_عارفه يا شروق انا لقيت حل لكل اللى انا فيه
=قولى يا ام العريف
_ بصى يا ستى انتى اخبطينى جامد بأى حاجه على راسى بخشبه مثلا انا بقى هفقد الذاكره و بكدا هنساه و هبطل احبه
=طبعا طبعا !!
_ايوه يعنى هتخبطينى
= امال !!
_ تسلميلى يا شوشو والله انا بحبك جدا
=انتى هبله يا بت خشبه ايه وذاكره ايه انتى مجنونه
_ما هو انا تعبت بقى و زهقت
=تقومى تقولى الهبل دا يا حنين
_ماهو يا افقد الذاكره يا اموت يا اما اقسم بالله هروح اقوله انى بحبه
=طب يعنى مفيش حل غير العبط دا
_كل م اقولك حل تقوليلى لا مينفعش
=حل ايه بس هتودينا فى داهيه انتى مسميه انك لما تخطفيه دا حل ولا لما تقطعى ف شرايينك دا حل و كله كوم وانك تروحى تهدديه بالقتل دا كوم تانى انتى مجنونه رسمى
_يووه انتى بتقفلينى على طول اعمل ايه يعنى
=اصبرى
_يعنى انا لما اصبر هيجيلى
=اه اصبرى و ادعى
_انتى مش بنت خاله جدعه على فكره ... انا ماشيه
=ابقى تعالى بكره عشان نروح محاضرات بقى انا معرفش حاجه ف المنهج
_لا مش جايه
=براحتك ممكن يكون ادهم هناك
_ايه؟! ... احنا لازم نروح ع..شان محاضرات بك..ره مهمه اوى وكده واحنا لازم نذاكر
=اه انا عارفه المحاضرات دى مهمه بالنسبالك اد ايه و قد ايه انتى بتحبيها وبتموتى فيها و فى عيونها الرصاصى
_ بقولك ايه محدش بيعاكسه غيرى
=طب يالا يختى سلميلى على خالتو و تعالى بكرا عشان المحاضرات ..ها .. المحاضرات المهمه .. المحاضرات الرصاصى .. ماشى يا عاليا
*********
....... طب احدف عيها حاجه وافتحلها دماغها ولا اعمل ايه بالظبط يلا مش هتهون عليا دى صاحبتى وبنت خالتى واختى وكل حاجه ليا مش عارفه من غيرها كنت هعمل ايه الوحبده اللى بتفهمنى من نظره ... لما بتشوف لمعه عينى و تقولى احكى و دايما واقفه جمبى ومهةنه عليا كتير و دايما بتمسكنى قبل م اقع فى الغلط و بعدين مش ذنبى يعنى ان انا حبيته هو و عيونه اللى بتخطف قلبى دى هيييح .. مكنش لازم يعنى يفضل يتأسف كتير لما القهوه بتاعته وقعت عليا .. مش القهوه بس اللى وقعت دا انا اللى وقعت ومحدش سما عليا .. معرفش ازاى شروق قدرت تزعقله كدا متاهتش فيه زى ما انا تهت فيه ..
********
=انهارده كان يوم متعب سكاشن ومحاضرات يوم طويل
_ جدا ... بقولك هو فين مش انتى قلتى انه جاى
=كنت بخمن يا حنونه
_ايه!! يعنى كنتى بتضح...
=مالك؟! تنحتى كدا ليه؟! مبتفائلش والله بالتتنيحه دى حنين انطقى الله يسترك!!
_اهو !!هناك اهو
=مين؟! ادهم؟!
_اه هو ... ايه دا يلهوى شافنى!! ...يادى النيله دا بيضحكلى!! ..ضحكلى اهو يا شروق اقوله بقى ان انا بحبه ها اقوله ونبى يمكن يحس
=ابوس ايدك اتقلى هتفضحينا اعملى نفسك مش واخده بالك
_يلهوى دا بيبصلى ..اييه!!! دا جاى ..جاى يا شروووق .. هموت جاى هناك اهو بيقرب والله جاى
=اسكتى هتفضحينا !! امسكى الروايه بتاعتك واعملى نفسك بتقرى فيها
_ حاضر حاضر ..
* احم .. اذيكوا
=اللحمدلله
= خير فى حاجه حضرتك
*ايه ..لا لا مفيش بس كن... ايه دا انتى بتقرى روايات ؟!
_ ها ..ايه ...اه اه
*بجد .. انا كمان بقرأ روايات ..على كدا بقى تبقى تقوليلى اسم روايات حلوه
_طي...
=حنيين احنا لازم نمشى عشان منتاخرش
_نتاخر على ايه
=على خالتو انتى نسيتى ولا ايه
_انتى بتقولى ايه مش فاهماكى ...اااه ..خالتو
*طيب استأذدن انا بقى
_ليه كدا يا شروق
=انتى عاوزه تقفى معاه ..انتى هبله
_طب اعمل ايه بس
=اقولك حل جامد اوى
_ابهرينى
=نروح نجيب شاورما
_شاورما ايه بس دلوقت انتى بتهزرى يا شروق انا عاوزه كريب
***************
~ادهم حبيبى عامل ايه يا جدع
*الحمدلله يا احمد وانت
~كويس امال انت مالك فيك ايه
*مفيش واقع لشوشتى مش اكتر
~بتتكلم جد اخيرا الحجر حن دا مين الغلبانه دى
*شروق اختك فى واحده صاحبتها معاها على طول
~فى طب صح
*اه ..فى تالته
~لابسه نضاره كدا صح؟!
*اه و عندها حبه نمش كدا مقولكش
~نمش وطب و نضاره ...اسمها ايه البت دى؟!
*حنين
~اييه مين يا روح امك دى بنت خالتى يا حيوان
*يعم عادى يعنى بس البت اختك مبهدلانى والله و التانيه مبتتكلمش
~جدعان تربيتى
*جدعان ايه بس يا عم بقولك واقع لشوشتى قول هى بتحب ايه وكدا
~طب هقولك .. عشان انا واثق فيك هقولك بس يا ادهم لو عرفت انك عملت حركه كدا ولا كدا والله ادبحك
*ايه حليك حيلك بقولك بحبها و عاوز اتجوزها
~انا مش عارف ازى انا بتكلم معاك كدا و مقوتش اديك بوكسين افوقك بقولك ياعم دى زى اختى اتكلم كويس شويه
*خلاص سكت اهو انجز بس واتكلم
~بص يا سيدى مش قلب الراجل معدته
*ايه علاقه دا بالموضوع
~فتح دماغك معايا كدا .. قلب البت كمان معدتها
* معده ايه يا عم ايه جو الطفاسه دا انا مش هعمل الهبل دا
~دا اللى بينفع يا اهبل
*لا يا عم هتودينى ف داهيه البت هتفكرنى اهبل .. يعنى بدل م ادخل ع البت بخاتم مثلا ادخلها بساندوتش
~اه ولو سندوتش شاورما سورى بيتهبلوا صدقنى
*لا يعم انا غلطان عشان سالتك انا مش بتاع الهبل دا
~براحتك
*يلا يعم الله يسهلك
**************
_الانسان تعبان
=اه والله
_و حزين
=جدا جدا
_ومرهق
=طبعا
_و ملهوش لازمه
=امال
_انتى بتستهونى باحزانى صح؟!
=لا يا بنتى ابدا
_طب تفتكرى بيحبنى
=شايفه الورده دى
_مالها
=خديها افضلى قطعى ف ورقها وقولى بيحبنى مبيحبنيش زى ايام التمانينات كدا و شويه وتلاقى ادهم داخل عليكى ويعترفلك بحبه وانا بقى اشغلكوا موسيقى هاديه وافتح الغاز و ارمى عود كبريت عشان تولعى انتى وهو واخلص من ام الزن دا
_انتى بتزعقى يا شرووق طب شوفى مين هيديكى روايات مش هتشوفى منى كراسه حتى
=لا دا انتى بردو حبيبتى ومتهونيش عليا
_ناس مبتجيش غير بالعين الحمرا
=لا بقولك ايه دا انا ورايا ناس كتير واولهم احمد اخويا
_احمد اخوكى! مش دا اللى قفاكى وارم بسببه
=يووه خلاص بقى
_هسكت مش هكمل عشان مشاعرك
**************
*خد
~ايه دول اعمل بيهم ايه
*دول كتب اديهم لحنين
~اقولك هاتلها اكل تجيب كتب و روايات
*يوه ياعم اديها دول بس
~تمام .. اروح انا اقولها اسهل
*لا انا اصلا باين عليا وشكلها عرفت
~لا ع فكره دى مبتفهمش الحاجه مباشره عمرها م هتفهم بالتلميحات
*تقصد ايه .. هتدوخنى معاها مش هتفهمها وهى طايره
~اه .. انت روح ارميهالها مره واحده كدا او تفاجئها و انت قاعد مع ابوها
*طب مش المفروض اعرف هى بتحبنى او متقبلانى الاول ولا لا
~والله انت شكلك هتطول ومش هتنجز
*طب هاخدها واحده واحده انت روح اديها الكتب دى الاول
******************
=هتفضلى حاضنه البتوع دول كتير انا مش عارفه ازاى انتى هتخليهم معاكى ومش هترجعيهمله
_عاوزه منى ايه
=عاوزاكى تقعدى تكلمينى وتسيبى الكتب دى
_فرحانه ياستى الله
=طب كان كاتب ايه ف الورقه اللى ف الكتاب
_كاتب .. مقولتليش اسماء كتب حلوه فقلت اقولك انا..
=يا سلام يا سلام تصدقى الواد دا ملزق وانا مبحبوش اديله الكتب
_لا
=رخمين شبه بعض لايقين على بعض مووت
_يسمع من بؤك ربنا
=طب بقولك ايه يا حنونتى
_اهى الجمله دى بعدها مصلحه على طول
=انا قريت كل الكتب اللى معايا واللى معاكى
_لا
=انتى عارفه انا عاوزه ايه اصلا
_اه عارفه وبقولك اهو لا .. بعينك يا شروق
=بالله يا حنين اخد واحد منهمم بس اقراه وارجعهولك
_رجعيله الكتب يا حنين ..انتى ازاى هتاخديهم منه و شويه وتقوليلى هاتيهم ..انتى جوزائيه يا بت؟!
=طب ماشى يا حنين بكره تشوفى
_هش هش هش .. يلا يبنتى الله يسهلك
=انا رايحه الجامعه بكرا هتيجى؟!
_اه جايه
*****************
_اتهدى بقى هو كل يوم خناقات
=م هما اللى بيستفزونى بيقولولى يا قطر انا قطر يا حنين؟!
_م انتى بصراحه مسويه وش اى حد يقربلك بالاسفلت ..تعرفى انا ببقى ماشيه مطمنه وانا معاكى معايا اجدع بودى جارد ف الدنيا
=تصدقى انك مهزقه
_عارفه ي شروق انا قررت ابقى استرونج
=ازاى يعنى
_يعنى لما اشوف ادهم مش هتوتر ولا هبان هبله عادى يعنى زيه زى اى حد هبقى زى القطر شبهك
=حنين انتى سخنه
_لا انا كويسه من انهارده استرونج ودبش استرونج ودبش
=طب دى حاجه كويسه جدا ورينى شطارتك بقى عشان هو وراكى و جاى علينا اهو
_اييه ... لا بتهزرى
=ها قلنا اييه لسه واخده القرار معداش ثانيتين
_حاضر ..
*اذيكوا عاملين ايه
اللحمدلله
_شكرا ع الكنب حلوه اوى
*عجبتك ؟!
_اه جدا
*طب كويس والله بقولك انا كنت عاوز اسالك ع حاجه
""يعم انت تسال على طول و متستاذنش انجز بقى وامشى عشان مش هعرف امثل الاسترونج دا كتير""
=بقولك ايه احنا ورانا محاضرات و سكاشن اد كده عاوز تسالها ع حاجه انجز و اسال
*ايه دا قطر بيتكلم انا اول مره اشوف قطر بيتكلم
=شايفه يا حنين شايفه يلا بقى عشان مينفعش الوقفه دى
_ايوه فعلا عدينا لو سمحت
*لا مش قبل م اعرف رقم باباكى
=و انت عاوز رقم باباها ليه ان شاء الله
*حقيقى انتى عاوزه قطع لسانك الله يكون ف عون اخوكى
_يلا بس ادينا سكه و عدينا
*انا اتعديتى منها ولا ايه بصى بقى محدش متحرك من هنا غير لما تقولى رقم ابوكى
_وانت عاوزه ليه بقى لا تكنش ناوى تخطبنى يلا يا بابا من هنا عدينى
*طب م انتى حلوه اهو وبتفهميها وهى طايره امال فى ايه بقى
_هى ايه اللى طايره ... انا مش فاهمه حاجه .. عدينى بقى .. متفهمينى ي شروق
=انتى حقيقى مش فاهمه؟!
_لا
*انا غلطان .. احمد قالى ارميهالها خبط لزق وانا مسمعتش كلامه قالى انت بتحب غبيه و انا مصدقتوش
_بقولك ايه يا تفهمنى يا تعدينى ... وبطلى ضحك يا زفته انتى كمان
*تفهمى ايه بقولك هاتى رقم ابوكى تفتكرى ليه
_ليه
*مش يمكن عشان بحبك
=حنين اتقلى ابوس ايدك .. استرونج ... قطر... اديله على دماغه
"""تقل ايه بس يا جماعه
_وانا كمان بحبك والله ها ايه تانى
*انا؟!
_اه انت !!
_تمت_
