رسالة من مجهول 📝💖

الحلقة الثامنة

الحلقة الثامنه
#رسالة_من_مجهول
#بوسى_مصطفى
_________________

مديحه : تصدقي اني غلطانه علشان فضفضت معاكي شويه
انا طالعه انام تصبحو على خير
راوية : هو في ايه... انا مش فاهمه حاجه
نعمه : تعالي ياراوية اقعدي وسيبك منها
راوية قربت وقعدت جنب نعمه اللي كانت بتجهز الاكل بتاع الخطوبه
نعمه : قوليلي اللحمه دي كفاية للكفته ولا ازود كمان
راوية : لا كفايه... قوليلي مالها مديحه طالعه زعلانه ليه
نعمه : هو شكري مكانش عندك فوق
راوية : اه بس نزل قال هيجيب حاجه من الصيدليه وجاي
نعمه : دور البرد اللي أخده دا مخليه مش عارف ينام
راوية : مالها مديحه يانعمه
نعمه : مرات اخوكي قال ايه عايزة تجوزه
راوية : مين قالك كده
نعمه : هي بعضمة لسانها
راوية : يبقى سبيها براحتها
نعمه : انتي بتقولي ايه يا راوية ولا علشان دا اخوكي
راوية : هي ادرا بنفسها يانعمه
نعمه :"هي معملتش كده غير بسببنا احنا
لو سيبناهم في حالهم مكنوش فكروا في الحل دا
راوية : احنا مين يااختي
انا عمري م اتكلمت في الموضوع ده
وطالما هما عايشين مبسوطين ومتفاهمين مليش فيه
نعمه : امال فجأة كده فكرت إنها تجوزه
راوية : جلال مش صغير وكل واحد ادرا بنفسه يامديحه
هاتي الكوسه اللي عندك دي اقورها
مديحه : تصدقي اني اتعكننت ومبقاش ليه نفس اعمل حاجه
راوية : امال فين رفيف
نعمه : شكلك فرحانه علشان اخوكي هيتجوز
راوية : بس انتي كمان هو انا نقصاكي
نعمه : ليه مالك انتي كمان
راوية :"خايفه من اللي جاي
نعمه : يا سلام!
بقى راوية خايفه؟!.. دا انتي اللي شوفتيه زمان يخليكي متخافيش من اي حاجه ابدا
راوية : بالعكس يا نعمه اللي شوفته زمان يخليني اخاف ع الزرعه اللي رويتها بشبابي وسنين عمري اللي راحت وانا واقفه بحمي ولادي وبعوضهم عن غياب باباهم
نعمه :"اتفائلي خير ياراوية
راوية : خايفه ع أميرة بنتي اوي
نعمه : نبيل كويس وهيحطها جوه عنيه
هو يعني مفيهوش غير عيب واحد العصبيه وكمان حريقة سجاير
بس أميرة هاديه وطيبه وهتعرف تتعامل معاه
وهو ابن خالها وهو أولى من الغريب
راوية :" خايفه ومحتاره يانعمه
ياترى القريب احسن من الغريب فعلا
خايفه اديها للغريب ميصونهاش ولا يحافظ عليها
وخايفه اديها ل ابن اخويه ميتفقوش مع بعض وابقى بكسر قلبها
وخايفه اديها ل ابن عمها يبقى طمعان فيها
قوليلي اعمل ايه
نعمه :" متعمليش حاجه غير إنك تشوفي بنتك مياله لمين
راوية : خايفه اجوزها بعيد عني قلبي يوجعني عليها
نعمه : اهو انا بقى م فكرتش في كل اللي قولتيه ده
كل اللي عملته سألت بنتي عاجبك يارفيف هههههههه ميلت كده في الأرض
قولت بس خلاص تبقى موافقه
لاقيتها بتبتسم كده وهي مكسوفه هههههههههههه
راوية : هههههههه بناتنا بتتكسف يااختي امال روفه فين
نعمه : جوه بتظبط الفستان
روفه تعالي وهاتي معاكي الفستان لعمتك تشوفه
رفيف : حاضر ياماما

في اوضة رفيف
في التليفون :-
عمار : هتقفلي كده ع طول
رفيف : ماهو يعني مش معقوله هنفضل نتكلم كده طوا الليل
عمار : طب متقفليش قبل م تقوليلي ايه رأيك في البدله
رفيف : جميله اوي
عمار : اوكيه وانا هكتفي بهذا القدر الليلة ههههههههه
رفيف : طيب سلام
عمار : تصبحي على خير
رفيف : وانت من اهله
وقفلت رفيف التليفون كانت مامتها بتنادي عليها لتاني مرة
رفيف : حاضر ياماما جايه اهوه
_______________