#النقيب_ابودرع_والقاصر
⭐⭐⭐
بقلم علي الفتلاوي
القصه حاليا قيد الكتابه واصل النشر 7 بارت أتحبون انزل كل يوم بارت حسب نشر من قبل الكاتب او أحذفها واذا أستمر لأحد يكلي وين التكمله وليش تتأخرون على التكملة لأن القصه قيد الكتابه والنشر تابعو حسابي وسام الصياد حتى توصلكم إشعار نشر بارتات التكملة
#مشهد
ﺍﻟﻨﻘﻴﺐ ﻋﻠﻲ .. ﻛﺎﻋﺪ ﺑﺎﻟﻤﻜﺘﺐ ﻭﻋﻴﻨﻲ ﺑﻤﻠﻒ ﻝ ﺍﺣﺪﻯ ﺍﻟﺠﺮﺍﺋﻢ ﺍﻟﻲ ﺍﺳﺘﻠﻤﻬﺎ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺍﻟﻀﺎﺑﻂ ﻭﻛﺎﻧﺖ ﺍﻛﻮ ﺑﻨﺖ ﺻﻐﻴﺮﺓ ﺗﻤﺸﻲ ﻭﺭﺍﻩ ﻣﻦ ﺷﻜﻠﻬﺎ ﻋﻤﺮﻫﺎ ﻣﻴﺘﺠﺎﻭﺯ ﺍﻝ 15 ﺳﻨﻪ
ﺗﻤﺸﻲ ﻭﻋﻴﻨﻬﺎ ﺑﺎﻟﻜﺎﻉ ﻣﻨﺰﻟﻪ ﺍﻟﺸﺎﻝ ﻋﻠﻰ ﻭﺟﻬﺎ ﻭﺧﺎﻳﻔﻪ
ﻃﻠﺒﺖ ﻣﻦ ﺍﻟﻀﺎﺑﻂ ﻳﻄﻠﻊ ﻭﻳﺘﺮﻛﻨﻲ ﺍﺳﺘﺠﻮﺑﻬﺎ ﻻﻥ ﺍﻭﻝ ﻣﺮﺓ ﺗﻮﺻﻠﻨﻲ ﻫﻴﺞ ﻗﻀﻴﻪ ﺗﺸﻴﺐ ﺍﻟﺮﺍﺱ
ﻛﻤﺖ ﻭﻛﻔﺖ ﻋﻠﻰ ﺣﻴﻠﻲ ﻭﺍﺗﺠﻬﺖ ﺍﻟﻬﺎ ﻛﺎﻧﺖ ﺑﺎﻗﻴﻪ ﻋﻠﻰ ﻛﻌﺪﺗﻬﺎ ﻣﺪﻧﻜﻪ ﺭﺍﺳﻬﺎ ﻭﺗﺮﺟﻒ ﻣﺜﻞ ﺍﻟﺴﻌﻔﻪ
ﺳﺤﺒﺖ ﺍﻟﻜﺮﺳﻲ ﻭﻛﻌﺪﺕ ﻛﺪﺍﻣﻬﺎ ﻭﺍﻧﻲ ﺍﻋﺎﻳﻦ ﻣﻨﻀﺮﻫﺎ ﻃﻠﻌﺖ ﺍﻟﺒﺎﻛﻴﺖ ﻣﻦ ﺟﻴﺒﻲ ﺍﺧﺬﺕ ﻣﻨﻪ ﺟﻜﺎﺭﺓ ﺍﻭﺭﺛﺘﻬﺎ
ﻭﺧﻠﻴﺘﻪ ﻉ ﺍﻟﻤﻴﺰ ﻛﺪﺍﻣﻲ ﻭﻃﻠﺒﺖ ﻣﻨﻬﺎ ﺗﺮﻓﻊ ﺭﺍﺳﻬﺎ ﻭﺗﺤﺠﻴﻠﻲ ﺍﻟﺴﺎﻟﻔﻪ
ﻭﻫﻨﺎ ﻛﺎﻧﺖ ﺍﻟﺼﺪﻣﻪ
...................................
ﻣﺸﻬﺪ ﻣﻦ ﻗﺼﺘﻲ ﺍﻟﺠﺪﻳﺪﺓ
ﺍﺫﺍ ﺷﻔﺖ ﺗﻔﺎﻋﻞ ﻗﻮﻱ ﻋﻠﻴﻬﺎ ﺭﺍﺡ ﺍﺑﺪﻱ ﺑﻜﺘﺎﺑﺘﻬﺎ
ﻭﺍﻛﻴﺪ ﻗﺼﻪ ﺣﻘﻴﻘﻴﻪ ﻭﻣﺎﺍﻛﺪﺭ ﺍﺫﻛﺮ ﻣﻦ ﺍﻱ ﻣﺤﺎﻓﻀﻪ ﺣﻔﺎﺿﺎ ﻋﻠﻰ ﺧﺼﻮﺻﻴﻪ ﺻﺎﺣﺐ ﺍﻟﻘﺼﻪ ﻻﻥ ﻣﻴﺮﻳﺪ ﻣﺸﺎﻛﻞ
ﺭﺍﺡ ﺍﺗﺮﻛﻢ ﻭﻳﻪ ﻗﺼﺘﻲ ﺍﻟﺠﺪﻳﺪﺓ ﺍﻧﻄﻮﻧﻲ ﺭﺃﻳﻜﻢ ﺑﻠﻤﺸﻬﺪ ﻭﺍﺫﺍ ﺷﻔﺖ ﺗﺼﻮﻳﺖ ﻭﺗﻔﺎﻋﻞ ﻗﻮﻱ ﺍﻧﺰﻟﻬﺎ ﺏ ﺍﻗﺮﺏ ﻭﻗﺖ ﺍﻧﺸﺎﺀﺍﻟﻠﻪ
للعلم القصه لحد قبل اشويه تم نشر بارت٧ منها . شوفوني تفاعل اشوفوكم قصص روعه
#روووعه
#النقيب_ابودرع_والقاصر
⭐⭐⭐
بقلم علي الفتلاوي
#بارت١
ﺍﻟﻨﻘﻴﺐ ﺃﺑﻮ ﺩﺭﻉ ﻭﺍﻟﻘﺎﺻﺮ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،،،،،،،،،،،،،،،،،،،،،،،،،،،
ﺍﻟﺴﻼﻡ ﻋﻠﻴﻜﻢ
ﺑﺎﻟﺒﺪﺍﻳﻪ ﺭﺍﺡ ﺍﻋﺮﻓﻜﻢ ﺷﻮﻳﻪ ﻋﻦ ﻧﻔﺴﻲ ﻭﻋﻦ ﻋﺎﺋﻠﺘﻲ
ﺍﻟﻤﺘﻜﻮﻧﻪ ﻣﻦ ﺍﻣﻲ ﻭﺍﺑﻮﻱ ﻭﺍﺧﻮﻱ ﻛﺮﺍﺭ ﺍﻟﺠﺒﻴﺮ ﻭﺍﻧﻲ ﺍﻟﻮﺳﻄﺎﻧﻴﻪ ﻭﺍﺧﺘﻲ ﺭﻫﻒ ﺍﻟﺼﻐﻴﺮﺓ ﺑﺰﺭ ﺍﻟﺸﻴﺐ ﻭﺍﻟﻜﻌﺪﺓ
ﺍﺳﻤﻲ ﻟﺠﻴﻦ ﻋﻤﺮﻱ 15 ﺳﻨﻪ ﺑﻴﻀﻪ ﻭﻋﻴﻮﻧﻲ ﻛﺒﺎﺭ ﺑﺲ ﻣﺜﻞ ﻣﻴﻜﻮﻝ ﺍﻟﻤﺜﻞ ﻛﻞ ﺣﻠﻮ ﺑﻲ ﻟﻮﻟﻪ ﻣﺎﺍﮔﻠﻜﻢ ﺍﻧﻲ ﺣﻠﻮﺓ ﻻ ﺑﺲ ﺭﺩﺕ ﺍﻃﺒﻖ ﺍﻟﻤﺜﻞ ﻻﻥ ﺍﻧﻲ ﻧﻮﻟﺪﺕ ﻭﻛﺎﻧﺖ ﻭﻳﺎﻱ ﺍﺧﺘﻲ ﺍﻟﺘﺆﺃﻡ
ﺍﺛﻨﺎﺀ ﺍﻟﺤﻤﻞ ﺻﺎﺭ ﺍﺧﺘﻼﻁ ﺑﻠﺠﻴﻨﺎﺕ ﺍﻟﻮﺭﺍﺛﻴﻪ ﺍﻭ ﻣﺎﺍﻋﺮﻑ ﺷﻨﻮ ﻫﻮ ﺑﺎﻟﻀﺒﻂ ﺧﻼﻧﻪ ﻧﻨﻮﻟﺪ ﻭﻛﻞ ﻭﺣﺪﺓ ﻋﺪﻫﺎ ﻋﻴﻦ ﻟﻮﻧﻬﺎ ﻳﺨﺘﻠﻒ ﻋﻦ ﺍﻟﻌﻴﻦ ﺍﻟﺜﺎﻧﻴﻪ
ﻳﻌﻨﻲ ﻋﻴﻦ ﻟﻮﻥ ﺍﺯﺭﻕ ﻭﻋﻴﻦ ﻟﻮﻥ ﺍﺧﻀﺮ
ﻭﺍﺧﺘﻲ ﻛﺬﺍﻟﻚ ﺑﺲ ﺑﻌﺪ ﺍﻟﻮﻻﺩﺓ ﺏ ﺍﺳﺒﻮﻉ ﺻﺎﺭ ﻋﺪﻧﻪ ﺍﺑﻮ ﺻﻔﺎﺭ ﺍﺣﻨﻪ ﺍﻻﺛﻨﻴﻦ ﺑﺲ ﺩﺭﺟﺘﻲ ﺍﻗﻞ ﻣﻦ ﺩﺭﺟﻪ ﺍﺧﺘﻲ ﻛﺎﻥ ﺍﺑﻮ ﺻﻔﺎﺭ ﻋﺪﻫﺎ ﻧﺴﺒﺘﻪ ﻋﺎﻟﻴﻪ ﻟﺬﺍﻟﻚ ﻗﺮﺭﻭ ﻳﻴﺪﻟﻮﻥ ﺩﻣﻬﺎ ﻭﺑﻌﺪ ﻣﺎﺑﺪﻟﻮ ﺗﻮﻓﺖ ﻭﺍﻧﻲ ﺑﻘﻴﺖ
ﻋﻨﺪﻱ ﺍﺥ ﻭﺍﺣﺪ ﻭﻫﻮ ﻛﺮﺍﺭ ﺍﻟﭽﺒﻴﺮ ﻭﺍﻧﻲ ﺍﺻﻐﺮ ﻣﻨﻪ ﺏ 4 ﺳﻨﻮﺍﺕ
ﺍﻣﻲ ﻛﺎﻥ ﻋﺪﻫﺎ ﺑﺲ ﺍﻧﻲ ﻭﻛﺮﺍﺭ ﻻﻥ ﻣﺮﻳﻀﻪ ﻋﺪﻫﺎ ﺯﻻﻝ ﻉ ﺍﻟﻜﻠﺊ ﻭﺧﻔﻘﺎﻥ ﺑﺎﻟﻘﻠﺐ ﻟﺬﺍﻟﻚ ﺍﺑﻮﻱ ﻗﺮﺭ ﻣﻴﺴﻮﻭﻥ ﺍﻃﻔﺎﻝ ﻭﻛﺎﻟﻬﺎ ﻋﻨﺪﻱ ﻭﻟﺪ ﻭﺑﻨﺖ ﻛﻠﺶ ﻛﻔﺎﻳﻪ ﻭﺧﻴﺮ ﻣﻦ ﺍﻟﻠﻪ
ﻟﻜﻦ ﺑﻌﺪ ﻋﺸﺮ ﺳﻨﻮﺍﺕ ﺷﺎﺀﺍﻟﻘﺪﺭ ﺍﻣﻲ ﺗﺤﺒﻞ ﻣﻦ ﺟﺪﻳﺪ ﻛﻠﻨﻪ ﺧﻔﻨﻪ ﻋﻠﻴﻬﺎ ﻻﻥ ﺣﻴﻞ ﺗﻌﺒﺖ ﻣﺎﺑﻴﻬﺎ ﺣﺘﺊ ﺗﻤﺸﻲ ﺍﺫﺍ ﻃﻠﻌﺖ ﻟﻠﺤﻤﺎﻡ ﺗﺮﺟﻊ ﺗﻠﻬﺚ ﻻﻥ ﻣﺸﺖ ﺧﻄﻮﺗﻴﻦ
ﺟﺎﺑﺖ ﺍﺧﺘﻲ ﺭﻫﻒ ﺍﻟﺼﻐﻴﺮﺓ ﺍﻟﻲ ﻛﺎﻧﺖ ﻣﺎﺧﺬﺓ ﻣﻼﻣﺢ ﺍﻣﻲ ﻛﻠﺶ ﻧﻔﺲ ﺍﻟﻌﻴﻮﻥ ﺍﻟﺨﻀﺮ ﻭﻧﻔﺲ ﺍﻟﺒﻴﺎﺽ
ﺍﺧﻮﻱ ﻛﺮﺍﺭ ﻋﻤﺮﺓ 18 ﺳﻨﻪ ﻋﺼﺒﻲ ﻛﻠﺶ ﻭﻣﻴﺘﺎﺣﺠﻪ ﺍﺑﺪ ﺍﻳﻌﺼﺐ ﻋﻠﺊ ﺍﻗﻞ ﺣﺠﺎﻳﻪ ﻭﺗﺼﺮﻓﺎﺗﻪ ﻛﻠﺶ ﻣﺘﻌﺒﻪ ﺍﻣﻲ
ﻣﺮﺍﺕ ﻣﺘﺤﺠﻲ ﻟﺒﻮﻱ ﺗﺨﺎﻑ ﻳﻀﺮﺑﻪ ﻭﻣﺮﺍﺕ ﻣﺘﻜﺪﺭ ﺗﻀﻢ ﺗﺼﺮﻓﺎﺗﻪ ﻻﻥ ﺑﺪﺓ ﻳﺘﺠﺎﻭﺯ ﻭﻣﻴﺤﺘﺮﻡ ﺍﺣﺪ ﻭﺑﻌﺪ ﻣﺎﺍﺑﻮﻱ ﻳﺮﺯﻟﻪ ﻭﻳﻄﻠﻊ ﻳﮕﻠﺐ ﺍﻟﺒﻴﺖ ﻋﻠﻴﻨﻪ ﺑﺎﻟﻐﻠﻂ ﻭﻭﺍﻟﺼﺎﻳﺢ ﺑﻄﻠﻨﻲ ﻣﻦ ﺍﻟﻤﺪﺭﺳﻪ ﺑﻌﺪ ﻣﺎﻧﺠﺤﺖ ﻣﻦ ﺻﻒ ﺳﺎﺩﺱ ﺍﺑﺘﺪﺍﺋﻲ ﻻﻥ ﻛﺎﻧﺖ ﺑﻌﻴﺪﺓ ﻭﻣﺨﺘﻠﻄﻪ ﻭﺻﺎﺭ ﻳﻮﻣﻴﻪ ﻳﻄﻠﻊ ﺳﺎﻟﻔﻪ ﺟﺪﻳﺪﺓ ﻋﻠﻴﻪ ﻳﻮﻡ ﻳﻜﻮﻝ ﺍﻟﺸﺒﺎﺏ ﺗﺘﺤﺮﺵ ﺑﻴﻬﺎ ﻭﻳﻮﻡ ﻳﻜﻮﻝ ﻟﻜﻴﺖ ﺍﺳﻤﻬﺎ ﻣﻜﺘﻮﺏ ﻉ ﺍﻟﺤﻤﺎﻣﺎﺕ ﻣﺎﻝ ﺍﻟﻤﺪﺭﺳﻪ ﻟﻐﺎﻳﻪ ﻣﺎﻗﻨﻊ ﺍﺑﻮﻱ ﻳﺒﻄﻠﻨﻲ
ﺣﺎﻟﺘﻨﻪ ﺍﻟﻤﺎﺩﻳﻪ ﻛﻠﺶ ﺯﻳﻨﻪ ﺍﺑﻮﻱ ﻋﻨﺪﺓ ﺍﻣﻼﻙ ﻭﻋﻘﺎﺭﺍﺕ ﻭﻗﻄﻊ ﺍﺭﺍﺿﻲ ﺍﻋﺘﻤﺪ ﻋﻠﺊ ﻧﻔﺴﻪ ﻭﺍﺷﺘﻐﻞ ﻭﺍﻟﻮﺭﺙ ﺍﻟﺤﺼﻠﻪ ﻣﻦ ﺟﺪﻱ ﻛﺎﻥ ﻗﻄﻌﻪ ﺍﺭﺽ ﺟﺒﻴﺮﺓ ﻗﺴﻤﻬﺎ ﻋﻠﺊ ﺍﻭﻻﺩﺓ ﺍﻟﺜﻼﺛﻪ ﺟﻮﺍﺩ ﻭﻋﻤﺎﺩ ﻭﻋﺪﻧﺎﻥ
ﻋﻤﻲ ﺟﻮﺍﺩ ﺍﻟﺠﺒﻴﺮ ﺍﻧﺴﺎﻥ ﺳﻜﻴﺮ ﻣﺎﻳﻌﺮﻑ ﺍﻟﻠﻪ ﻭﻳﻦ ﺧﺎﻟﻘﻪ 24 ﺳﺎﻋﻪ ﺳﻜﺮﺍﻥ ﺑﺎﻉ ﻗﻄﻌﻪ ﺍﻻﺭﺽ ﻭﺧﻠﺺ ﻓﻠﻮﺳﻬﺎ ﻉ ﺍﻟﺴﻜﺮ ﻭﺍﻟﻌﺮﺑﺪﺓ
ﻣﺮﺗﻪ ﻭﺑﻨﺎﺗﻪ ﻳﺨﻴﻄﻦ ﻭﻳﺨﺒﺰﻥ ﻭﻳﺒﻴﻌﻦ ﻟﻠﻨﺎﺱ ﻭﻋﻤﻲ ﻳﺎﺧﺬ ﻓﻠﻮﺳﻬﻦ ﻳﺸﺘﺮﻱ ﺑﻴﻬﻦ ﻣﺸﺮﻭﺏ
ﻭﺍﺫﺍ ﻣﺎﺍﻧﻄﻨﻪ ﻳﺼﻴﺮ ﻛﺘﻠﻬﻦ ﻋﻤﻞ ﺷﻌﺒﻲ ﻫﻨﻪ ﻭﺍﻣﻬﻦ
ﺍﺑﻮﻱ ﻋﺮﻑ ﺍﺷﻠﻮﻥ ﻳﺪﺑﺮ ﺍﻣﻮﺭﻩ ﻭﻳﺤﺎﻓﺾ ﻋﻠﺊ ﻛﻞ ﻓﻠﺲ ﺑﻌﺪ ﻣﺎﺑﺎﻉ ﻗﻄﻌﻪ ﺍﻻﺭﺽ
ﺑﺎﻉ ﺳﻴﺎﺭﺗﻪ ﻭﺳﺤﺐ ﺳﻠﻔﻪ ﻣﻦ ﺍﻟﺪﻭﻟﻪ ﻭﺑﻨﻪ ﻋﻤﺎﺭﺓ ﺗﺘﺎﻟﻒ ﻣﻦ ﺛﻼﺙ ﻃﻮﺍﺑﻖ ﻭﺑﺲ
ﺟﻮﺓ ﻛﺎﻥ ﺑﺎﻧﻲ ﻣﺤﻼﺕ ﻳﺎﺟﺮﻫﻦ ﻭﻓﻮﻙ ﺷﻘﻖ ﺳﻜﻨﻴﻪ 10 ﺷﻘﻖ
ﺑﺪﺓ ﻋﻤﻠﻪ ﻳﺘﻮﺳﻊ ﻭﺧﻴﺮ ﻣﻦ ﺍﻟﻠﻪ ﻳﺤﻂ ﺍﻟﻔﻠﺲ ﻉ ﺍﻟﻔﻠﺲ ﻣﻦ ﻓﻠﻮﺱ ﺍﻟﻌﻤﺎﺭﺓ ﺍﺷﺘﺮﺓ ﻗﻄﻌﻪ ﺍﺭﺽ ﻭﺑﻨﺎﻫﺎ ﺑﻴﺖ ﺍﻟﻨﻪ ﺑﻌﺪ ﻣﺎﻛﻨﻪ ﻛﺎﻋﺪﻳﻦ ﻭﻳﻪ ﺟﺪﻱ ﻭﺻﺎﺭﺕ ﻋﻨﺪﺓ ﺳﻴﺎﺭﺓ ﺍﺧﺮ ﻣﻮﺩﻳﻞ
ﺍﻣﺎ ﺑﺨﺼﻮﺹ ﻋﻤﻲ ﻋﺪﻧﺎﻥ ﻓﺒﺎﻉ ﻗﻄﻌﺖ ﺍﻻﺭﺽ ﻭﺩﺧﻞ ﻭﻳﻪ ﺻﺪﻳﻘﻪ ﺑﻤﺸﺮﻭﻉ ﺑﺸﺮﻛﻪ ﻭﺍﺧﺮ ﺷﻲ ﻃﻠﻌﺖ ﺍﻟﺸﺮﻛﻪ ﻭﻫﻤﻴﻪ ﻭﺧﺴﺮﻭ ﺍﻓﻠﻮﺳﻬﻢ ﻛﻠﻬﻦ
ﺻﺎﺭ ﺍﺑﻮﻱ ﻳﺼﺮﻑ ﻋﻠﺊ ﺍﺧﻮﺍﻧﻪ ﺍﻻﺛﻨﻴﻦ ﻛﻞ ﺍﺳﺒﻮﻉ ﻳﺎﺧﺬ ﻣﺴﻮﺍﮒ ﻛﺎﻣﻞ ﺍﻟﺒﻴﺖ ﻋﻤﻲ ﺟﻮﺍﺩ ﻭﻳﺨﻠﻲ ﻛﻢ ﻓﻠﺲ ﺑﻴﺪ ﻣﺮﺗﻪ ﺑﺪﻭﻥ ﻣﻴﺪﺭﻱ ﻋﻤﻲ
ﺍﻣﺎ ﻋﻤﻲ ﻋﺪﻧﺎﻥ ﺍﻟﻜﺎﻥ ﺍﺻﻐﺮ ﻋﻤﺎﻣﻲ ﻋﻤﺮﺓ 25 ﺍﺑﻮﻱ ﺗﻜﻔﻞ ﺟﻤﻴﻊ ﻣﺼﺎﺭﻳﻒ ﻛﻠﻴﺘﻪ ﻭﺍﺷﺘﺮﺍﻟﻪ ﺳﻴﺎﺭﺓ ﺣﺘﺊ ﻳﺮﻭﺡ ﻭﻳﺠﻲ ﺑﻴﻬﺎ ﻭﻗﺮﺭ ﻳﺪﺯ ﺍﻣﻲ ﺗﺮﻭﺡ ﺗﺨﻄﻠﺒﻪ ﻭﻧﺰﻭﺟﻪ ﺑﺲ ﻫﻮ ﺭﻓﺾ ﻭﻛﺎﻝ ﻣﻮ ﻭﻛﺘﻪ ﻫﺴﻪ ﻣﻦ ﺍﻟﻜﻪ ﺑﻨﺖ ﺍﻟﺤﻼﻝ ﺍﺩﺯﻛﻢ ﺗﺨﻄﺒﻮﻟﻲ
،،،،،،
ﻟﺠﻴﻦ، ،ﻳﻤﻤﻤﺎﺍﺍﺍ ﺗﻌﺎﻟﻲ ﺍﻟﻜﺮﺍﺭ ﺑﺲ ﻳﻌﻴﺐ ﻋﻠﻴﻪ
ﺍﻡ ﻛﺮﺍﺭ ﺍﻧﺘﻪ ﻣﺘﺠﻮﺯ ﻣﻦ ﺳﻮﺍﻟﻔﻚ ﺣﺎﻁ ﻛﻮﺭﻙ ﻭﻛﻮﺭ ﺍﺧﺘﻚ ﻫﺴﻪ ﻟﻮﻋﻨﺪﻙ ﻋﺸﺮ ﺍﺧﻮﺍﺕ ﻧﻜﻮﻝ ﺟﺰﻉ ﻣﻨﻬﻦ ﺑﺲ ﺷﻮ ﻫﻨﻪ ﺑﺲ ﺍﺛﻨﻴﻦ ﻭﻣﻄﻴﺢ ﺣﻀﻬﻦ ﺑﺴﻮﺍﻟﻔﻚ
ﻛﺮﺍﺭ،،ﻭﺍﻛﺴﺮ ﺭﺍﺳﻬﺎ ﻫﻢ ﺍﻡ ﻋﻴﻮﻥ ﺗﻚ ﻭﺗﻚ ﺍﻟﻤﺸﻮﻫﻪ
ﺍﻛﺺ ﺍﻳﺪﻱ ﺍﺫﺍ ﺍﺣﺪ ﺧﺬﺍﺝ
ﺍﻟﻴﺠﻲ ﻭﻳﺸﻮﻑ ﻋﻴﻮﻧﺞ ﻓﺮﺩﺓ ﻭﻓﺮﺓ ﺍﻛﻴﺪ ﻳﺸﺮﺩ ﺑﺮﻭﺣﻪ ﺍﻟﻌﺰﻳﺰﺓ
ﺍﻡ ﻛﺮﺍﺭ،،ﻭﻟﻜﻜﻚ ﻛﺮﺭﺭﺭﺍﺭ ﺑﺲ ﺧﻞ ﻳﺠﻲ ﺍﺑﻮﻙ ﻭﺍﻧﻲ ﺍﻋﻠﻤﻚ
ﻟﺠﻴﻦ ،،ﺑﺠﻴﺖ ﻻﻥ ﻋﻴﺎﺭﺍﺕ ﻛﺮﺍﺭ ﻭﻛﻠﻤﻪ ﻣﺤﺴﺴﻨﻲ ﺑﻴﻪ ﻧﻘﺺ ﻭﺍﺷﻮﻑ ﻫﻠﺸﻲ ﺗﺸﻮﻩ ﺍﺳﺘﺤﻲ ﺣﺘﺊ ﺍﻃﻠﻊ ﻣﻦ ﺍﻟﺒﻴﺖ ﻭﺣﺘﺊ ﻣﺎﻋﻨﺪﻱ ﺍﺧﺘﻼﻁ ﺏ ﺍﺣﺪ ﻣﻦ ﺍﺷﻮﻑ ﺍﻟﺒﻨﺎﺕ ﻳﺒﺎﻭﻋﻠﻲ ﺍﺳﺘﺤﻲ ﻭﺍﺑﺠﻲ ﺍﻛﻮﻝ ﻟﻮ ﺍﺷﺒﻬﻦ ﻭﺣﺎﻟﻲ ﺣﺎﻟﻬﻦ ﺟﺎﻥ ﻣﺎﻋﻴﺮﻧﻲ ﺍﻗﺮﺏ ﺍﻟﻨﺎﺱ ﺍﻟﻲ
ﺍﻡ ﻛﺮﺍﺭ،،ﻋﻠﻴﻤﻦ ﺗﺒﺠﻴﻦ ﻣﺎﻣﺎ ﺍﻧﺘﻲ ﺻﺪﻙ ﻣﺎﻋﻨﺪﺝ ﻋﻘﻞ ﻋﻴﻮﻧﺞ ﻳﺨﺒﻠﻦ ﻭﻟﻮﻧﻬﻦ ﻭﺷﻜﻠﻬﻦ ﻧﺎﺩﺭ ﺟﺪﺍ ﺍﻟﻤﻔﺮﻭﺽ ﺗﻔﺮﺣﻴﻦ ﻣﻮ ﺗﺰﻋﻠﻴﻦ
ﻟﺠﻴﻦ،،ﺣﺠﻴﺖ ﻭﺍﻧﻲ ﺍﺑﺠﻲ ﻛﺘﻠﻬﺎ ﻣﺘﺸﻮﻓﻴﻦ ﺍﺑﻨﺞ ﺷﻠﻮﻥ ﻳﺤﺠﻲ ﺣﺘﺊ ﻛﺪﺍﻡ ﺑﻨﺎﺕ ﺧﺎﻟﻲ ﻟﻴﺚ ﻳﺼﻴﺤﻠﻲ ﺍﻡ ﺗﻚ ﻭﺗﻚ ﻭﻳﺨﻠﻴﻬﻦ ﻳﻀﺤﻜﻦ ﻋﻠﻴﻪ
ﺍﻡ ﻭﺭﺩﺓ،،ﻳﻀﺤﻜﻦ ﻻﻥ ﻣﻘﻬﻮﺭﺍﺕ ﺍﻧﺘﻲ ﺍﺣﻠﺊ ﻣﻨﻬﻦ ﻟﺘﺨﻠﻴﻦ ﻛﻼﻡ ﺍﺧﻮﺝ ﻳﺎﺛﺮ ﻋﻠﻴﺞ ﺑﻴﻨﻴﻠﻬﻦ ﺍﻧﺘﻲ ﻣﺎﻣﻬﺘﻤﻪ ﻟﻴﺶ ﻣﻨﻄﻮﻳﻪ ﻋﻠﺊ ﻧﻔﺴﺞ ﻭﻣﺘﻜﻌﺪﻳﻦ ﻳﻤﻬﻦ ﻣﻦ ﻳﺠﻦ
ﻟﺠﻴﻦ،،ﺍﻧﻲ ﺍﺣﺐ ﺑﺲ ﻋﺬﺭﺍﺀ . ﺑﻨﺖ ﺧﺎﻝ ﻻﻥ ﺗﮕﻠﻲ ﻧﻔﺲ ﻛﻼﻣﺞ
ﺍﻡ ﻛﺮﺍﺭ،،ﻳﻠﻪ ﻛﻮﻣﻲ ﺍﻣﺴﺤﻲ ﺩﻣﻮﻋﺞ ﻗﺒﻞ ﻟﻴﺠﻲ ﺍﺑﻮﺝ ﻭﻳﺸﻮﻓﺞ ﺗﺒﺠﻴﻦ ﻏﻴﺮ ﻳﺒﺴﻂ ﻛﺮﺍﺭ ﻭﻣﻦ ﻳﺮﻭﺡ ﺍﺑﻮﺝ ﻳﺮﺟﻊ ﻳﺘﻌﺎﺭﻙ ﻭﻳﺎﺝ
ﻟﺠﻴﻦ، ،ﻃﻠﻌﺖ ﺍﻣﻲ ﻭﺍﻧﻲ ﺳﺒﺤﺖ ﻭﻣﺸﻄﺖ ﺷﻌﺮﻱ ﻭﻛﻌﺪﺕ ﺍﻗﺮﻱ ﺭﻫﻮﻓﻪ ﺍﻻﺣﺮﻑ ﻭﺍﻻﺭﻗﺎﻡ ﻻﻥ ﺳﻨﻪ ﺍﻟﺘﺠﻲ ﺗﺴﺠﻞ ﺑﺎﻟﻤﺪﺭﺳﻪ
ﺭﻫﻒ،،ﻟﺠﻮﻧﻪ ﺟﻮﻋﺎﻧﻪ ﺳﻮﻳﻠﻲ ﻟﻔﻪ
ﻟﺠﻴﻦ،،ﻋﻴﻮﻥ ﻟﺠﻴﻦ ﺍﻧﺘﻲ ﻫﺴﻪ ﺍﺳﻮﻳﻠﺞ ﻭﺍﺟﻲ
ﺷﻮﻓﻲ ﻧﻘﻄﺘﺖ ﺍﻟﺞ ﺣﺮﻑ ﺍﻝ ( ﺩ ) ﺍﻣﺸﻲ ﻉ ﺍﻟﻨﻘﻂ ﺑﻴﻦ ﻣﺎﺍﺟﻴﺒﻠﺞ ﺍﻛﻞ
ﺭﺣﺖ ﺳﻮﻳﺘﻠﻬﺎ ﻟﻔﻪ ﻭﺍﺟﻴﺖ ﻭﺍﻟﮕﺎﻟﻚ ﺍﻻﺧﺖ ﮔﺎﻟﺒﻪ ﺍﻟﻘﺮﺍﺋﻪ ﻓﻨﻴﻪ ﻭﺗﺮﺳﻢ ﻭﺗﺸﺨﺒﻂ
ﻭﻟﺞ ﻳﻤﻌﺰﺍﺍﺍﻳﻪ ﺷﻤﺴﻮﻳﻪ ??
ﺭﻫﻒ ،،ﺍﺭﺛﻢ ﺷﻮﻓﻲ ﺭﺛﻤﻲ ﺣﻠﻮﻭ
ﻟﺠﻴﻦ،،ﻫﻬﻬﻬﻬﻬﻪ ﺳﻨﻮﻧﻬﺎ ﻭﻛﻌﻦ ﻣﻦ ﮔﺪ ﻣﺎﺗﺎﻛﻞ ﺣﻼ ﻭﻫﻲ ﺑﻌﺪﻫﺎ ﺣﺮﻑ ﺍﻝ ﺭ ﺛﻜﻴﻞ ﻋﺪﻫﺎ ﻣﺘﺖ ﺿﺤﻚ ﻋﻠﺊ ﺷﻜﻠﻬﺎ ﻭﺍﻟﺴﺮﺓ ﺍﻟﻜﺪﺍﻡ ﻣﻦ ﺍﺳﻨﺎﻧﻬﺎ ﻛﻠﻬﻦ ﻃﺎﻳﺤﺎﺕ ﻭﻣﻔﺘﻮﺡ ﺍﻟﺒﺎﺏ ﻣﺎﻝ ﺣﻠﻜﻬﺎ ﻋﻠﺊ ﻋﺮﺿﻪ ﻫﻬﻬﻬﻬﻪ
ﻛﺘﻠﻬﺎ ﻳﻠﻪ ﺍﻛﻠﻲ ﺍﻡ ﺍﻟﻔﻮﺍﻳﻦ ﻋﺮﻓﺘﺞ ﺗﺮﺩﻳﻦ ﺗﺸﺨﺒﻄﻴﻦ
ﺑﻠﻴﻞ ﺍﺟﻪ ﺍﺑﻮﻱ ﻛﻌﺪﻧﻪ ﻛﻠﻨﻪ ﻧﺘﻌﺸﻪ ﺑﺲ ﻛﺮﺍﺭ ﻃﺎﻟﻊ ﻭﺍﻟﺴﺎﻋﻪ 10 ﻭﻫﻮ ﻣﺎﺟﺎﻱ
ﺍﺑﻮ ﻛﺮﺍﺭ،،ﺑﺲ ﺍﺭﻳﺪ ﺍﻓﻬﻢ ﻫﺬﺍ ﺍﺑﻨﺞ ﺍﻟﻌﺎﺭ ﺷﻮﻛﺖ ﻳﺒﻄﻞ ﺳﻮﺍﻟﻔﻪ ??
ﻳﻤﺸﻴﻠﻲ ﻭﻳﻪ ﺷﻠﻪ ﺗﻌﺒﺎﻧﻪ ﻣﻨﺘﻔﻴﻦ ﻭﺳﻤﻌﺘﻬﻢ ﺯﻓﺖ
ﺻﺮﺕ ﺑﻨﺺ ﻫﺪﻭﻣﻲ ﺍﻟﻴﻮﻡ ﻣﻦ ﺟﻴﺮﺍﻧﻪ ﺍﺑﻮ ﺗﺤﺴﻴﻦ ﻳﻜﻠﻲ ﺍﻧﺘﻪ ﺯﻟﻤﻪ ﻣﻌﺪﻝ ﻣﺎﺍﺭﺿﺎﻟﻚ ﺍﻟﻜﻠﻤﻪ ﺍﻟﻤﻮﺯﻳﻨﻪ ﺑﺲ ﺍﺑﻨﻚ ﻣﺮﺍﻓﮓ ﻛﻢ ﻭﺍﺣﺪ ﺳﻤﻌﺘﻬﻢ ﻣﻮ ﺷﻲ ﻭﻳﺸﺮﺑﻮﻥ ﺧﺎﻑ ﻳﻌﻠﻤﻮﻥ ﺍﺑﻨﻚ ﻭﻳﻤﺸﻮ ﻭﻳﺎﻫﻢ ﺑﺪﺭﺏ ﺍﻻﻋﻮﺝ
ﻟﺠﻴﻦ،،ﺍﺗﺼﻞ ﺑﻲ ﺑﺲ ﺍﻟﺠﻬﺎﺯ ﻣﻐﻠﻖ ﺍﺧﺬ ﺍﻟﺴﻮﻳﺞ ﻭﻛﺎﻝ ﺭﺍﺡ ﺍﺷﻮﻓﻪ ﺧﺎﻑ ﻛﺎﻋﺪ ﺑﺎﻟﻜﻬﻮﺓ ﻭﺍﻟﻠﻪ ﺍﻟﻪ ﺍﺑﺴﻄﻪ ﻭﺍﻓﺸﻠﻪ ﻛﺪﺍﻡ ﺭﺑﻌﻪ ﺣﺘﺊ ﻳﺘﻮﺏ
ﺷﻮﻳﻪ ﻭﺍﺟﻪ ﺍﺑﻮﻱ ﻭﻛﺮﺍﺭ ﻛﺪﺍﻣﻪ ﻳﻤﺸﻲ ﻭﺍﻟﻮﺟﻪ ﺍﺣﻤﺮ ﻣﺒﻴﻦ ﻣﺘﺮﺯﻝ ﻛﻌﺪ ﺍﺑﻮﻱ ﻭﺍﻧﻄﺎ ﺭﺯﺍﻟﻪ ﻏﺴﻞ ﻭﻟﺒﺲ
ﺍﺑﻮ ﻛﺮﺍﺭ،،ﻭﻟﻚ ﻭﺍﻟﻠﻪ ﺍﺳﺘﺤﻲ ﺍﺭﺯﻟﻚ ﻭﺍﻧﺘﻪ ﺑﻄﻮﻟﻲ ﺯﻟﻤﻪ ﻣﺸﻮﺭﺏ ﻭﺍﻫﻴﻨﻚ ﺍﺻﺤﻪ ﺍﻟﺰﻣﺎﻧﻚ ﻳﺎﺑﻮﻳﻪ ﻭﺧﻠﻴﻨﻲ ﺍﺣﺘﺮﻣﻚ
ﻛﻞ ﻣﺮﺓ ﺍﻛﻮﻝ ﺍﺑﻨﻲ ﺍﻟﺠﺒﻴﺮ ﻭﻓﺘﺸﺖ ﻋﻴﻨﻲ ﺍﺫﺍ ﺍﻣﻮﺕ ﺍﻣﻮﺍﺕ ﻭﺍﻧﻲ ﻣﺮﺗﺎﺡ ﻋﻨﺪﻱ ﺍﺑﻦ ﻳﺸﻴﻞ ﺍﺳﻤﻲ ﻭﻳﺪﻳﺮ ﺑﺎﻟﻪ ﻋﻠﺊ ﺍﺧﻮﺍﺗﻪ ﺑﻌﺪﻧﻪ ﺍﻧﻲ ﻭﺍﻣﻪ ﺑﺲ ﺍﻧﺘﻪ ﻳﻮﻣﻴﻪ ﻃﺎﻟﻌﻠﻲ ﺑﺴﺎﻟﻔﻪ ﻋﻮﺟﻪ ﻭﻣﺎﺗﻨﺼﻠﺢ
ﺍﻟﻤﻦ ﺍﻧﻲ ﺍﺗﻌﺐ ﻳﺎﺑﻮﻳﻪ ﻏﻴﺮ ﻋﻠﻤﻮﺩﻛﻢ ﺷﻮﻑ ﻭﻟﺪ ﻋﻤﺎﻣﻚ ﻭﺍﻭﻻﺩ ﺧﻮﺍﻟﻚ ﻳﺘﻤﻨﻮﻥ ﻳﺼﻴﺮﻭﻥ ﺑﻤﻜﺎﻧﻚ ﻳﻠﻌﺒﻮﻥ ﺑﺎﻟﻔﻠﻮﺱ ﻟﻌﺐ ﻭﻛﻞ ﻣﺘﻄﻠﺒﺎﺗﻬﻢ ﻣﺘﻮﻓﺮﺓ
ﻟﻴﺶ ﺷﺎﻟﻊ ﻛﻠﺒﻲ ﻳﺎﺍﺑﻨﻲ ??
ﻟﺠﻴﻦ،،ﻣﺎﺣﺠﻪ ﻛﺮﺍﺭ ﺍﺑﺪ ﺿﻞ ﻣﺪﻧﻚ ﺑﺎﻟﻜﺎﻉ
ﻋﺎﻓﻨﻪ ﻭﺩﺧﻞ ﻏﺮﻓﺘﻪ ﻭﺍﺑﻮﻱ ﻳﻜﻞ ﻟﻤﻲ ﻣﺘﺼﻴﺮﻟﻪ ﭼﺎﺭﺓ ﺍﺑﺪ
ﻭﺻﺎﺭﺕ ﺍﻻﻳﺎﻡ ﺗﻤﺸﻲ ﻭﻳﻮﻣﻴﻪ ﻭﺍﺣﺪ ﺟﺎﻱ ﻳﺸﻜﻲ ﻣﻦ ﻛﺮﺍﺭ ﻭﺻﻞ ﺍﻟﻤﺮﺣﻠﻪ ﺍﺑﻮﻱ ﻳﻀﺮﺑﻪ ﻭﻳﺤﺒﺴﻪ ﺑﺎﻟﺒﻴﺖ ﺑﺲ ﻣﻴﺠﻮﺯ ﻣﻦ ﺳﻮﺍﻟﻔﻪ ﺣﺘﺊ ﺍﻟﻤﺪﺭﺳﻪ ﺗﺮﻛﻬﺎ ﺑﻌﺪ ﻣﺎﺭﺳﺐ ﺳﻨﺘﻴﻦ ﺑﺼﻒ ﺳﺎﺩﺱ ﺍﺩﺑﻲ
ﻟﺠﻴﻦ،،ﻛﺎﻋﺪﻳﻦ ﻛﻠﻨﻪ ﻧﺘﻌﺸﻪ ﻭﺣﺘﺊ ﻛﺮﺍﺭ ﺟﺎﻥ ﻣﻮﺟﻮﺩ ﺍﺩﻙ ﺍﻟﺒﺎﺏ ﻭﺭﺍﺡ ﻛﺮﺍﺭ ﻳﺸﻮﻑ ﻣﻨﻮ . ﺷﻮﻳﻪ ﻭﺩﺧﻞ ﻋﻤﻲ ﻋﺪﻧﺎﻥ ﻭﻛﺮﺍﺭ ﻳﻤﺸﻲ ﻭﺭﺍﻩ ﻛﻌﺪ ﻳﺘﻌﺸﻪ ﻭﻳﺎﻧﻪ
ﻛﻤﻠﻨﻪ ﻭﺍﻧﻲ ﺳﻮﻳﺖ ﺟﺎﻱ ﻭﺟﺒﺘﻪ ﺍﻟﻬﻢ
ﺍﺑﻮ ﻛﺮﺍﺭ،،ﻓﺮﺣﻪ ﺟﻴﺒﻠﻲ ﺍﻟﺠﻨﻄﻪ ﻣﺎﻝ ﺍﻻﻭﺭﺍﻕ ﻭﺍﻟﻤﺴﺘﻨﺪﺍﺕ
ﺍﻡ ﻛﺮﺍﺭ،،ﺷﺘﺴﻮﻱ ﺑﻴﻬﺎ ??
ﺍﺑﻮ ﻛﺮﺍﺭ،،ﻣﺎﺑﺸﺮﺗﻜﻢ ﺍﺷﺘﺮﻳﺖ ﻋﻤﺎﺭﺓ ﺟﺪﻳﺪﺓ
ﻋﺪﻧﺎﻥ، ،ﺑﺎﻟﻌﺎﻓﻴﻪ ﺧﻮﻳﻪ ﺑﺲ ﻋﻤﺎﺭﺗﻴﺶ ??
ﺍﺑﻮﻛﺮﺍﺭ،،ﻫﻲ ﻣﻮ ﻋﻤﺎﺭﺓ ﺳﻜﻨﻴﻪ ﻫﻮ ﻣﺠﻤﻊ ﻃﺒﻲ ﻣﺘﻜﻮﻥ ﻣﻦ ﻃﺎﺑﻘﻴﻦ ﺍﻟﻄﺎﺑﻖ ﺍﻟﻔﻮﮒ ﺑﻲ 6 ﻋﻴﺎﺩﺍﺕ ﻭﺍﻟﺠﻮﺓ ﻛﺬﺍﻟﻚ
ﻭﺑﺪﺍﻳﻪ ﺍﻟﻤﺠﻤﻊ ﺻﻴﺪﻟﻴﺎﺕ
ﺍﻛﻮ ﻭﺍﺣﺪ ﺛﺎﻧﻲ ﻏﻴﺮﻱ ﻳﺮﻳﺪﻫﺎ ﺑﺲ ﺻﺎﺣﺒﻬﺎ ﺻﺪﻳﻘﻲ ﻗﺮﺭ ﻳﺒﻴﻌﻬﺎ ﺍﻟﻲ ﺑﺎﻟﻤﺒﻠﻎ ﺍﻟﻔﻼﻧﻲ ﺳﺤﺒﺖ ﺍﻟﻤﺒﻠﻎ ﺍﻟﻴﻮﻡ ﻣﻦ ﺍﻟﺒﻨﻚ . ﻋﮕﺐ ﺑﺎﺟﺮ ﺏ ﺍﺫﻥ ﺍﻟﻠﻪ ﺍﺭﻭﺡ ﺍﻧﻄﻲ ﻓﻠﻮﺳﻪ ﻭﺍﺩﺍﻭﺭﻫﺎ ﺑﺎﺳﻤﻲ
ﻟﺠﻴﻦ،،ﺍﻧﻲ ﺿﻠﻴﺖ ﺻﺎﻓﻨﻪ ﻣﻦ ﺍﺑﻮﻱ ﺫﻛﺮ ﺍﻟﻤﺒﻠﻎ ﻣﺎﺗﻮﻗﻌﺖ ﻋﻨﺪﺓ ﻫﻴﺞ ﻣﺒﻠﻎ ﺿﺨﻢ ﺑﺎﻟﻤﺼﺮﻑ
ﻛﺘﻠﻪ ﺑﺲ ﺑﺎﺑﺎ ﺷﻮ ﻏﺎﻟﻴﻪ ﻣﺮﺓ ﺍﻣﻲ ﻛﺎﻟﺖ ﺍﺑﻮﺝ ﺍﺷﺘﺮﺓ ﺍﻟﻌﻤﺎﺭﺓ ﺍﻟﺴﻜﻨﻴﻪ ﻭﺫﻛﺮﺕ ﺍﻟﻤﺒﻠﻎ ﺑﺲ ﺍﻟﻌﻤﺎﺭﺓ ﺍﻛﺒﺮ ﻣﻦ ﺍﻟﻤﺠﻤﻊ ﻭﺭﻏﻢ ﻫﻠﺸﻲ ﺍﻟﻤﺠﻤﻊ ﺍﻏﻠﺊ ﻣﻨﻬﺎ
ﺍﺑﻮ ﻛﺮﺍﺭ،،ﻛﻠﺸﻲ ﺑﻮﻛﺘﻪ ﻳﺎﺑﺎﺑﺎ ﺍﻟﻌﻤﺎﺭﺓ ﺍﺷﺘﺮﻳﺘﻬﺎ ﺑﻌﺪ ﺳﻘﻮﻁ ﺍﻟﻨﻀﺎﻡ ﻭﺳﻌﺮﻫﺎ ﻣﻮ ﻛﻠﺶ ﻋﺎﻟﻲ ﻫﺴﻪ ﻛﻠﺸﻲ ﺍﺧﺘﻠﻒ ﻭﺍﻻﺳﻌﺎﺭ ﻋﻠﺖ
ﻟﺠﻴﻦ ﺷﻮﻳﻪ ﻭﺍﺗﺮﺧﺺ ﻋﻤﻲ ﻭﺭﺍﺡ ﻭﻛﺮﺍﺭ ﺭﺍﺡ ﻭﻳﺎﻩ ﺍﺑﻮﻱ ﻳﺎﻣﻦ ﺑﻲ ﻣﻦ ﻳﻤﺸﻲ ﻭﻳﻪ ﻋﻤﻲ ﺍﺣﺴﻦ ﻣﺎﻳﻤﺸﻲ ﻭﻳﻪ ﺟﻤﺎﻋﺘﻪ ﺍﻟﻤﻬﺘﻠﻔﻴﻦ
ﺛﺎﻧﻲ ﻳﻮﻡ ﻛﻌﺪﻧﻪ ﺍﻟﺼﺒﺢ ﻣﺜﻞ ﻛﻞ ﻳﻮﻡ ﻭﺍﺑﻮﻱ ﻳﻄﻠﻊ ﻣﻦ ﺍﻟﺼﺒﺢ ﻟﻠﻤﻜﺘﺐ ﻣﺎﻟﺘﻪ ﻳﺮﺟﻊ ﺍﻟﻀﻬﺮ ﻳﺘﻐﺪﺓ ﻭﻳﺮﻭﺡ
ﺗﺮﻳﻜﻨﻪ ﻭﺗﻀﻔﻨﻪ ﺍﻟﺒﻴﺖ ﻭﺭﻫﻒ ﺗﻠﻌﺐ ﻣﻦ ﻣﻜﺎﻥ ﺍﻟﻤﻜﺎﻥ
ﺻﺎﺭﺕ ﺳﺎﻋﻪ 10 ﺍﺗﺼﻞ ﺧﺎﻟﻲ ﮔﺎﻝ ﺭﺍﺡ ﺍﺟﻲ ﻧﺘﻐﺪﺓ ﻳﻤﻜﻢ
ﺍﻡ ﻛﺮﺍﺭ،،ﻟﺠﻮﻧﻪ ﻣﺎﻣﺎ ﺍﻧﻲ ﻛﻤﻠﺖ ﻏﺪﺓ ﻭﺭﺍﺡ ﺍﺧﺒﺰ ﺑﻘﺖ ﺑﺲ ﺯﻻﻃﻪ ﺳﻮﻳﻬﺎ ﺑﻴﻦ ﻣﺎﺍﻛﻤﻞ
ﻟﺠﻴﻦ ﻛﻤﻠﺖ ﺍﻟﺰﻻﻃﻪ ﻭﺍﻟﺘﺮﺗﻴﺎﺑﺎﺕ ﺍﻧﺪﻛﺖ ﺍﻟﺒﺎﺏ ﻭﺭﺍﺣﺖ ﺭﻫﻮﻓﻪ ﻫﻲ ﻭﺷﻌﺮﻫﺎ ﺍﻻﺷﻜﺮ ﺍﻟﻄﺎﻳﺮﻋﻠﺊ ﻣﺘﻮﻧﻬﺎ ﺗﻔﺘﺢ ﺍﻟﺒﺎﺏ
ﺩﺧﻞ ﺧﺎﻟﻲ ﻭﻣﺮﺗﻪ ﻭﺑﻨﺎﺗﻪ 4 ﻭﺍﻭﻻﺩﺓ ﺍﺛﻨﻴﻦ ﺻﻐﺎﺭ ﻻﻥ ﺍﻟﺒﻨﺎﺕ ﺍﻛﺒﺮ ﺷﻲ ﻣﺎﺍﺣﺐ ﻣﻨﻬﻦ ﺑﺲ ﻋﺬﺭﺍﺀ ﺍﻣﺎ ﺍﻟﺒﻘﻴﻪ ﻣﻦ ﺍﻛﻌﺪ ﻳﻤﻬﻦ ﻳﻀﻠﻦ ﻳﺴﻤﻌﻨﻲ ﺣﺠﻲ ﻭﻳﻜﻮﻟﻦ
ﺻﺎﺑﺮﻳﻦ،،ﻓﺪﻭﺓ ﻟﺠﻴﻦ ﺍﻧﺘﻲ ﺗﺸﻮﻓﻴﻦ ﻣﺜﻠﻨﻪ ﻟﻮ ﺗﺸﻮﻓﻴﻦ ﺍﻟﺪﻧﻴﻪ ﻟﻮﻧﻴﻦ ﻫﻬﻬﻬﻬﻬﻪ
ﺧﺪﻳﺠﻪ، ،ﻫﺴﻪ ﻟﻮ ﻋﻴﻦ ﺳﻮﺩﺓ ﻭﻋﻴﻦ ﺑﻴﻀﻪ ﺟﺎﻥ ﻛﻠﻨﻪ ﺗﺸﻮﻑ ﺍﻟﺪﻧﻴﻪ ﺍﺳﻮﺩ ﻭﺍﺑﻴﺾ ﻫﻬﻬﻬﻬﻬﻪ
ﻋﺬﺭﺍﺀ،،ﺷﻜﺪ ﺗﺎﻓﻬﺎﺕ ﺍﻧﺘﻦ ﺣﺘﺊ ﺳﻮﺍﻟﻔﺠﻦ ﺗﺎﻓﻬﺎ ﻣﺜﻠﺠﻦ
ﻟﺠﻴﻦ، ،ﻋﻔﺘﻬﻦ ﻭﻛﻤﺖ ﺍﺳﺎﻋﺪ ﺍﻣﻲ ﺑﺘﺤﻀﻴﺮ ﺍﻟﻐﺪﺓ
ﺍﺟﻪ ﺍﺑﻮﻱ ﻭﻛﻌﺪﻧﻪ ﻛﻠﻨﻪ ﻧﺘﻐﺪﺓ ﺣﺘﺊ ﻛﺮﺍﺭ ﺍﻟﻜﺎﻥ ﻣﻮ ﻋﻠﺊ ﺑﻌﻀﻪ ﻣﺪﺭﻱ ﺷﺒﻲ ﺣﺘﺊ ﺍﻣﻲ ﺣﺴﺖ ﻋﻠﻲ
ﻛﻤﻠﻨﻪ ﻭﺷﺮﺑﻨﻪ ﺟﺎﻱ ﺟﻨﺖ ﻛﺎﻋﺪﺓ ﺍﺳﻮﻟﻒ ﺍﻧﻲ ﻭﻋﺬﺭﺍﺀ
ﻭﺭﻫﻒ ﺗﮕﻤﺰ ﻓﻮﻙ ﺭﻭﺳﻨﻪ ﻣﺜﻞ ﺍﻟﻘﺮﺩ ﻫﻬﻬﻪ
ﻋﺬﺭﺍﺀ،،ﻟﺠﻮﻧﻪ ﺭﻭﺣﻲ ﺑﺎﺗﻲ ﻳﻤﻲ ﺍﻟﻴﻮﻡ ﺣﺒﺎﺑﻪ
ﻟﺠﻴﻦ،،ﻣﺎﺍﻛﺪﺭ ﻭﺍﻟﻠﻪ ﺷﻮﻓﺖ ﻋﻴﻨﺞ ﺍﺷﻠﻮﻥ ﺍﺧﻮﺍﺗﺞ ﻳﻌﻴﺒﻦ ﻋﻠﻴﻪ
ﻋﺬﺭﺍﺀ،،ﻗﺎﺑﻞ ﺭﺍﻳﺤﺘﻠﻬﻦ ﻟﻮ ﺍﻟﻲ ??
ﺣﺒﺎﺑﻪ ﺭﻭﺣﻲ ﻭﻳﺎﻱ ﻣﻮ ﻛﻞ ﻣﺮﺓ ﺍﺑﺎﺕ ﺍﻧﻲ ﻳﻤﺞ ﻟﻴﺶ ﻣﺘﺴﻮﻳﻬﺎ ﻟﻠﻠﻪ ﻫﻠﻤﺮﺓ ﻭﺗﺠﻴﻦ ﺍﻧﺘﻲ ﺗﺒﺎﺗﻴﻦ ﻳﻤﻨﻪ
ﻟﺠﻴﻦ، ،ﺷﻜﺪ ﺿﻠﺖ ﺗﻠﺢ ﺣﺘﺊ ﺭﺍﺣﺖ ﻟﻤﻲ ﻭﺍﺑﻮﻱ ﺗﻄﻠﺐ ﻣﻨﻬﻢ ﺍﺭﻭﺡ ﻭﻳﺎﻫﺎ ﺑﺲ ﺍﻧﻲ ﻣﺎﻗﺒﻠﺖ
ﺍﺧﺮ ﺷﻲ ﺍﻣﻲ ﻗﻨﻌﺘﻨﻲ ﻭﻛﺎﻟﺖ ﺭﻭﺣﻲ ﺍﻟﻴﻮﻡ ﻭﺑﺎﺟﺮ ﺍﻟﺼﺒﺢ ﺗﻌﺎﻟﻲ
ﺑﻴﺖ ﺧﺎﻟﻲ ﻣﻮﺑﻌﻴﺪﻳﻦ ﻋﻠﻴﻨﻪ ﺑﺮﺍﺱ ﺍﻟﺸﺎﺭﻉ ﺑﻴﻨﺎﺗﻨﻪ ﻛﻢ ﺑﻴﺖ ﻓﻘﻂ ﺑﺲ ﺭﻏﻢ ﻫﻤﻪ ﻗﺮﻳﺒﻴﻦ ﻣﺎﺍﺭﻭﺣﻠﻬﻢ
ﻛﺮﺍﺭ ﺭﻓﺾ ﻭﻣﺎﻗﺒﻞ ﺍﺭﻭﺡ ﺑﺲ ﺍﺑﻮﻱ ﻛﺎﻟﻪ ﺑﻌﺪﻧﻲ ﻋﺪﻝ ﻭﺗﺮﻳﺪ ﺗﻤﺸﻲ ﻛﻠﻤﺘﻚ ﻋﻠﻴﻬﻦ ﻋﻮﺩ ﻣﻦ ﺍﻣﻮﺕ ﺫﻳﺞ ﺍﻟﺴﺎﻋﻪ ﻛﻠﻤﺘﻚ ﺍﻟﻤﺎﺷﻴﻪ
ﻟﺒﺴﺖ ﻭﺭﺣﺖ ﻭﻳﺎﻫﻦ ﺑﺲ ﻗﺒﻞ ﻣﺎﺍﻃﻠﻊ ﺭﻭﺣﻲ ﺻﺎﺭﺕ ﻋﺪ ﺭﻫﻒ ﻣﺪﺭﻱ ﺷﺒﻴﻪ ﻛﻞ ﺷﻮﻳﻪ ﺍﺣﻀﻨﻬﺎ ﻋﺒﺎﻟﻚ ﻣﺎﺍﺷﻮﻓﻬﺎ ﺑﻌﺪ
ﺭﺣﺖ ﺍﻟﺒﻴﺖ ﺧﺎﻟﻲ ﻭﻋﺬﺭﺍﺀ ﻣﺎﻣﺼﺪﻛﻪ ﺭﺣﺖ ﻭﻳﺎﻫﺎ ﻟﻠﻴﻞ ﺿﻠﻴﻨﻪ ﻛﺎﻋﺪﻳﻦ ﻧﺴﻮﻟﻒ ﻭﻧﻀﺤﻚ ﺑﺲ ﺍﺣﺲ ﺭﻭﺣﻲ ﺗﺎﻳﻬﺎ ﻭﻛﻠﺒﻲ ﻳﻢ ﺍﻫﻠﻲ ﺗﻌﺸﻴﻨﻪ ﻭﻛﻤﻠﻨﻪ ﻭﺭﺟﻌﻨﻪ ﺳﻮﺍﻟﻒ ﻭﺿﺤﻚ ﺣﺘﺊ ﻣﻨﺪﺭﻱ ﺑﺎﻟﻮﻗﺖ ﺍﻧﺘﺒﻬﻨﺎ ﺳﺎﻋﻪ 12 ﺷﻮﻳﻪ ﻭﺑﺪﺕ ﻋﻨﺪﻱ ﺍﻻﻻﻡ ? ﺧﻔﻴﻔﻪ ﺩﺧﻠﺖ ﻟﻠﺤﻤﺎﻡ ﻭﺗﻔﺎﺟﺌﺖ ﺑﺎﻟﺸﻬﺮﻳﻪ ﻧﺎﺯﻟﻪ
ﺍﻫﻮ ﺍﺷﻠﻮﻥ ﻭﺭﻃﻪ ﺣﺘﺊ ﻣﺎﺟﺒﺖ ﻭﻳﺎﻱ ﻣﻼﺑﺲ ﺍﻏﻴﺮﻫﻢ
ﻃﻠﻌﺖ
ﮔﻠﺖ ﺍﻟﻌﺬﺭﺍﺀ ﺍﻧﻲ ﻻﺯﻡ ﺍﺭﺟﻊ ﻟﻠﺒﻴﺖ ﻭﺣﺠﻴﺘﻠﻬﺎ ﺍﻟﻮﺿﻊ
ﻋﺬﺭﺍﺀ،،ﻋﺎﺑﺖ ﻋﺒﺎﻟﻲ ﺷﻮ ﺷﺒﻴﺞ ﻫﺴﻪ ﺍﻧﻄﻴﺞ ﻣﻼﺑﺲ ﻣﻨﻲ ﺷﻮﻓﻲ ﺳﺎﻋﻪ ﺍﺑﻴﺶ ﺻﺎﺭﺕ ﺗﺎﺧﺮ ﺍﻟﻮﻛﺖ ﻋﻮﺩ ﺍﻟﺼﺒﺢ ﺭﻭﺣﻲ
ﻟﺠﻴﻦ،،ﻭﺍﻟﻠﻪ ﻣﺎﺍﻋﺮﻑ ﺍﻧﺎﻡ ﻭﻣﻜﺎﻧﻲ ﻣﺘﻐﻴﺮ ﻭﺍﺣﺲ ﺭﻭﺣﻲ ﻣﻘﺒﻮﺿﻪ ﻣﺪﺭﻱ ﺷﺒﻴﻪ
ﺭﻭﺣﻲ ﻛﻌﺪﻱ ﻋﻤﺘﻲ ﺗﺠﻲ ﺗﺮﺟﻌﻨﻲ ﻟﻠﺒﻴﺖ
ﺭﺍﺣﺖ ﻋﺬﺭﺍﺀ ﻛﻌﺪﺕ ﺍﻣﻬﺎ ﻭﻋﻠﺊ ﺻﻮﺗﻬﺎ ﻛﻌﺪ ﺧﺎﻟﻲ ﻫﻢ ﻛﺎﻝ ﺍﺑﻘﻲ ﻟﻠﺼﺒﺢ ﺑﺲ ﺍﺻﺮﻳﺖ ﺍﺭﺟﻊ
ﻛﻠﺖ ﻟﻤﺮﺕ ﺧﺎﻟﻲ ﺗﺘﺼﻞ ﺏ ﺍﻣﻲ ﺣﺘﺊ ﺗﻔﺘﺤﻠﻲ ﺍﻟﺒﺎﺏ ﺣﺘﺊ ﻣﺎﻧﻀﻞ ﻧﺪﻙ ﻭﻫﻤﻪ ﻧﺎﻳﻤﻴﻦ
ﺻﺪﻙ ﺭﺟﻌﻨﻲ ﺧﺎﻟﻲ ﻟﻠﺒﻴﺖ ﻭﺍﻭﻝ ﻣﺎﺻﻠﻨﻪ ﺭﻣﺶ ﻟﻤﻲ ﺣﺘﺊ ﺗﻄﻠﻌﻨﻪ ﻓﺘﺤﺘﻠﻲ ﺍﻟﺒﺎﺏ ﻭﺩﺧﻠﺖ ﻭﺻﺎﺭﺕ ﺗﺤﺠﻲ ﻋﻠﻴﻪ ﻻﻥ ﻋﺬﺑﺘﻬﻢ ﺑﻨﺺ ﺍﻟﻠﻴﻞ
ﺩﺧﻠﺖ ﺍﻟﻐﺮﻓﺘﻲ ﻭﺣﺪﻱ ﺍﻧﺎﻡ ﺑﻴﻬﺎ ﻻﻥ ﺭﻫﻒ ﻣﺘﻨﺎﻡ ﻏﻴﺮ ﺑﺤﻀﻦ ﺍﺑﻮﻱ
ﻭﻛﺮﺍﺭ ﻏﺮﻓﺘﻪ ﻭﺣﺪﺓ ﺑﺎﻟﻄﺎﺑﻖ ﺍﻟﺜﺎﻧﻲ
ﺍﻣﻲ ﺭﺍﺣﺖ ﻧﺎﻣﺖ ﻭﺍﻧﻲ ﺍﻻﻟﻢ ﺑﺪﺓ ﻳﺰﻳﺪ ﻋﻨﺪﻱ ﻃﻠﻌﺖ ﻣﻼﺑﺴﻲ ﻭﻛﻠﺖ ﺧﻞ ﺍﺳﺒﺢ ﻭﺍﺑﺪﻝ ﺣﺘﺊ ﺍﻧﺎﻡ ﻣﺮﺗﺎﺣﻪ ﻃﻠﻌﺖ ﺣﺒﺎﻳﻪ ﺑﺮﺍﺳﻴﺘﻤﻮﻝ ﺍﺧﺬﺗﻬﺎ ﺣﺘﺊ ﺗﺨﻔﻒ ﺍﻻﻟﻢ
ﺩﺧﻠﺖ ﻟﻠﺤﻤﺎﻡ ﺍﺳﺒﺢ ﺣﻤﺎﻣﻨﻪ ﺍﺑﻮﻱ ﻋﺎﺯﻟﻪ ﺑﻤﻜﺎﻥ ﻭﺣﺪﺓ ﺑﻨﻬﺎﻳﻪ ﺑﻨﺎﺀ ﺍﻟﺒﻴﺖ ﻣﺴﻮﻳﻠﻪ ﻣﻤﺮ ﺟﻮﺓ ﺍﻟﺪﺭﺝ ﻳﻜﻮﻝ ﻣﻌﺰﻭﻝ ﻋﻦ ﺍﻟﻐﺮﻑ
ﻛﻤﻠﺖ ﺳﺒﺢ ﺩﻧﻴﻪ ﺍﺻﻼ ﺣﺎﺭﺓ ﺗﻤﻮﺯ ﻭﺍﻟﻤﻜﻴﻔﺎﺕ ﺗﺸﺘﻐﻞ ﻭﺻﻮﺗﻬﺎ ﻋﺎﻟﻲ
ﺑﺪﻟﺖ ﻭﺭﺩﺕ ﺍﻃﻠﻊ ﻣﺎﺍﺣﺲ ﻏﻴﺮ ﺍﻟﺒﻴﺖ ﺿﺞ ﺑﺼﻮﺕ ﺍﻟﺮﺻﺎﺹ
ﺍﺣﺲ ﺭﻭﺣﻲ ﺭﺍﺣﺖ ﺣﺘﺊ ﺻﻮﺗﻲ ﺍﺧﺘﻔﺊ ﺍﻛﻴﺪ ﺣﺮﺍﻣﻲ
ﻛﻌﺪﺕ ﻋﻠﺊ ﺻﻔﺤﻪ ﻭﺍﻧﻲ ﺳﺎﺩﺓ ﺍﺫﻧﻲ ﻭﺍﺭﺟﻒ ﺑﻤﻜﺎﻧﻲ ﺷﻮﻳﻪ ﻭﺗﻮﻗﻒ ﺻﻮﺕ ﺍﻟﺮﺻﺎﺹ ﻭﺻﺎﺭ ﻫﺪﻭء...بيج قصص عراقيه حقيقيه من واقعنا.روعه الطائي
ﻓﺘﺤﺖ ﺍﻟﺒﺎﺏ ﺑﻴﺪﻱ ﺍﻟﻜﺎﻧﺖ ﻋﺒﺎﺭﺓ ﻋﻦ ﻗﻄﻌﻪ ﺛﻠﺞ ﻣﺎﺍﺣﺲ ﺑﻴﻬﺎ ﻣﻦ ﺍﻟﺨﺨﻮﻑ ﺍﺭﻳﺪ ﺍﺭﻛﺾ ﻟﻬﻠﻲ ﺧﺎﻳﻔﻪ
ﻣﺎﺍﻋﺮﻑ ﺍﺷﻠﻮﻥ ﺭﺟﻠﻴﻪ ﺷﺎﻳﻼﺗﻨﻲ ﻣﻦ ﺧﻮﻓﻲ ﺍﺭﻳﺪ ﺍﻃﻠﻊ ﻭﺍﺭﻭﺡ ﻟﻬﻠﻲ ﺍﻟﻲ ﻫﻤﻪ ﺑﺮ ﺍﻻﻣﺎﻥ ﺍﻟﻲ ﺑﻬﺎﻱ ﺍﻟﻠﺤﻈﻪ
ﻭﺻﻠﺖ ﺍﻟﺒﺪﺍﻳﻪ ﺍﻟﻤﻤﺮ ﺻﺮﺕ ﺑﻤﻜﺎﻥ ﺍﻛﺪﺭ ﺍﺷﻮﻑ ﻣﻦ ﺧﻼﻟﻪ ﻏﺮﻓﺖ ﺍﻫﻠﻲ
ﺭﻛﻀﺖ ﻣﻔﺰﻭﻋﻪ ﻟﻠﻐﺮﻓﻪ ﺧﺎﻳﻔﻪ ﻳﻄﻠﻊ ﺍﻟﺤﺮﺍﻣﻲ ﻛﺎﻥ ﻫﺬﺍ ﺍﻟﺸﻲ ﺍﻟﺒﺎﻟﻲ ﺳﺎﻋﺘﻬﺎ
ﺩﺧﻠﺖ ﻟﻠﻐﺮﻓﻪ ﻭﻫﻨﺎ ﺷﻔﺖ ﺍﻛﺒﺮ ﺻﺪﻣﻪ ﺑﺤﻴﺎﺗﻲ ﻫﻨﺎ ﻃﺎﺣﺖ ﻋﻠﺊ ﺭﺍﺳﻲ ﺍﻛﺒﺮ ﻓﺎﺟﻌﻪ ﻭﺍﻧﻲ ﺍﺷﻮﻑ ﺍﻣﻲ ﻭﺍﺑﻮﻱ ﻭﺭﻫﻮﻓﻪ ﻏﺮﮔﺎﻧﻴﻦ ﺑﺪﻣﻬﻢ ﻭﻫﻤﻪ ﻧﺎﻳﻤﻴﻦ ﻉ ﺍﻟﺴﺮﻳﺮ
ﻫﺰﻳﺖ ﺭﺍﺳﻲ ﺑﺎﻟﻨﻔﻲ ﻣﺮﻋﻮﺑﻪ ﻣﻦ ﺍﻟﻤﻨﻀﺮ
ﻛﺎﻧﺖ ﻋﻴﻮﻧﻲ ﻣﺘﺸﺨﺼﻪ ﻋﻠﺊ ﻣﻨﻀﺮ ﺍﻫﻠﻲ
ﺍﻟﺘﻔﺘﺖ ﻋﻠﺊ ﺍﻟﺸﺨﺺ ﺍﻟﻜﺎﻥ ﻻﺯﻡ ﺳﻼﺣﻪ ﻭﻛﺎﻋﺪ ﺑﺎﻟﻜﺎﻉ
ﻭﻫﻨﺎ ﻛﺎﻧﺖ ﺍﻟﻤﺼﻴﺒﻪ ﺍﻻﻛﺒﺮ ﻣﻦ ﺷﻔﺘﻪ ﺍﺧﻮﻱ ﻛﺮﺍﺭ
ﺍﻟﻘﺘﻠﻬﻢ
ﻳﺘﺘﺘﺘﺘﺘﺘﺘبع
