رسالة من مجهول 📝💖

الحلقة السابعة

الحلقة السابعه
#رسالة_من_مجهول
#بوسى_مصطفى
________________

في منزل (عم مديحه)
نوران : وانا بقول البيت منور ليه
اتاري بنت عمي عندنا
مديحه : هههههههه منور بيكي يانور
نوران : هههههههه بطلنا الدلع دا من زمان يامديحه
ازيك وازي الأستاذ جلال
مديحه : الحمد لله. .. تمام
دا انا كنت نازله... قولت مفيش نصيب بقى نشوف بعض
نوران : عارفه لو كنت جيت وعرفت من ماما إنك كنتي هنا
كنت هزعل اوي
علشان انا من زمان اوي مشوفتكيش
مديحه : يااختي ابقى تعالى
م انا قاعدة طول النهار لوحدي
نادره جايه بصنية الشاي : هههههههه ليه امال الأستاذ جلال فين
مديحه : في الشغل يامرات عمي
بينزل الصبح مبيرجعش غير بالليل
وكل الوقت دا مقضياه بقى لوحدي
نوران : امال سيلفتك فين
ممديحه : موجوده بس يعني جوزها بيروح شغله ويرجع بعد الضهر
نادره : هي أم فادي عامله ايه يامديحه
مديحه :  كويسه... الحمد لله
نادره : سمعت إن ابنها اتجوز
مديحه : ايوه... من عشر ايام بس
نوران : ليه كل الحاجات اللي جايباها دي يامديحه
انتي بتحرجيني بذوقك ده
مديحه :"حاجات ايه بس
دي شوية لعب ل باسم علشان يلعب ويتبسط
نادره : ربنا يفرح قلبك يابنتي
مديحه : يا رب
انا هنزل بقى علشان جلال زمانه جاي من الشغل
نادره : طب استني عمك زمانه جاي
مديحه : يجي بالسلامة
ابقى سلميلي عليه يامرات عمي
نادره : حاضر ياحبيبتي يوصل
عند الباب
مديحه ل نوران اللي كانت واقفه معاها
مديحه : عايزاكي تجيلي بكره
نوران : ليه... خير
مديحه : هههههههه اكيد مش هخطفك يعني
نوران : هههههههه ماشي هجيلك
مديحه : وتجيبي باسم معاكي
نوران : باسم شقى وهيقلبلك الشقة
مديحه : هههههههه ياريت علشان يعملي جو في البيت
نوران : هههههههه طيب انتي حره
مديحه : هنتغدا مع بعض وندردش شويه ماشي
نوران : ماشي... بس هستأذن بابا الأول
م انتي عارفه عمك بيدقق اوي في الحاجات دي
مديحه : معلش ماانتي برضو لازم تسمعي كلامه
نوران : تعبت يامديحه
كل شويه يقولي لما يبقى معاكي راجل متبقيش ترجعيلي في أي حاجه
كل دا علشان اترملت يعني
مديحه : هو خايف عليكي برضو يانور
معلش اسمعي كلام بابا... بكره... بإذن ﷲ
تفرج
نوران : شكلك كده عارفه حد هيشغلني
مديحه : انتي عايزة تشتغلي
نوران : ياريت لو الأستاذ جلال ليه معرفه بحد في التربية والتعليم يشغلني دا يبقى جميل عمري م انسهاله طول العمر
مديحه : طيب هنشوف الموضوع دا
بس تعاليلي بكره
نوران : لسه ساكنه في شقتك القديمه ولا عزلتي
مديحه : هههههههه انتي بهزري مش كده
نوران : اصلي نسيت العنوان تصدقي
مديحه : هههههههه م انتي لو بتسألي ع بنت عمك مكونتيش نسيتي
نوران : مش بكلمك في التليفون
مديحه : اه... ودا كفايه يعني!
سلام بقى ومتنسيش تجيلي بكره انا هستناكي
نوران : فكريني بالعنوان هههههههه نسيت يااختي الزهايمر جاني بدري
مديحه : هههههههه سجلي عندك علشان متنسيش..................

____________________

في منزل منصور
منصور بيخبط ع باب غرفة سيف بعد م رجع من القاهرة
منصور : طب حتى افتح وتعالى علشان تاكل
سيف : مليش نفس
منصور : ياابني متتعبنيش انا فيه اللي مكفيني
سيف : وانا كمان فيه اللي مكفيني يابابا
ولو سمحت حضرتك سيبني في حالي
منصور : بقى كده ياسيف
سيف بغضب وصوت عالي : علشان تعبت وكرهت نفسي وكرهت الدنيا كلها
منصور : انت بتعلي صوتك عليه بقى دي اخرتها ياابني
سيف : اولها زي آخرها مبقتش فارقه
منصور : شكلك اتجننت
كل دا ليه ياسيف علشان قولتلك تروح لمامتك
سيف : كويس اني فضلت عاقل لحد دلوقت
اتجنن مرة بقى من نفسي
منصور : طب افتح الباب وقولي مالك
سيف : حاسس اني ضايع
دا مش احساس انا ضايع فعلاً
منصور : ليه ياابني
م انت كويس اهوه وزي الفل... الحمد لله
احسن من ناس كتير...
سيف : فعلاً احسن من ناس كتير
ليهم أمهات ربيتهم ع الأخلاق والفضيله
منصور : وانت مالك ومال مامتك دلوقت
سيف بيصرخ من ورا الباب : علشان ببساطه دي امي اللي اخترتهالي
منصور : معلش حقك عليه
سيف : كده بقيت كويس صح؟!
منصور : طب عايزني اعملك ايه دلوقت
سيف : متقوليش اروح هناك تاني
منصور : حاضر مش هقولك
كده ارتحت
سيف : عمري م هرتاح
منصور : تعبتني معاك ياابني
سيف : بكره اموت واريحكم كلكم
منصور : بعد الشر عليك ياسيف
ليه ياابني الكلام ده
سكت سيف وبقي صوت بكاءه هو اللي بيخترق الصمت ده
قعد منصور ع السفره وحط ايده ع خده
وبيراجع شريط حياته
{فلاش باك}