تربيت ابن عمي (باللهجة العراقية)

الحلقة الاولى

هيلاااااو شباب
طبعا هاي رجعت وره كطعة طويلة
المهم يلا شوفو القصة الجديده😹

-----
ساعة 4 الصبح ...

رند : كعدت من النوم جنت بالهول اباوع يمنه ويسره ناسيه يمكن حتى اسمي ...

عرفت اني بالهول كلت هاا وحاولت اكوم اشرب مي وارجع انام طبعا الجو جان بارد بشكل مو طبيعي نهاية الشهر ال12 رحت شربت مي ما احس غير صوت مسدس مسحوب وفدشي طخ راسي

من الصدمه معرفت شسوي ردت اعيط انلزمت من حلكي اشتميت ريحت الرجال عرفته محمد سبيته بداخلي وعضيته عاط وكلي منو انت ووخر

الغبي من شافني

محمد :  هاي شسوين اهنانه انتي ساعة بال4

رند : دا ازقنب مي يعني شسوي جنت نايمه بالهول وكعدت هووف وانت شكو سحبت المسدس عليه هيجي تريد تخلص مني ؟

محمد : ياريت اكدر جان خلصت من عارج

رند : اني عار ياحيوان لوما اني جان انت ضليت محتار بروحك هه

محمد : دولي لج سويلي جاي يلا لا افرغ المسدس براسج

مشه راد يروح صحته وكتله فد ساعتين واروح للكليه تأفف دريت بي ميريد اداوم يتخبل يكول هاي الكليات بس للمو شريفات وهو للاسف صدك لان اكثرها بس سوالف حب بس اني رايحه اريد تصير طبيبه مو اصبر زوجه وحبيبه فلان وهو يعرف لهذا يخليني اروح

حميت الجاي وصعدتله فتحت الباب شفته بس بالملابس الداخلية بس هو الحيوان شلون جسم علي ... دخلت بدون ما ادك الباب ولا حجيت اطيته الجاي وشفته يلعب بتليفونه واني استغليت السالفة وتمددت بصفه على الجربايه بس بالجهه الثانيه ....

باوع عليه بتك عين ومهتم هو متعود على غفلة افوت لغرفته واسوي الي يعجبني

رند : محمد عيوني ...

حاولت اشويه اكون مايعة وبصوت ناصي علمود يفتهم ان اني دا اتلوكله وكلي هممم بدون ميوخر عينه من التليفون ...

مشيت اصبعي على ايده الي مليانه عضلات هو حس الشغلة جبيره عاف التليفون ورجع تعدل وخله ظهره على الجربايه وراسه على الحايط وباوعلي كلي اسمعج شتريد عيونه لمحمد

رند : محمد باوع البنات ناويات يطلعن لسليمانيه اريد اطلع وياهن فدوه والله ماسوي شي بس اشتري هدوم ...

مجاوبني شفته يباوعلي بعيونه واني خفت يرفض جان يضل يحقق ويايه منو يوديكم واشوكت ترجعون ومنو منو وياج ومنو ذوله صديقاتج ...
واني جاوبت لان خفت اذا اتجاهله يعاند وميوديني