الحلقة ١٢
#رسالة_من_مجهول
#بوسى_مصطفى
_____________________
في شقة راوية
راوية : ياابراهيم م انا قولتلك قبل كده أميرة ااا
يقاطعها ابراهيم : ايه ياراويه عايزة تكسري قلب ابني
م تقول حاجه يانبيل
نبيل : اقول ايه بس يابابا
ابراهيم :"مش انت ياابني بقالك سنه كل يوم تزن عليه اروح اكلم عمتك
ايه واكل سد الحنك دلوقت
نبيل : ما عمتي مش موافقه يابابا
راويه : ياحبيبي دا اجهزهالك واوديها لحد بيتك كمان
بس يانبيل انت عارف أميرة
مبتفكرش في الموضوع دا دلوقت
ابراهيم : امال اللي جه ده كان جاي ليه ياراوية
قولي انك مستخسراها في ابني
راوية : انا ياابراهيم؟
ابراهيم : امال ايه بقى؟؟
راويه : حاضر هكلم أميرة الاجازة دي
اهي جايه بكره هتكلم معاها واشوف رأيها ايه
ابراهيم : طيب هقوم انا
اشوف مصالحي
وقام نبيل مع باباه
يشاورله ابراهيم علشان يقعد
ويخرج ابراهيم من الشقة وهو نازل ع السلم يتصل ب نبيل
نبيل : نعم يابابا
ابراهيم : قوم وكلمني من البلكونه
استأذن نبيل من عمته وقام يتكلم في البلكونه
ابراهيم : اسمع انت تفضل قاعد شويه كده مع عمتك
وحاول تبقى تفتح معاها مواضيع كتير
انا عايزك متمشيش قبل م تحس إنك خلاص دخلت دماغها
علشان هي متردده ودا حقها
حاول تخليها تقتنع بيك علشان تقدر تقنع بنتها
نبيل : بس يابابا الموضوع صعب بعد م الواد دا اتقدملها
ابراهيم : مفيش حاجه مستحيله بالعكس حكاية الواد دا تتخليها تخاف تجوز بنتها بره العيله او ع الاقل هتفكر تجوزها لحد تعرفه وتكون كمان بنتها قريبه منها
فأنت بقى وريني شطارتك ماشي
نبيل : حاضر يابابا
ابراهيم : خلاص اقفل وروح اقعد مع عمتك علشان متزعلش سلام
نبيل : مع السلامة يابابا
______________________
في الوحدة البيطرية
كان سيف هناك بياخد أوراقه بعد قرار الفصل اللي أخده
زمايله متجمعين عند مكتب زميلهم اللي سيف كان ضربه
واحد منهم : اهو هيغور في داهيه
متزعلش بقى.. حقك رجعلك
الشاب اللي اتضرب : نفسي اخد حقي منه بس بطريقة تانيه
زميله : سيبك منه كفايه إنه اتفصل من الشغل
دا أكبر عقاب ليه
الشاب : ياعم م يتفصل ولا يغور في داهيه
ع اساس إننا بنقبض هنا فلوس يعني
ماهى كلها قرف..
سيف اخد الشنطه اللي فيها أوراقه وخارج من المكتب
سيف : اشوف وشكم بخير يادكاتره
الشاب بسخريه : متقطعش الجوابات وابقى طمنا عليك لما تلاقي شغل
خرج سيف وهو مضايق
ركب العربية بتاعته
ولسه بيدوس بنزين.. التليفون يرن
سيف : وعليكم السلام ورحمة ﷲ
... : هههههههه طبعا نسيتني
عارف انا كنت بقلب في أرقام اصحابي بتوع زمان وجه رقمك معايا بالصدفه
ازيك ياسيف
سيف : الحمد لله.. بس ممكن مين حضرتك
... : حضرتي! هههههههه
انا سامح يله.. ايه نسيتني
سيف بغضب : يله!
سامح : هههههههه يادكتور سيف ولا تزعل ياعم
قولي انت عامل ايه
سيف : سامح مين.. معلش انا مش فاكرك
سامح : يانهار... معقوله
ايه ياابني جالك زهايمر ولا ايه
سامح جمال دفعة ألفين وعشرة
تاني بنش اللي هو عند الباب ع طول.. دا مكاني اللي كنت بحجزه ليه وليك
سامح بتاع إسكندرية يله
هههههههههههههههههه
هتموتني بغبائك ده
سيف : هههههههههههه انت رجعت من السعوديه امتى
سامح :"اهلا انت وصلت ههههههههههه
سيف : هههههههه اصل انت جيتلي في وقت يلا
الحمد لله
سامح : الحمد لله... شكلك تعبان
سيف : يعني مش اوي
بس ايه اللي فكرك بيه ياندل
دا انت من وقت م سافرت السعودية واتقطعت اخبارك
ومفكرتش حتى ترن عليه
سامح : معلش ياحبيبي الدنيا تلاهي
والغربه دي توهتنا.. حقك عليه
سيف : وايه بقى اللى فكرك بيه
سامح : هههههههه اصل عقبال عندك هتجوز
ولا عملتها قبلي
سيف : ألف مبروك.. لا لسه مدخلناش القفص هههههههه
سامح : بكره تدخله
قولي اخبارك ايه
سيف : الحمد لله... تمام
سامح : تشرفني بقى الخميس الجاي... اوك
مش عايز اي أعذار
دا انا ماصدقت لاقيت رقمك عندي
سيف : حاضر ياعم والف مبروك مرة تانيه
العنوان بقى
سامح : ثواني هبعتلك العنوان
دا رقم الواتساب بتاعك مش كده
سيف : اه هو
سامح : اه لاقيته.. ثواني بقى هبعتلك العنوان بالتفصيل علشان متوهش
سيف : هههههههه اوك
سامح :"سلام بقى وهبقي اكلمك تاني
سيف : مع السلامة
___________
أنت تقرأ
رسالة من مجهول 📝💖
Genç Kız Edebiyatıرسالة من مجهول 🗒️ كادت أن تغير حياتي ولكن عائلتي كان لها رأي آخر 😔
