كان وقت زوين مع الجدة نعيمة، كل نهار كتمشي عندها من الصباح وتكلس معاها تاكاتقرب العشية وتمشي، كانت كل نهار كتزيد تعرف عليه أكثر وأكثر ..
ونهار على نهار نعيمة كتحسن بلى ماتعاود عملية ثانية او شهد ولات بحال بنتها وولفاتها وديما كتبغيها تبقى حتا تعرفها على شي حد من عائلتها ولكن كترفض، رجعات كتخرجها بالكرسي المتحرك وبلاصت مايبقاو فوسط الغرفة رجعات كتخرجها للجردة وتحت هواء الطلق، دوزات معاها كتر من ١٥ يوم حتا لنهار لي باش كلسات معاها شافت فيها نعيمة معمقة وهي تنطق ..
نعيمة : ونتي ابنتي عمرك عاودتي ليا على راسك ؟
شهد : شبغيتي نعاودلك اخالتي، انا اخالتي حياتي مافيها مايتعاود ..
نعيمة : علاش ابنيتي اش صاير معاك، وتانا نحس فعينيك كاينين بزاف دالحوايج لي خافين ونتي كتبغي تخفيهوم ..
شهد : ( ضحكات ) هاي هاي على لالة نعيمة ولات تحس ..
نعيمة : هاحاي لوالديك ولفتيني ضاحكة ..
شهد : والله اخليك ديما ضاحكة مالكي ..
نعيمة : علاه ونتي مالكي ..
شهد : ( سكتات واحد الشوية ) انا اخالتي تمنعات عليا الضحكة ..
نعيمة : هاوييلي علاش حتا تمنع عليك الضحكة ونتي بنت باقا عزبة والف راجل يتمناك ..
شهد : ( تغرغرو عينيها ) هه الف واحد يتمناني ؟ انا اخالتي راسي وماتمنانيش بقاو غالوخرين ..
نعيمة : ( دارت لجنبها ليسر ) تف تف تف اعوذو بالله اش كتقولي يا هاد البنت ..
شهد : ( شافت فعينيها بعنين حميمرين مدمعين ) انا اخالتي مرأة مطلقة ..
نعيمة : ( بالصدمة) هاااوو ...
شهد : ( ضحكات فعز بكاها وابتاسمات ليها كتمسح دميعاتها بيديها ) هههه شفتي الالة نعيمة كنقوليك راه ماشي كولشي كيعطيه الله
نعيمة : واتي راه مصدومة على هاد البغل لي خلاك ..
شهد : ههههههه..
نعيمة : واش كاين شي حد كيخلي ه(قاطعاتها)..
شهد : خلاني على الولاد ..
نعيمة : ؟؟ ..
شهد : انا عاگرة اخالتي ..
نعيمة : الله أكبر ..
شهد : ( بابتسامة ) هاكا ربي كتب عليا ..
نعيمة : احاي ابنيتي وماشي بيديك ..
شهد : عارفة الالة نعيمة عارفااه قدر وقضاء من عند الله وداكشي باش مصبرة راسي ..
نعيمة : اودي ابنيتي واش غانقوليك مكتوب الله ومامنو هروب ولكن واخا هاكاك سمحيلي واخا هاكاك اه حمار لي يخلي بنية بحالك على ود الولاد ياما ناس ماولدوش مالهوم اش وقعليهوم بلعكس كملو معا بعضهوم..
شهد : ايوا اخالتي شكون غايكون هاكا من اللول طحت فالشخص الخطأ .. ودابا مابقالي فين نمشي ..
نعيمة : علااش فين غاتمشي ياما يا الحمقة الناس طلقو وتزوجو ..
شهد : اييه طلقو وتزوجو ماشي طلقو حيت عاكرين وغايعاودو يتزوجو بيهوم ..
نعيمة : شتي ابنيتي ويجي لي غادي اجمعك بيه الهوا راه والله اديرك فوق راسو ومايرضا بقشة تصيبك ونتي من غير زينك مراك واعية ومثقفة وخدامة بسمالله طبييبة وظريفة وبنت الاصل والمفصل شكون مايبغيش مرا حداك راني ندوي معاك هاداك لي خلاك جغل ودحش على قدو ولكن مزيان لي تهنيتي من الخنز ..
شهد : اويلي اخالتي اويلي اويلي ههههه ..
نعيمة : شوفي واه نعييمة ظريفة ولكن مين تاتعصب راه كتولي جيلالي ..
شهد : ناري اخالتي دمك خفيف والله الله اخليك لولادك او لحفايدك ..
نعيمة : وي خليك ليااا هانتي شوفي ( هبطات يديها ضربات على ركابيها ) شتي هادو مربوطين بيا وتانتي هاكا وليتي نتي من اليوم نتي رجليا ..
شهد : ههه على راسي وعيني ( مسحات الدميعات ) هانتي ماحسيناش براسنا تاتجرك البرد المغرب ..
نعيمة : ايوا زيدي ندخلو لعند الشوفوو هههه ...
دخلات جاراها كضحك ونعيمة مقشبة عليها باش صحكها يالاه غادور مع الدورة دالكلوار كتسمع صوت الغوات تاكاتشوفو كيحيح على واحد الفرملية ونايضة الروينة حتا كتعيط نعيمة وااااسيف وتا سكتنا ، دار شاف فجداتو شوية طلع عينو وهي تجي مع ديالها نيشان ...
يتبع - غدا
غانبدا ندير نهار اه نهار لا هي لي مسلكاني وغايوليو ربعة دالأجزاء بلاصت ٣
تعليقاتكم
أنت تقرأ
🌺 كَــــحْـٰلة آلــعْــيــون 👀🌺( مكتملة )
Romanceوأخيرا القصة المنتضرة ❤️ الكاتبة زهور السليماني في قنبلة الموسم غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة قصة خدات من عقلي مدة كبيرة وخدات من وقتي ساعات لا تحصى ولا ت...
