدة بتكتب البحث بتاعها
نورا : بتعملي ايه يااميرة
أميرة : زي م انتي شايفه
نورا : انتي لسه مخلصتش البحث ده
أميرة : لسه بضيف كام مرجع للبحث عشان الدكتور يقيمه بضمير
امل : اطمني مهما تعملي مش هتاخدي اكتر من مقبول
أميرة :" مش عايزة إحباط وسيبوني اركز
زينه : الشاي وصل
كل واحد عارف كوبايته ياخدها
نورا : مش هتبطلي البخل اللي انتي فيه دا
الشاي مر وميتشربش.. لو مفيش سكر قوليلي
كنت نزلت اشتريت من تحت
امل : نعم.!
دا جايه كيس سكر امبارح
لحق يخلص
زينه : انا الحق عليه اللي خايفه عليكم
لازم نقلل من السكر ياجماعه
عشان صحتنا
نورا : لا العبي غيرها وقولي إنك بخيله قال خايفه ع صحتنا قال
امل : معرفش انتي طالعه بخيله لمين بجد
انا اعرف ان الشرقاوية اهل الكرم
كده هغير رأيي فيكم
نورا : لا واضح إن كل مكان فيه وفيه
م عندك أميرة اهيه
أم الكرم كله ومبتخلش لا حد ابدا
يعني مثلا لو واحده صاحبتها وحبيبتها اوي ممكن تخلصلي البحث دا في نص ساعة
أميرة : احنا أهل كرم اه
بس مش عبط اوي كده
شيلي الورق دا ياحبيبي
بدل م احدفه من الشباك
امل : ههههههههههههه شيلي ورقك يانورا
حد قالك إن أميرة عبيطه اوي كده
أميرة : م بلاش غلط يااموله
عشان انا قلبتي وحشه
امل : هههههههه بضحك معاكي ياميرو
هاتي الشاي يا زينه
زينه : زينه هتتغطي وتنام... تصبحو على خير
امل : ماشي بس خليكي فاكره
عشان هردهالك قريب
زينه : اخلصي يااميرة عشان عايزة انام ولا اطلعي كملي بره في الصاله
نورا : هههههههه اطلعي يااميرة عشان تهيصي مع دينا واصحابها
امل : عارفه انا اللي مصبرني ع الشله اللي بره دي
إن باقي شهرين ونغور من هنا ومنشوفش بعض تاني
نورا : عارفه كلامك دا وجعني اوي
زينه : ليه ياقلب امك
نورا : عشان احتمال منشوفش بعض تاني فعلاً
امل : لا احنا هنشوف بعض عادي انا بتكلم ع الشله اللي بره دي
نورا : هتجوز كمان شهرين يابنات وهسافر السعوديه
زينه : يااختي يابختك
نورا : بس انا مش عايزة اسافر واسيب بلدي
امل : هههههههه ايه يااختي مالك الوطنيه نقحت عليكي ولا ايه
نورا : عارفين يابنات
احساس إنك تسيبي المكان اللي عيشتي فيه وتسافري عشان الظروف هي اللي اضطرتك لكده
احساس صعب اوي
غير لما تكوني مسافره بمزاجك
رايحه تتفسحي وتشوفي الدنيا
ازاي اسيب بلدي بأهلها وناسها ب شوارعها وترابها
اسافر واسيب اصحابي اللي بحبهم ادفن ذكرياتي هنا
واعملي حياة تانية هناك مفيهاش الناس اللي بحبهم
اتعود واعيش واتأقلم في جو تاني مش بتاعنا
انا مش حابه السفر وكل اما خطيبي يجيبلي السيرة دي لازم اتخانق معاه واعمل أي حاجه عشان نقفل مع بعض ومنتكلمش في الموضوع دا
أميرة : خلاص متسافريش
اتجوزوا وهو يسافر ويبقى ينزل اجازات كل فترة وخلاص
زينه : ياسلام على ذكائك الخارق يااميرة
هي يااختي الواحده بتتجوز عشان تعيش في بلد وجوزها في بلد تانيه
انتي بتقولي ايه
امل : عادي جداً ياجماعه انا اخويه الكبير عنده تلاتين سنه دلوقت
وبابا مسافر من ايام م كان خاطب ماما ولسه لحد دلوقت بيسافر وبينزل شهر واحد كل سنه
زينه : بس دا صعب اوي ياامل
يمكن انتي اتعودتي ع كده
لكن اكيد مامتك تعبانه من الوضع دا
والمسؤلية اللي شالتها لوحدها وبقيت فرض عليها
متعرفيش كام مرة نامت وهي بتبكي ع حالها
واحتياجها لوجود راجل جنبها
يحسسها بالأمان يطبطب عليها يشيل معاها شويه من اللي هي شيلاه
لا ياامل الغربه دي وحشه اوي
امل : عندك حق يمكن عشان انا اتعودت ع عدم وجود بابا في حياتنا
فالحياة ماشيه معايا بشكل طبيعي
لكن بتعب نفسياً لما واحده من صحابنا بتكلمني عن علاقتها بباباها وقد ايه مرتبطين ببعض
بحس ان علاقتي ب بابا غير طبيعيه
انا بتكسف يابنات اتحضن من بابا بحس ان دي حاجه غريبه اوي
ازاي بابا يحضني او يبوسني
ازاي اصلا يدخل عليه وانا نايمه يغطيني او يطمن اني نمت
حاجات كتير افتقدتها
لكن امي كانت جبل قدرت تحتوينا وتلمنا جنبها
صحيح مش مكانش سهل عليها إنها تقوم بالمهم دي
بس عمرها م حسستها يتعبها
ولا بالمسؤولية اللي شايلها فوق كتافها
أميرة : انا بقى.. مش فاكره ابويه
غير من شوية الصور اللي عند ماما في اوضتها
لما بابا توفي كنت صغيره اوي
مش فاكره غير وشوش بس قدامي
خالي شالني وحضني جامد
وفاكره حد اخد ب ايد فادي اخويه واحنا طالعين ع السلم بتاع بيتنا
قاله دا بيتكم الجديد
ماما قالتلي احنا هنعيش هنا
وقتها كنت عماله افكر مش فاهمه اي حاجه
عشان محدش كان بيتكلم معانا في الموضوع دا
لما كبرت شويه وكنت في المدرسة
جه مدير المدرسة الفصل
وقال بعلو الصوت
اللي باباه متوفي يوقف
وقتها حسيت ان قلبي دا اتكسر مليون حته
امل بتطبطب ع أميرة
أميرة بتمسح دموعها وبتكمل
أميرة : وقفت انا وكام بنت في الفصل
أخدوا اسماءنا
قال ايه عشان يعفونا من مصاريف المدرسة
طب مش مفروض إنهم معاهم كل اوراقنا اللي فيه م يثبت دا
ايه لازمتها وقفتنا في الفصل قدام زمايلنا
نورا : غباء
أميرة : رجعت البيت وانا بعيط ويومها صممت اني مش رايحه المدرسه دي تاني
خالي جلال قالي هنقلك مدرسة تانية
وفعلاً روحت مدرسة تانية وبقيت بخبي ع اصحابي إن بابا متوفي
وكلهم كانوا فاكرين إن خالو جلال دا يبقى بابا
وصدقت أنا كمان إنه بابايا لدرجة اني كنت بغير لما يخرج من عندنا ويطلع شقته
كنت بطلع اقعد معاهم طول الليل واقوله ذاكري
كانت طنط مديحه تدخل تنام وانا منزلش غير لما خالو الاقيه نام ياحبيبي ع الكرسي وانا بذاكر
كنت انزل اتسحب عشان ميحسش بيه
نورا : كفايه يااميرة عشان خاطري
وبطلي عياط بقى
زينه : سبيها تفضفض يانورا
اميرة :  أنا مشوفتش بابا ونفسي اشوفه بقى
عارفه اني مش هعرف اشوفه غير لو روحتله
امل : بعد الشر عليكي يااميرة
بطلي بقى
نورا : قلبوتها غم ونكد ياكئيبه منك ليها
امل : هههههههههههههه
سوري يااميرة مقدرتش امسك نفسي ومضحكتش
أميرة : هههههههههه لا عادي انا كمان ضحكت
وبتمسح دموعها ولسه بتضحك
زينه : يامجانين
هههههههههههههههههه
نورا : تيجي نخرج نهيص مع دينا
امل : ههههههههه اول م تطلعي هتلاقي الأستاذة ناني في وسكع
زينه : كبسه يامعلم انتي بتقولي فيها م صوتها بره جايب لآخر الشارع اهوه
هههههههههههههههههه
أميرة : هههههههههههههههه
تعالوا ننام بسرعة عشان منلبسش تهمه احنا كمان
نورا : ع رأيك لو لاقيتنا صاحيين
هتفكر إننا كنا معاهم وجرينا دخلنا جوه
امل / طب اقفلوا النور بسرعه
تصبحو ع خير
_______________
تاني يوم الصبح.. في شقة فادي
يسرا : اجي امسح ايه
فادي : خلاص يايسرا انا آسف هجيب حد يمسحها وينضفها
انا قولت مفيش فرق بينا يعني
ممكن اجي انا وانتي وننضفها عادي
دي شقتنا مش شقة حد غريب
يسرا : يعني انا العروسة انضف الشقة اللي هعيش فيها دي يعني من مهامي للوظيفه اللي حضرتك عينتني فيها بصفتي بقيت مرات سعادتك؟؟!
فادي : خلاص قولتلك انا اسف
افتكرتك هتاخدي الموضوع عادي
لكن بما إن الموضوع جرح كرامتك كده يبقى خلاص اعتبريني مقولتش حاجه
يسرا : انا اعرف ان اهل العريس هما اللي بينضفوا الشقه
دي عاداتنا وتقاليدنا
فادي : أميرة في الجامعة زي م انتي عارفه وماما متقدرش تعمل لوحدها
وبعدين انا مستحيل اقولها تعالي ياماما نضفي شقة ابنك
يسرا : اديك قولتها شقة ابنك
يعني محدش غريب
وبعدين كان مفروض جات من عمتي مش لازم يعني تقولها
واهي أميرة جايه بكره
تبقى تيجي تنضفها
فادي : هترجع تعبانه انا هشوف حد ينضفها مش شغلانه يعني
يسرا : مدخلش حد غريب بيتنا
انا بكره هكلم أميرة واقولها وابعد انت عن الموضوع دا خالص
فادي : لا يايسرا بلاش
يسرا : ياحبيبي دي شقة اخوها
وفرصة بقى تثبت انها بتحبك
هنشوف هتقولي ايه
المهم بقى الصورة دي تتشال من هنا
فادي : حاضر
يسرا : اه والنجفه دي تتحط في الصالون وتجيب بتاعت اوضة النوم هنا
فادي : حاضر ياحبيبتي
كل اللي انتي عايزاه هيتنفذ انتي بس تشاوري وكله يبقى تحت امرك
يسرا : طب ابعد شويه
فادي : هو احنا مش مكتوب كتابنا برضو
يسرا : اه ياحبيبي مكتوب كتابنا بسع
الحاجات دي بعدين لما ألبس فستان فرحي والدنيا كلها تشوفني وحضرتك حاطط ايدك في أيدي وداخلين الشقة
مش بنتسحب زي الحراميه
عارف لو مامتك جات واحنا مع بعض شافت الموضوع عادي انا معنديش مانع
لكن تشوفنا وتروح تتكلم علينا اهو دا اللي يزعل
وانا بقى مش هعمل حاجه من ورا اهلي
يلا بقى وصلني في سكتك عشان بابا ميعرفش اني هنا
فادي : بسرعه كده... هو احنا لحقنا نقعد مع بعض
يسرا : معلش الايام جايه كتير ياحبيبي يلا بينا
فادي : ماشي يلا بينا
_____________