فصليتي ضابطة الجزء الثاني (٢)

البارت الثاني من الجزء الثاني

طبعا واللة اني ضايجة كولش لان كتبتلكم بارت وكملته ونكطعت الكهرباء من اجت لكيتة كولة محذوف مباقيتلي كلمة ولا ااثر وهسة لازم اكتب من جديد ،😰😥😥

نيلوفر .. كعدت الصبح لكيت نفسي نايمة بملابس البارحة وشفت مروة نايمة بفستانهة غطيتهة ونزلت رحت المغسلة غسلت وجهي واسناني ورحت  شفت الحجية بالمطبخ
نيلوفر.. صباح الخير
الحجية .. صباح النور حبيبتي اصبلج ريوك
نيلوفر .. لا خالة تسلمين اريد اروح للدوام خلصت اجازتي بين مادااحجي نزل مراد وورا سما زوجتة
مراد .. صباح الخير
نيلوفر.. صباح النور
الحجية .. صباح النور وليدي تعال اصبلك ريوك
مراد .. اوك يمة
سما .. غسلت واجت . صباح الخير
الكل .. صباح النور
نيلوفر .. صعدت بدلت لبست زي رسمي ( زي عسكري ) وشلت شعري كعكة وحذاء سبورت زيتوني وطلعت من الغرفه لاكيت صكر استوة طالع من غرفتة
صكر .. صباح الخير
نيلوفر.. صباح النور
صكر .. هاي شنو لعد حتداومين
نيلوفر .. اي واللة صارلي هواي كاعده وساكتة والشعب يحتاجني
صكر .. اممم موفقة
نيلوفر .. تسلم ونزلت سلمت عالكل وطلعت شغلت السيارة وحطيت الحزام ومشيت نزلت يم كوفي رحت جبت قهوة عشقي وكملت طريقي وصلت للمقر اول مدخلت ضربولي تحية
الحارس .. حضرتج الضابطة نيلوفر
نيلوفر.. نعم اني 
الحارس .. اتفضلي لغرفة المدير اخر غرفة على  اليسار
نيلوفر.. رحت حسب موصفلي المكان وصلت للغرفة دكيت الباب
المدير .. اتفضل
نيلوفر..مرحبا سيدي اكدر ادخل  
المدير.. مراحب أتفضلي ست نيلوفر
نيلوفر.. اكول سيدي  من اليوم اباشر دوام
المدير.. يكون احسن لان محتاجيج بمهمة بس انتي وضابط لاخ تكدرون تحلوهة
نيلوفر .. اوك سيدي  ممكن تحجيلي عن المهمة
المدير .. هي عبارة مجموعة مجرمين فاتحين مصنع في تجارة الاعضاء البشرية وتسفيرهة للخارج حاليا منعرف مكان المصنع بس عدنة شوية معلومات يعني اكثر الاماكن الي يدخلوهة عددهم اسماءهم بس هذول
نيلوفر .. اوك سيدي انشاء اللة اكون حسن  ضنك بس يمتة الضابط يباشر بالدوام
المدير .. اعتقد من باجر
نيلوفر .. اوك اهلا وسهلا بي اني اترخص
المدير .. مرخوصة
نيلوفر .. رحت لمكتبي كملت شغلي بالبحث عالمهمة وانشاء الله من يجي الضابط اناقش معلومات وياه
كمت طلعت لمكان التدريب شفت الشباب يدربون الي يركضون والي يلعبون الضغط والي يلعبون حبل هواية اخذتلي مجموعة وكمت ادربهم
نيلوفر .. يلة اسرعو يلة يلة
الشاب .. سيدي ممكن تنطينا استراحه
نيلوفر .. لا كمل مبقى بس ربع ساعة🙄
الشاب .. مكايلة شي ،😌
نيلوفر .. بدل مكاعد تسولف كوم  اركض احسن لان راح ازودهن بعد ربع ساعة
الشاب .. لاسيدي اترجاج لا هاي ركضت
نيلوفر .. راح يركض هف هذول ميجون اله بالعين الحمرا
كملنة تدريب وطلعت ركبت السيارة هف مشتاقة لبابا جان دائما يدعمني بكل قراراتي فجاه واني احجي عنة لكيت دموعي تنزل مسحتهن وكملت طريقي قبل لا اوصل دك جهازي باوعت مروة المتصل
نيلوفر .. الو
مروة .. هلا وغلا عيني ليش مكعدتيني قبل لترحين
نيلوفر .. وج شفتج نايمة ومحبيت ازعجج والبارحة تاخرنة
مروة .. اممم اوك مسامحتج بس جيبيلي حلويات وياج
نيلوفر .. اي دكولي هيج من البداية ياعيني
مروة .. يعني اكمل زعلتي
نيلوفر .. اوك اجيبلج يلة ولي
مروة .. اوك باي
نيلوفر .. بايات
سديت الخط منهة واتصل توني رديت
نيلوفر .. الو
توني .. هلا واللة بالبذاتة
نيلوفر .. هاي شنو يعني اني بذاتة هوة بس البارحة ملتقينا ولا اتصلنا
توني .. المهم عازمج عالغدة
نيلوفر .. اوك بيش الساعه نلتقي وبيا مطعم
توني .. مطعم ......... الساعه ٣٠ : ٢
نيلوفر .. اوو بعد ساعة ونصف من هسة
توني .. يس منتضرج وسد الخط
نيلوفر .. وصلت للبيت ونزلت دخلت من باب المطبخ لان اعتقد اكو خطار قبل لا ادخل طلع ولد من الديوانية (المضيف / الديوان ) ضل صافن بوجهي خزرته كال
الولد .. السلام عليكم اسمي محمد انتي بنتهم
نيلوفر .. عليكم السلام اتشرفنا واني اي بنتهم
بين مادااحجي طلع كرم كال ها حمود شعندك ويغمزلة
محمد .. حبينة نتعرف
كرم .. ديربالك ترة ضابطة ايدهة والاسلاح ،😂
محمد .. ها اسف سيدي وضربلي تحية
عاد اني متحملت انفجرت بالضحك وكرم اصلا هو ميت من الضحك وضلينة نضحك بصوت عالي ومحمد صافن طلع صكر عاد كرم انتبه وياشرلي اجة اجة واني ممفتهمة شي لمن وكف يمي
صكر .. نيلوفرررر شنو هالضحك هذا ،😠
نيلوفر .. حبيت استفزة ببرود وانت شدخلك شنو ولي امري مثلا
صكر .. انجبي صاقطة تربية مخافر شترجة منج
نيلوفر .. مخليتة يكمل انطيته بوكس بنص وجهة كرم ومحمد ركضولة ولازمي
صكر .. صاقطة تضربيني اني اعلمج لك هدوني عليه اليوم آلة اربيهة
نيلوفر .. اتركو بلة اتركو اريد اشوفة شيسوي هالمخنث هذا . اني كتلة هيج وهوة جن جنونة ضل ينبح بكل علاة صوتة طلعو المطار البالمضيف وطلع الشيخ . هوة من شاف الشيخ سكت وهدء ( مو اكللكم جبان )
الشيخ  .. ممكن افهم شصاير هناااا
نيلوفر .. السموحة شيخ بس ابنك وجهلي إهانة اني مااكدر اتحمل اكثر
الشيخ .. فوتو ويصير خير
نيلوفر .. الخطار راحو وفات الشيخ للمضيف ورة اشويه اجة كرم نيلوفر الشيخ يريدج😁
نيلوفر .. تضحك مو تضحك اصلا انت اساس البلة 😒
كرم .. ههههه هوة احنة كاعدين نشاقة هوة شكو حط روحة .
نيلوفر .. الكبر عبالك جلب يجي عالريحة
صكر .. انجبي ولاتجاوزين لا انطيج بوكس آلة اعميج
نيلوفر .. باوعلة لكيت الاثر مال البوكس مالتي صاير ازرك
ضحكت .
صكر .. ها تتمضحكين لازم عجبج الحجي .
نيلوفر .. انت لو بيك حض جان رديت عالبوكس الاول مو بس تهدد .
صكر .. اني اعلمج .
مشة وعافني اباوعله ومبتسمة . فززني صوت كرم
كرم .. ها نيلوف الصفنه ومبتسمة خيرج .
نيلوفر .. ها .. لا هيج ماكو شي
كرم .. امم يلة الشيخ يريدج
نيلوفر .. اوك رايحة . رحت للمضيف دكيت الباب لكيت الشيخ وصكر كاعدين
الشيخ .. تفضلي بنتي .
نيلوفر .. رحت كعدت .
الشيخ .. ممكن تحجولي شصاير فضحتوني كدام الشيوخ
صكر .. السموحة شيخ بس تقبلهة على عرضنة صوتهة وين واصل وفوكاهة حاطة ابن الشيخ ........ محمد وتتمضحك وياه .
الشيخ .. احجي بنتي
نيلوفر .. انشاء الله كملت اتهام استاذ صكر اولا ضحكت اي بس مو بصوت كلش عالي وبعدين اني مجنت اضحك وي الولد جنت اضحك وي كرم وحتلو ضحكت كرم يمي وممسويه شي حتة تجي وتفشر عليه كدام الولد ودكول الساقطة وتربية مخافر .
الشيخ .. مع الاسف عليك صكر عبالي شيخ وواعي بس حرامات ربايتي بيك راحت هدر .
واني اسف ابنيتي امسحيهة بشاربي
نيلوفر .. لا شيخ انت ماعليك عتب واني مزعلانه منك ورحت بست راسة واترخصت وطلعت . شفت الساعه (٥٦: ٣) عزة توني عزمني على غدة ونسيتة من ورة صكيران ..........

لهنا ويخلص البارت طبعا البارحة كتبت البارت وكملتةوانقطعت الكهرباء  وردت انشرة بس للاسف لكيتة محذوف فسويتلكم هذا مال يومين بال١٠٠٠ كلمة لاتنسون التصويت عالبارت باي ،😘😘😘😘😘😘😘😘😘😘😘😘😘😘😘⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦😍😍😍😍😍😍😍😍😍😍😍😍😍😍😍