رسالة من مجهول 📝💖

الحلقة ١٣

الحلقة ١٣
#رسالة_من_مجهول
#بوسى_مصطفى
________________

في احد محلات القماش اللي بيديرها إبراهيم

ابراهيم : عد فلوسك تاني ياشكري قبل م تخرج من عندي
شكري : عدتهم ياابراهيم وبعدين يااخي احنا اخوات
واكيد في بينا ثقه يعني
جرالك ايه ياابراهيم
ابراهيم : اختك بتتقل علينا ياشكري
ومش عايزة تديني كلمة في الموضوع اللي كلمتها فيه
شكري : لو قصدك ع موضوع أميرة ونبيل يعني
فأطمن راويه اكيد هتوافق
ابراهيم : المهم بنتها ياشكري
شكري : يا عم متقلقش وانا روحت فين يعني
احنا عايزين نوفق راسين في الحلال
وبيني وبينك كده احسن علشان الواد يبعد عنها
ابراهيم : هو لسه بيشاغلها ولا ايه
شكري : لا أميرة مؤدبه وبتسمع كلام مامتها وطالما راوية نهيت الموضوع ف اميرة عمرها متكسر كلمة لمامتها ابدا
ابراهيم : انا بقول هي أولى ب نبيل ونبيل أولى بيها. هيحطها في عنيه بدل م تتجوز بعيد عننا
شكري : بس ابنك يهدي شويه ياابراهيم ويبطل العصبيه بتاعته دي
ابراهيم : اديني بحاول ياشكري
قولي هو جلال اخباره ايه
شكري : كويس لسه شايفه وانا جاي كان نازل جرى هو ومراته وراوية اختك
ابراهيم : خير في حاجه ولا ايه
شكري : بيقولي عم مراته تعبان في المستشفى واخد مراته واختك وراحوا يزروه
ابراهيم : فين في الزقازيق
شكري : لا المستشفى في مصر
نبقى نروح في اي يوم بس استنى اما اخد اجازة من الشغل
ابراهيم : واجب برضو
شكري : يسرا كويسه
ابراهيم : الحمد لله
شكري : طيب هتحتاج مني حاجه
ابراهيم : سلامتك ياحبيبي
م تقعد شويه انا نص ساعة وهقفل
شكري : معلش اصل رفيف ونعمه نزلوا يشتروا شوية حاجات وعايز الحقهم بقى
ابراهيم : طب خد بالك من فلوسك ومتمشيش وسط الزحمه
شكري :"هههههههههههه حاضر
ابراهيم : بتضحك ع ايه
شكري : اصلك بتكلمني كأني عيل صغير
ابراهيم : يااخويه م انا اهوه معلم واتسرقت.. فاكر
شكري : دا كان حتة يوم
بالحق انت شوفت الواد دا تاني
ابراهيم : لا.. الواد زي م يكون فص ملح وداب
اخد الفلوس وقال يافكيك
بس هيروح مني فين
مسيري اعتر فيه
شكري : ياااه ياابراهيم انت لسه منستش
ابراهيم : محدش بينسى حقه ياشكري
شكري : عندك حق.. سلام انا بقى
ابراهيم : مع السلامة
_____________

في المدينة الجامعيه
زينه بتتكلم في التليفون
زينه : معلش مش هينفع نتكلم مع بعض
دا كان اتفاق ماشي وانت وافقت عليه
هيثم :"يعني قدامي شهر ونص علشان بس اعرف اكلمك
زينه : مش انت وافقت خلاص بقى متفضلش تزن فوق دماغي كتير
هيثم : هههههههه حاضر يااستاذة
زينه : عايزة أسألك سؤال قبل م تقفل
هيثم : عيوني... اتفضلي
زينه بحرج : هو يمكن يكون سؤال غلس شويه
بس مهم بالنسبالي اوي علشان دا يخص واحده صاحبتي
هيثم : مفيش نصيب يازينه
زينه : يعني انت فهمت انا كنت عايزة اسأل عن ايه
هيثم : مش محتاجه ذكاء يعني
وبعدين هي صاحبتك مقالتلكيش
زينه : هي قالت برضو كل شيء نصيب
وانا عارفه دا بس اكيد في سبب
هيثم : بتحبه صح
زينه : بصراحه ايوه
هيثم : خلاص يازينه
هتحتاجي مني حاجه
زينه : لأ سلامتك
هيثم : َ مع السلامة
زينه بعد م قفلت مع هيثم : انا بقى متأكده إن في حاجه
وحاجه كبيرة كمان