ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၇၂)ရေဘဝဲမိစ္ဆာ

အပိုင်း(၇၂)ရေဘဝဲမိစ္ဆာ

ကျန်းရီသည် ညကို ဂူငယ်လေးတစ်ခုအတွင်း ကုန်ဆုံးခဲ့ပြီး နောက်တစ်နေ့တွင် စောစောနိုးလာခဲ့သည်။ သူသည် နှစ်နာရီနီးပါး လမ်းလျှောက်လိုက်ပြီးနောက် နတ်ဆိုးသားရဲများကို စတင်၍ ရှာဖွေလိုက်သည်။

ယနေ့သည် အံ့အားသင့်စရာ ကောင်းအောင် ငြိမ်းချမ်းနေသည်။ သူအမဲလိုက်နေချိန်တွင် အခြားသောပြိုင်ပွဲဝင်များနှင့် တွေ့သော်လည်း သူတို့သည် လုယူရန် မပြုမူခဲ့ကြပေ။ ကျန်းရီသည်လည်း တံဆိပ်ပြားတစ်ခုမှ လုယူရန် မလိုတော့ပေ။ ထို့ကြောင့် ယနေ့သည် အတော်လေး ငြိမ်းချမ်းနေခဲ့သည်။

ကျန်းရီသည် ယနေ့တွင် သားကောင်မရှားပါးတော့ပေ။ သူသည် နတ်ဆိုးသားရဲ ဆယ့်နှစ်ကောင်ခန့် သတ်လိုက်နိုင်ခဲ့သော်လည်း သုံးခုမှာ အနက်ရောင် တံဆိပ်ပြားသာ ဖြစ်သည်။ ယခု သူ့တွင် စုစုပေါင်း တံဆိပ်ပြား နှစ်ဆယ့်လေးခု ရှိနေခဲ့ပြီး ရှစ်ခုမှာ အနက်ရောင် ဖြစ်သည်။

ငါ့မှာ တံဆိပ်ပြားက အရောင်ရှစ်မျိုးပဲ ရှိသေးတယ်...နောက်ဆုံးတစ်ရောင်က တံဆိပ်ပြားတစ်ခုလောက်တောင် ငါမရနိုင်တော့ဘူးလား?

ကျန်းရီသည် အတော်လေး စိတ်ပူနေခဲ့သည်။ တစ်ရက်သာ အချိန်ရတော့ရာ သူသာ တံဆိပ်ပြား အလုံအလောက် မရခဲ့လျှင် သွေးရှင်းတမ်းပြိုင်ပွဲကို ကျရှုံးလိမ့်မည် ဖြစ်သည်။

တတိယမြောက်နေ့တွင် ကျန်းရီသည် နေမထွက်ခင်ကပင် နိုးလာခဲ့သည်။ လူတိုင်း နီးပါး နိုးနေကြသည်ကိုလည်း သူတွေ့ရသည်။ တံဆိပ်ပြား အလုံအလောက် မရသေးသူများမှာ အများကြီး ဖြစ်ကြောင်း ထင်ရှားသည်။ သူတို့သည် အစွမ်းကုန် ကြိုးစားရန် ပြင်ဆင်နေကြသည်။

"ဟေး...အစ်ကိုလေး!...စောင့်ပါဦး!"

တောင်၏ လမ်းတစ်ခုပေါ်တွင် ကျန်းရီသည် ခပ်ဝဝလူငယ်တစ်ယောက်၏ တားဆီးခြင်းကို ခံလိုက်ရသည်။ ကျန်းရီ၏ မျက်လုံးများသည် အေးစက်သွားခဲ့သည်။ သူသည် ထိုလူငယ်မှာ သူ့တံဆိပ်ပြားများကို လုယူရန် ကြံစည်နေသည်ဟု ထင်လိုက်သည်။ ကျန်းရီသည် ထိုလူငယ်၏ တံဆိပ်ပြားများကို ပြန်လုယူရန် တုံ့ဆိုင်းနေမည် မဟုတ်ပေ။