{ الحب الأعمي }
الجزء الثاني
البارت الرابع الاخير للحلقه 1️⃣6️⃣
ثاني يوم الظهر
انصدمت بخبر تبرع ساره للهيثم
وكان هذا الخبر حديث العايله
الي كان اغلبنا منصدمين فيه
ماعادا معتصم ورحاب وفيصل واروي
ونزار
الي كان عندهم العلم مسبقاً بالخبر
اما باقي الحوش كنا كلنا في حالة ذهول
وبالاخص إكرام
كان وقت الغداء وكنا كلنا مقعمزين انتغدو مع بعضنا في حوش جدي علي بما ان يصادف يوم جمعه
وكانت الجمعه جمعتين حتي ع شان طلعو هيثم من مستشفي وفرحانين بيه
بعد كملنا الغداء اجتمعنا كلنا صبايا ورجالا
في دار مقعد ع عدالا متاع جدتي عزيزه وطاسة شاهي متاعها وكنا نهدرزو ونبصرو مع بعضنا في جو حلو كلا ضحك وبصاره ونقصتنا فيه ساره بس
حتي احلام كانت هي ومحمد متغدين معانا
علي: تنحنح ، وبصوت عالي ، ياجماعة الخير
نحنا كلنا : سكتنا وبحتنا فيه
علي: اليوم ان شاء الله بعد العصر بيش توتو ارواحكم
كلكم صبايا ورجاله
ان شاء الله نمشو لحوش عيت عم ساره
انا: كنت نسمع ومتفجأ، وجا في بالي ان جدي علي بيرد ساره لان هيثم طلقها
يوسف: بحت فيا ورفعلي حواجبا
انا: ابتسمت ، لان فكر كيف مافكرت
هيثم: لما سمع كلام باتا ، زمط ريقا
إكرام: تبحت وعاقده حواجبها ، ورقالها
عزيزه: بحتت في علي الي كاين مقعمز جنبها ، وليش ياحاج
علي: لان ساره لها فضل كبيير علينا ، وبحت في هيثم
وبالاخص ع هيثم
كلنا ماعدا الي كانو عارفين بالموضوع: بحتنا مستغربين في جدي علي
إكرام: بحتت في هيثم الي كان مقابلها ، بنظرة تعجب
ابراهيم: فضل شنو ياحاج
علي: ساره الي تبرعت لهيثم
إكرام: فنصت عيونها ، وجها انحمر ، وقعدت تنفس بصوت عالي وهي منصدمه ، شني هي الي تبرعتلا
هيثم: بحت في إكرام بتفنيصا
انا:حطيت يدي ع فمي وبحتت في هيثم
يوسف: يبحت ومنصدم
عزيزه: هييييي، وحطت يدها ع قلبها ، يانا عليا ماتقولهش ياحاج
علي: لا قلتها ساره هي الي تبرعت
فتحيه: وانا نقول ليش اختفت استغربت اختفاءه تاريتها كاينا تبرع
جمال: والله انها بنت قدعا وماديرهش اي وحده بالساهل
هيثم: بحت في خوه جمال ع كلمتا ،وسكت
احلام: ياروحي ياسويرا وانا الي قبل قلت كنها لارنت لاسألت تاريتها حتي هي في حاله
علي: علشان هكي من حقها علينا ، نمشولها
ونشيلولها قدرها كامل ماينقص شي
عزيزه: لا لازم هذا اقل شي انديروه لها
بارك الله فيها وحده في مكانها مادير بكل الي درتا
هيثم: كان كل تعبيرا السكوت
معتصم: خلاص ياجدي قولي شن نجيبو ونمشو نجيبوه بعد بتمشو بعد العصر
علي: تو نقولك
نزار: وانا تو نمشي معاك
سفيان: خوذوني معاكم حتي انا
وطلع جدي علي وشباب برا عشان يتفقو معاه وشن يجيبو من حاجات ونشيلوهن معانا لساره
أما هيثم صبا بدون مايحكي ولا كلمه وخش دار متاعا ولحقتا إكرام
