رسالة من مجهول 📝💖

الحلقة السادسة

الحلقة السادسة
#رسالة_من_مجهول
#بوسى_مصطفى
________________

في شقة راوية
وبعد حوار فادي مع أميرة ورفضه ل سيف بدون أي أسباب
كلام فادي كمان وجع أميرة إنه شاكك إن كان ليها كلام معاه قبل م يطلب ايدها
أميرة : يعني مش عايز تعتذر عن الكلام اللي قولته في حقي
فادي : انتي فاكره لما تزعقي كده هتخوفيني
أميرة بتعيط : لا مش هخوفك
بس انا هقول لماما
علشان تشوف ابنها بيقول ايه ع اخته
فادي : اتفضلي اطلعي قولي لماما اللي عايزة تقوليه
أميرة : كده طيب
_____

يسرا : لا ياعمتو مش عايزة
انا لخبطت جامد في الاكل
راوية : هو انتي كده يعتبر أكلتي
هتعملي زي أميرة اول م تشوف الاكل تشبع
أميرة خارجه من الاوضة ومنهاره وبتعيط
راويه تقوم من الخضه : ايه يااميرة مالك... في ايه؟؟
تحضنها جامد وهي بتطبطب عليها
راوية : في ايه بس قوليلي ياحبيبتي
مين زعلك
أميرة : فادي ياماما
راوية : ليه ياحبيبتي ايه اللي حصل
فادي : بقولها متعرفش الواد دا تاني
سمعت الكلام دا وقعدت تعيط
أميرة : انت كداب هو دا اللي قولته بس؟؟
فادي : سامعه ياماما بتقول ايه
راوية : لا يااميرة عيب يابنتي تقولي على اخوكي إنه كداب
أميرة : علشان هو كده فعلاً
يسرا : لا بقى دا انتي مصره تهيني اخوكي
طب حتى اعملي احترام لمامتك ولا خلاص مبقاش هامك حد
أميرة : لو سمحتي متدخليش في اللي ملكيش فيه
يسرا : بقى كده يااميرة سامعه ياعمتو
سامع يافادي مراتك بتتهزأ ازاي
فادي : ماهي شكلها كده عايزة تاخد قلمين علشان تحترم نفسها
راوية : هي مين دي اللي تاخد قلمين يافادي
هي حصلت  عايز تمد ايدك
على اختك
فادي : م حضرتك شايفه ياماما بتتكلم مع يسرا ازاي
راوية : علشان مراتك هي اللي تدخلت بينكم في الأول
يسرا : انا ياعمتو
راوية : الحق مش عليكي الحق عليه هو
فادي : كمان هطلع غلطان ياماما
يسرا تاخد الشنطه وتفتح الباب وتخرج
فادي : استنى يايسرا انا جاي معاكي
راوية : ماشي ياجوزها اتفضل انزل وراها
فادي : اعرفي بقى ياماما من الهانم بنتك عرفت الواد دا منين
أميرة : تاني يا فادي... ماشي بس انا بقى مش هسيب حقي
راوية : انزل احسنلك دلوقت
علشان لو فضلت قدامي معرفش ممكن اعمل ايه
فادي : حاضر ياماما سلام
بيخرج من باب الشقة وهو بينادي ع يسرا
أميرة بتعيط : سمعتي ياماما فادي بيقول ايه
راوية : م انتي تفهميني بقى علشان انا مش فاهمه حاجه
كل اللي فهمته من الحوار دا
إن في كلام ع واحد انتي تعرفيه
أميرة : مش بالظبط كده ياماما
دا الشاب اللي جه من كام يوم بالشنطة بتاعتي فاكراه
راوية : فاكراه ايه هو انا كنت شوفته
أميرة : ايوه صح.. معلش نسيت
خالي شكري هو اللي شافه
راوية : ايوه ماله يعني
أميرة :"طلب ايدي من فادي
راوية : ايه!
أميرة : انا كمان اندهشت كده
بس دا اللي حصل
فادي بقى مش مصدق إنه شافني في الباص واعجب بيه وبعدها طلب ايدي
فاكر اني اعرفه من زمان
راوية : بس مكانش ينفع تكلمي  يسرا بالشكل دا
أميرة : ماهي ياماما اللي دخلت بينا
راويه : معاكي بس كنتي تسبيني انا اكلمها ولا اخوكي يكلمها إنما كده انتي عملتي مشكلة وادتيها فرصة تسخن اخوكي عليكي
اميرة : شوفتي بقى حضرتك بتقولي ايه
راويه : انا يابنتي مش صغيرة
وفاهمه كل الحوارات دي لاني عيشتها زمان في بيت جدك
بس كنت بسكت وباباكي هو اللي كان بيجيبلي حقي
انا رديت ع يسرا لانها كانت محتاجه وقفه بقى واخوكي سكت ومتكلمش
المهم سيبك من كل دا وقوليلي هو عاجبك
أميرة : هو مين دا
راوية : ايوه استعبطي بقى
هههههههههههههههههه
ابتسمت أميرة بخجل : بس انا لسه معرفوش كويس ياماما
راوية تغمزلها : لو في نصيب هتعرفيه
كويس يااميرة
أميرة بفرحه : معناه ايه الكلام دا ياماما
راوية : هي دي محتاجه شرح يعني
موافقه طبعا بس يعمل الأصول بقى ويكلم خيلانك وكمان لازم اخوكي يبقى موجود
بكره تكلميه وتعتذريله
أميرة : اعتذرله
راوية : ايوه تعتذريله وتهدي الأمور بينكم وهو لما يجي انا هتكلم معاه وهعرفه غلطه
أميرة : مش قادرة ياماما
راوية : لا هتقدري علشان دا اخوكي لازم يبقى معاكي في يوم زي دا
أميرة : يوم ايه مش فاهمه
راوية تغمزلها : هههههههه بقى مش فاهمه يااميرة
هاتي رقم تليفونه
أميرة : ليه ياماما
راوية : بتحبيه ولا لأ
أميرة : بحبه!
راوية : ايوه تحبيه امال هتتجوزي واحد مبتحبهوش
أميرة : اتجوز
راوية : هههههههه محسساني إنك اتفاجئتي
هو مش جاي يتجوز برضو ولا ايه نظامه
أميرة : انا هدخل اجيب لحضرتك التليفون مش عارفه عايزة التليفون في ايه بس هجيبه برضو