رسالة من مجهول 📝💖

الحلقة ٤

الحلقة ٤
#رسالة_من_مجهول
#بوسى_مصطفى
__________________

قدام شقة راوية
نعمه ترن الجرس.. تقوم راويه تفتح الباب
نعمه :  سلام عليكم
راوية :  وعليكم السلام... تعالي يا نعمه
نعمه : ايه مالك؟
راوية :  عندي صداع جامد اوي
نعمه : تلاقيكي منمتيش كويس
راوية : بقالي كام ليلة مبنامش
نعمه : ليه يااختي هههههههههههه
دا حتى انتي يعني مفروض تبقى فرحانه وتنامي كده وتستريحي ولا الفرحه مطيره النوم من عينك
راوية : لا بس قلقانه شويه
نعمه : قلقانه من ايه
إلا قوليلي انتي مش هتروحي تباركي للعرسان
راوية : فادي كلمني امبارح وقالي إنهم مسافرين اسوان الصبح
انا كنت رايحه ليهم النهارده
بس قالي انهم حجزوا في فندق هناك وهيقعدوا اسبوع
قولت خلاص خليني قاعده لحد م يجوا
نعمه : غريبه... دي رفيف سألت يسرا
بتقولها هتقضوا شهر العسل فين
قالتلها في البيت هنروح فين يعني
راوية : انا كمان اتفاجئت زيك كده
يلا المهم يكونوا مبسوطين
تشربي شاي ولا قهوة
نعمه : لا شاي ولا قهوة
انا هنزل عشان اعمل الغدا
م تبقى تيجي تتغدي معانا النهاردة
راوية : مش هينفع اصل أميرة جايه النهاردة
نعمه : تيجي بالسلامة
وماله يعني م نتغدا كلنا سوا
دي أميرة بتحب تاكل من ايدي
ودايما تقولي ياطنط اكلك َميتشبعش منه
راوية : عارفه يانعمه... تسلم ايدك
بس بتيجي ياحبيبتي تعبانه يدوب بتاكل وتنام
نعمه : على راحتك بس متعمليش اكل ولا تتعبي نفسك
انا هبعت رفيف بالأكل
نامي انتي واستريحي وياريت تاخدي حاجه للصداع ده
راوية : هعمل كوباية شاي واخد اسبرينه وانام شويه
نعمه : طيب انا نازله.. سلام
____________

في منزل ابراهيم
تدخل عاليه ع إبراهيم وهو قدامه فلوس وبيعدها
عاليه : ابراهيم...
نبيل متصل بيقولك
يشاور لها ابراهيم عشان متتكلمش ويعرف يعد الفلوس
عاليه قعدت جنبه ببتسامة
خلص واستك الفلوس ووضعها قدامه
عاليه : ايه الفلوس دي كلها ياابراهيم
ابراهيم : مش كلها فلوسي ياعاليه
عاليه : امال فلوس مين
ابراهيم : فلوس إيجار الأرض والجناين بتاعت اخواتي
عاليه : اه... قولتلي
ابراهيم : نفسي اشتريهم قوي ياعاليه
عاليه :"واخواتك هيوافقوا
دول عندهم يبيعوا للغريب ومبيعوهاش ليك
ابراهيم : لا هما مش عايزين يبيعوا
عاليه : بكره اخوك شكري يحتاج فلوس عشان يجهز بنته
واكيد هيبعله كام قيراط عشان يجهزها
ابراهيم : تفتكري هيهون عليه يبيع الأرض
دا ممكن ياخد سلفه ولا إنه يفرط في قيراط واحد من أرضه
عاليه : وهي الشركة اللي شغال فيها هتديله سلفه قد ايه؟؟!
لا اكيد هيفكر يبييع حاجه من اللي عنده
انت مش شايف جهزنا يسرا بكام
ابراهيم : مش انتي اللي مهاوده بنتك... متتكلميش بقى
عاليه : يااخويه امال لو مش فادي شايل معانا نص الجهاز كنت عملت ايه
ابراهيم : بقولك ايه
محدش يعرف الكلام ده
عاليه : مالي اللي يعرف يعرف هو احنا هنخاف ولا ايه
م كله في بيته يااخويه هو احنا اخدنا حاجه لينا
ابراهيم : ايوه بس مش عايزين كتر كلام في الموضوع ده
عشان القايمه اللي ماضي عليها
عاليه : ماهو كمان واخد جوهرة
بس هو يحافظ عليها
ابراهيم : انا نازل الزقازيق
محتاجه حاجه من هناك
عاليه : عايزة سلامتك
بس استنى خد الحاجه دي معاك
ابراهيم : حاجة ايه دي؟؟؟
_______