رسالة من مجهول 📝💖

الحلقة ١١

الحلقة ١١
#رسالة_من_مجهول
#بوسى_مصطفى
________________

جلال :  بتقول ايه وانت بقى موافق على السعر ده
شكري : م انت عارف اخوك إبراهيم كويس
جلال : اه يعني هو عارف إن مفيش حد غريب هيشتري الأرض
فيموت سعرها بالشكل ده
شكري : عندك حل تاني
جلال : وانا لو معايا المبلغ دا مكونتش سيبتك تبيع الأرض
شكري : عارف يااخويه
بس انا مضطر ابيعله هعمل ايه
جلال : طب م تشوف فادي كده يشتري الأرض
شكري : يبقى كده بعمل مشاكل يا جلال
بين ابن اختك وحماه
سيبك من كل دا لان ابراهيم مش هيسيب الأرض وهيشتريها لإن ببساطه محدش هيقبل يشتري ارض ميراث.. بين تلات اخوات
قولي بقى ومن غير زعل
جلال : اقولك ايه
شكري : انت ليه مبتسعاش في موضوع الخلفه دا
هو انت مش عايز يبقى عندك عيال ولا ايه
جلال مردش
شكري : انا عارف إن الموضوع حساس اوي
وانت مبتحبش حد يكلمك فيه
بس يااخويه العمر بيعدي
انا بتكلم لمصلحتك انت دلوقت عندك تمانيه وتلاتين يعني سنتين وتبقى أربعين قولي بقى مستني تخلف امتى
جلال : كله ب... إرادة ربنا
شكري : ونعم بالله... لكن العلاج مبيعارضش..
إرادة ربنا والعياذ بالله
انت فاهم انا قصدي ايه
جلال : فاهم يا شكري
شكري : عارف ياجلال انا الدنيا مكانتش سيعاني من الفرحه يوم ولادة رفيف واختها التوأم.. الحمد لله على كل حال
انا قلبي عليك يااخويه
_____________

راوية : ياحبيبتي متقصدش مانتي عارفه عاليه هو
انتي تايهه عنها يعني
مديحه : انا مش زعلانه ياراوية
بالعكس انا افرح لبنتها ول ابنك
بصي بقى انا جيالك في خدمة وعايزاكي تساعديني على قد م تقدري
راوية : عنيه ليكي يامديحه
مديحه : تسلم عيونك ياام فادي
اسمعي بقى
انا عايزاكي تكلمي جلال وتقنعيه إنه يتجوز علشان خاطري ياراويه
راوية : تاني يامديحه
وبعدين ياحبيبتي انا مليش دعوة
هو عايز يتجوز ولا ميتجوزش
هو حر
مديحه : علشان هو بيحبك وهيقتنع بكلامك
راوية : ريحي نفسك يامديحه هو حر ياحبيبتي
مديحه بتبكي
راوية : تصدقي إنك وليه نكد
وانتي اللي بتجبيه لنفسك
جرس الباب يرن
راوية :"امسحى دموعك دي بقي
وبطلي شغل العيال دا
انتو هتتعشوا معايا الليلة
مديحه : لا عشا ايه انا هقوم بقى علشان جلال زمان جاي
كانت راوية عند الباب وهي بتتكلم مع مديحه تفتح الباب
جلال ببتسامة :" سلام عليكم
راوية ببتسامة : وعليكم السلام
هههههههههههههههههه ايه انت طلعت فوق ملقتهاش نزلت تدور عليها عندي
جلال : هههههههه مين اللي قالك
كانت مديحه قايمه
راوية : خلاص بقى يامديحه اقعدي اهو جوزك جه اهوه
يلا ورايا على المطبخ
جلال : مطبخ ايه
ازيك يامديحه
مديحه : الحمد لله
راوية : هنتعشا مع بعض اهو بدل م اكل لوحدي
جلال : وانا موافق..
وقعد جلال ومسك ايد مديحه علشان تقعد
راوية : هههههههه بقى كده ماشي
هدخل انا اعمل الاكل
مديحه : استنى ياراوية انا جايه معاكي
راوية : هههههههه يااختي اقعدي
هو انا هطبخ دا انا هعمل لقمه خفيفه كده
ودخلت راوية المطبخ
التليفون يرن..
مديحه : هدخل اساعد راوية
جلال : طيب
مديحه : ايه مالك
جلال : مفيش حاجه متقلقيش
دا مجرد إجهاد بسبب الشغل
التليفون يرن مرة تانيه
مديحه : الف سلامة عليك ياحبيبي
هدخل لراوية اساعدها علشان تتعشا وتطلع تريح فوق
هز جلال دماغه واخد الريموت يشغل التليفزيون
اخدت مديحه التليفون ودخلت لراوية المطبخ
مديحه : تليفونك مبطلش رن
راوية : جيتي برضو
طيب قلبي البطاطس اما اشوف مين اللي بيتصل
راوية : وعليكم السلام
فادي : ازيك ياماما اخبارك ايه
راوية : الحمد لله...
فادي : عارف إن حضرتك زعلانه مني.. بس هي اللي نرفزتني ياماما
راوية : اللي هي مين بقى
مراتك ولا اختك
فادي : أميرة ياماما
راوية : مالها بقى أميرة
فادي : يعني علشان الحوار بتاع الواد ده
راوية : سيبك من الحوار اللي بتتكلم عنه ده
وقولي لو حتى اختك غلطانه دا يديك الحق إنك تمد ايدك عليها
فادي : ماهي اللي عايزة ترتبط بواحد ميشرفش أي بيت يدخله ياماما
وانا بقى مكان بابا... ﷲ يرحمه
ومش هسمحلها انها تهين العيله بجوازه زي دي
راوية : متجيبش سيرة ابوك على لسانك.
علشان كان راجل عمره م مد ايده عليك ولا على اختك
ولو كان عايش مكانش هيسمحلك تعمل اللي عملته ده
فادي : يعني انا مش راجل ياماما؟!
راوية : لا مش راجل يافادي
اللي يمد ايده على أخته ميبقاش راجل
فادي : محتاجه مني حاجه ياماما
راوية : لا ياحبيبي هعوز منك ايه
مع السلامة يافادي
فادي : سلام
وقفل فادي التليفون
مديحه : ملكيش حق ياراوية
طالما حس بغلطته يبقى كنتي تهدي كده وانتي بتكلميه
اكيد هو ندمان دلوقت
راوية : ندمان ايه بس يامديحه
الواد دا معرفش ايه اللي جرا له
مديحه : معلش بكره يتصالحوا
مش هيهون عليه زعل اخته برضو
راوية : هاتي الطبق دا وتعالى
جلال شكله نام ولا ايه
وخرجت راوية من المطبخ
تتفاجئ ب جلال نايم والتليفزيون شغال
راوية : شوفتي مش قولتلك اهو جوزك نام بجد
مديحه : أصله جاي تعبان من الشغل ياحبيبي
راوية : طب قوميه بقى يتعشا ويطلع ينام
___________