رسالة من مجهول 📝💖

الحلقة الخامسة

الحلقة الخامسة
#رسالة_من_مجهول
#بوسى_مصطفى
______________

تاني يوم في شقة راوية
زينه : ههههههههههه
أميرة : بس وطي صوتك... مالك مسخسخه ع نفسك من الضحك كده ليه
زينه : تلاته يااميرة
أميرة : ابعدي ايدك دي عن عيني
زينه : ههههههههههههه
اقولك تعالي نعمل حادي بادي ونختار بقى
انا هكتب اول ورقة سيف التانية نبيل التالته مصطفي
يلا ابدأي
أميرة :"بس يامجنونه بطلي هبل
زينه : هههههههه خلاص
اقولك انا همسك التلات ورقات من غير م تشوفي الاسم وانتي تختاري
زي الشايب كده فاكره
هههههههههههههههههه
أميرة : انا عارفه إن فادي مش هيوافق ع سيف
زينه : ليه بس
متسبقيش الأحداث
وبعدين انتي خلاص اختارتي سيف
هههههههههههههههههه
أميرة : امشي اطلعي بره يازينه
مش عايزة اعرفك تاني
زينه : خلاص خلاص حقك عليه
انا آسفة هههههههه
بس ليه بتقولي كده
أميرة : علشان حاجات كتير اوي
ولو هو وافق خيلاني مش هيوافقوا
زينه : ليه يعني مش فاهمه
أميرة : بقولك ايه قفلي ع الموضوع دا
وتعالى نكمل البحث
صورتي الورق اللي بعتهولك
زينه : اه اهوه بس بقولك اكتبيه كده بخط جميل ومرتب ها
بلاش نقش الفراخ بتاعك ده
أميرة : بقى دا نقش فراخ؟!
زينه : علشان دا البحث بتاعك
لكن انتي مبتكتبيش ليه بذمه وضمير
شايفه خطك هنا وحش ازاي
أميرة : طب طالما خطي وحش
م تكتبي انتي يااختي
زينه : بقولك ايدي متعوره
اومال لو مش شايفاها بنفسك كنتي قولتي ايه
أميرة : شوفتي بقى لو كنتي بتكتبي باليمين مكانش الجرح دا هيضايقك بالشكل دا
زينه : خلاص يااميرة هاتي البحث
مش عايزة منك حاجه... انا غلطانه اني جيتلك
أميرة : ههههههههههههه قماصه اوي
زينه : كلمة زيادة وهمشي بجد
أميرة : ههههههههه انتي كدابه يابنتي
ولا هتمشي ولا نيله
انتي مستنيه لما اخلص وبعدين تفلسعي
زينه : طب خلصي عقبال م اشرب الشاي
شوفتي اهوه برد كمان
أميرة : هعملك غيره... استنى
زينه : لأ تعالي هنا رايحه فين
خلصي ياحبيبتي البحث
انا مش عايزة اشرب شاي المهم تكتبي بضمير ها....
أميرة : هههههههه حاضر بس جهزي الماني حق تعبي ووقتي اللي بضيعه ده
زينه : هاخد الورق ل زياد ابن اختي اللي في كيجي يكتبه ولا الحوجه ليكي
أميرة : هههههههه ورباب اختك متكتبش ليه
زينه : مش فاضيه بتعمل محشي
أميرة : ههههههههههه حلو المحشي برضو
زينه : هههههههه كل اما اروح هناك الاقيها لايصه في شغل البيت ومذاكرة العيال
وبس ياله اسكتي يابت
لما دماغي بتبقى هتنفجر بسيبها وانزل
اقولها مستشفى المجانين ارحم منكو
أميرة : هههههههه ياعيني
فاكره الجوابات اللي قفشناها في شنطة اختك
زينه : هههههههه كنا في تالته إعدادي.. عبط ومش فاهمين أي حاجه
أميرة : والحب راح فين
زينه :"خرج من الشباك
دا جوزها طفشان من البيت مبيرجعش إلا لما العيال تنام
أميرة : هههههههه ياعيني ع الحب اللي ولع في الدره
زينه :" بقيت بتنام ع نفسها
ياعيني هههههههههههه
أميرة : مش عيب تضحكي ع اختك هههههههههه
زينه : هههههههه انتي السبب
انتي اللي فكرتيني بيها
أميرة : ثواني ماما بتنادي هروح اشوفها واجي
نظمي الورق ودبسيه علشان متلخبط
زينه :" طيب بس متتأخريش علشان عايزة اروح قبل م ماما ترجع من بره
أميرة : جايه من وراها ولا ايه
زينه : لا يااختي بس ماما قالتلي متتأخريش ارجع الاقيكي في البيت
أميرة : طيب دقيقه ورجعالك
___________________