فصليتي ضابطة الجزء الثاني (٢)

البارت الاول من الجزء الثاني

طبعا اعذرونا عالتاخير بنات وانشاء اللة نعوضكم

نيلوفر. رجعت بسيارتي الجديدة للبيت وطبعا رحت البيت الشيخ لان عزمني اني وجادو عالعشا نزلت جنت لابسة تشيرت نص ردان ابيض بي (LOVE ) بالوسط وجينز اسود وحذاء (تكرمون ) ابيض وشعري ذيل دخلت للديوان همة هيج يسمو لكيت عمو الشيخ وكرم وصكر والحجية ومروش حبيبتي شكد مشتاقتلها اول مادخلنة
نيلوفر .. السلام عليكم
جاد .. السلام عليكم
الكل .. عليكم السلام
دخل جادو سلم عليهم وديصافحهم اجت علية مروة
مروة.. حبيبتي نونة مشتاقتلج كومة
نيلوفر .. حياتي مروش اني الاشوق وتحاضنة
بعدتهة ورحت بست راس الشيخ وايدة احترام
ورحت للحجية نفس الشي هم بست راسهة وايدهة
ورحت لكرم سلمت عليه من بعيد ومرته بس تخوزر
سلمت على صقر مدلي ايد باوعتلة ورفعت حاجب بعدين مديتلة ايدي عصر ايدي رديتهة آلة اقوى وطولت حسيتة صار احمر بس يكابر تركتة من وحدي كامت الحجية كالت ياللة كومن الغدة جاهز بس نمد السفر
نيلوفر . اوك خالة يلة مروش كومينة
مروة . يلة حبيبتي كايمة
نيلوفر . دخلنة للمطبخ انطت الحجية السفرة لمروة كالتلهة تروح تفرشهة فرشتهة وكمنة ننقل المواعين للديوان حطيت كدام كل واحد ماعون وصلت الصكر همس الي

صكر .. صايرة نادرة 🙄
نيلوفر .. من يوم يومي نادرة 😌
ورحت للمطبخ انقل الباقي بس اني هواي حاجية وي صكر بس هالمرة حسيتهة مختلفة بعدت هالافكار وكملنة نقل وكعدنة كلنة ناكل حلوة لمتهم وشوية غيرت جوو بس بعدة عمار الخاين ببالي وشلون اكشفة قاطع تفكيري صوت صكر
صكر .. اي نيلوفر شلونة شغلج
نيلوفر .. الحمد اللة ليش السؤال
صكر .. لا هيج بس حبيت اطمن
مروة .. امممممممم بصوت عالي
نيلوفر وسم شبيج
مروة .. لاهيج بس حبيت اطمن ،😂😂
صكر .. تستهزئين حضرتج موو
مروة .. لاحبيبي اخوية كلشي ولا صكوري
نيلوفر .. شوف اللواكة 😒
كملنة عشة وكاعدين كولنة سوة كالت مروة
مروة .. نونة خل نطلع ضايجين
نيلوفر .. اي واللة كلت للشيخ معارض وانطيت خبر للحجية وحاجينة الشباب
مروة .. راح نطلع تطلعون ويانة
جاد .. وين ترحن
نيلوفر .. للمول
جاد .. اوك يلة شباب كومونة نغير جو
مروة .. تعالي نونة خل نبدل
نيلوفر .. نطيني ملابس مجايب. وياي
مروة .. اوك يلة تعالي .. صعدنة لبس من مروة هذا حخليلكم صورة تقريبية

لبست مثل هذا بس شوية اطول ولونة زيتوني وحذاء بيجي وضفرت ضفيرة فرنسية صفح وميكب خفيف مع ايلاينر ومروش لبست فستان محجبات لون بنفسجي وشال مشجر بنفسجي وبيجي والحذاء بيجي
جاد .. شباب بيا سيارة نروح
كرم .. اني اخذ عائلتي واروح بسيارتي ونلتقي هناك
نيلوفر .. اوك لعد كلمن يروح بسيارتة ومروش وياي
جاد .. اوك
صكر .. اوك
نيلوفر .. صعدنة كل واحد سيارتة
جاد .. من جامة السيارة شنو رايكم نسوي سباق والخاسر يعزمنة على عشا
نيلوفر .. موافقة
صكر .. موافق
كرم .. هم موافق
جاد .. استعدو بدوا يشغلون سياراتهم
جاد .. انطلااااق
نيلوفر .. شغلت السيارة وحطيت الحزام وكلت المروة حطي الحزام
مروة .. نونة هاللة هاللة وياية ترة بعدني صغيرة
نيلوفر .. احاول
صكر .. شغلت السيارة وحطيت الحزام كال جاد انطلاق لو نيلوفر تدوس دوسة بحيث باقي بس التراب وراهة عاد اني ابتسمت وطرت وراهة صحت واني بالسيارة ( جاايج يامهرتي ) اي مهرتي ومو اي مهرة مهرة شرسة
نيلوفر .. وصلنة طبعا اني فزت نزلنة من السيارة
مروة .. وج خيال فديتج تجننين
نيلوفر .. فداج الكون وماي العيون
اثناء مدنحجي نزل صكر
صكر .. مبروك الفوز
نيلوفر .. اللة يبارك بيك
وصلو البقية طبعا اخر واحد مراد  يكول ابنه لعبت نفسة فهوة الدفع طلبنة العشة طلبت شاورما دجاج ومروة بيتزا وجاد كنتاكي وصكر شاورما لحم ومراد  وزوجتة بيتزا وجهالة همبركر كملنة اكل ودفع كرم طلعنة من المطعم ورحنة افترينة بالمول اشترينة اني ومروة مكياجات وملابس وعطور وغسولات وكريمات وهلسوالف المتخلص واخذنة سبحة للشيخ ودشداشة للحجية وأخذت لعابة كولش جبيرة عجبتني لميار ورجعنة هلكانين بسرعة نمنة

خلص البارت واسفة عالتاخير انشاء اللة النشر حيكون يومي كل يوم ٥٠٠ أو ٦٠٠ كلمة اليوم سويتة ٦٠٠ صووتو للقصة وبأي