فصليتي ضابطة الجزء الثاني (٢)

البارت الثالث من الجزء الثاني

خابرت توني واعتذرت منة لان مارحت للمطعم وكتله السبب لان مااضم عنة شي وصدمني جوابة
توني .. اوك اذا عالموعد عادي حبيبتي بس اعتقد صكر غار عليج
نيلوفر .. مستحيل اصلا اني ويا دائما مناكر عبالك الفارة والبزون وهوة دائما يضوجني ويأذيني ويسمعني كلام جارح ولو صدك يحبني المحب ميأذي محبوبة وحتة لو صدك وحبني اني انخنت مرتين كلبي ميتحمل صدمات خليني عايشة لبنتي عالاقل
توني .. يا حبيبتي مو كل اصابعج سوة وإذا يأذيج يجوز غير قصد او هذا طبعة او حتى من غيرتة فكري بالموضوع لتفسرين تصرفاتة من كيفج ولتحكمين عالشخص من الخارج
نيلوفر .. اووف توني مراح تفهمني
توني .. نيلوف واللة فاهمج بس مااعرف شنو تفكيرج
نيلوفر .. اللة كريم
توني .. ونعم بالله اليوم عازمج مرة اللخ عالعشة الساعة ب ٩ اريدج جاهزة وماكو اي اعذار ولخاطري حاولي تتجنبين صكر
نيلوفر .. اوك باي
توني .. بايات
نيلوفر .. كعدت عالتخم واتصفح انستكرام اجت يمي مروة .. عود صدك نيلوف هم اكو صاكين بالمقر  وتغمز
نيلوفر .. باللة انتي شجاوبج هسة اني محتارة بضيمي وانتي ادورين صاكين بس واللة بيج بوكس آلة اطيرلج عينج
مروة .. لا دخيلج كلشي ولا بوكساتج وراية كلية اروح مزوركة
نيلوفر .. لعد انجبي واسكتي اذا مو كد الحجي
لتحجين 😌
مروة .. هف واللة ضايجة اكول صدك ماكو طلعة منا منا
نيلوفر .. واللة اكو واليوم هم
مروة .. صدك والله وماتكوليلي ايا حقيرة
نيلوفر .. انجبي مو كتلج
مروة .. عكبيش لمن اني اكتشفت
نيلوفر .. لا واللة انتي صدك جلدج يحكج ترديلج خبزة
مروة .. هف ولا تتحملين شقة
كرم .. هاي شكو شبيجن حسدتجن البارحة نايم واكول هنيالهن ولا متعاركات واني كليوم متعارك وي واحد
سما .. هوة انتة اكو شي محطيت عينك عليه ذاك اليوم الشسوار مالتي يكلي واللة زين صارلة هواي عندج اني شهر مطول عندي ثاني يوم لكيتة محترك
كرم .. اصلا هوة عاوي بس انكسر شسواري وادري بيج نحسة فصبغت بيج شوية وانتي مقصرتي بسرعة انطيتينياه 😂
مروة .. حاجتك يم الكلب قلو يسيدي 😅
نيلوفر ... هههههههه 😂 . مروة كالت هيج لو مانشوف آلة سما طافرة عليهة وتسحل بشعرهة وتخرمش بيهة وصارتلك دك ملاطم 😂 كرم ميدخل بحكم هنة بنات بيناتهن وبس يضحك ويكول ( السبع يطلع دم ) عاد اني هنا متحملت ضحكت بس كلت لازم ادخل بس شلون تذكرت سلاحي بالحزام سحبتة وطلقت طلقة بالسكف هنة كمزن وسما صيحت يباااو كرم ماتحمل نام بالكاع من الضحك على صوت الطلقة اجو مراد والشيخ والحجية وصكوري ( ها سالمين ست نيلوفر )
طبعا شكل مروة وسما فضيحة كل وحدة كفشتهة شكبرهة ومروة دشداشتهة مشكوكة من كتفهة ولازمتهة بيدهة بس سما ممبين عليهة شي بس شعرهة مكفش
مروة من شافت ابوها راحت شبكتة وتبجي كرم بطل ضحك والحجية تمسح على راس مروة وتكلهة ييمة مو كتلج عوفيهة
مراد .. شكو شصاير شبيجن عبالك طالعات من معركة
سما راحت شبكته وسوت نفسا تبجي من شبكته رأسن باوعلي اني درت وجهي بعدم اهتمام
الشيخ .. شكو بنيتي شصاير فهميني كافي بجي تعالي غسليلهة بنتي نيلوفر
نيلوفر .. اوك شيخ ادلل ورحت اخذت مروة وغسلتلهة وجهة وطلعتلهة دشداشة لخ بدلت وطلعت من غرفتهة
مروة .. والله مااسكتلهة هالصاقطة هاي
نيلوفر .. علكيفج حبي ولتنسين انتي هم جرحتيهة بكلامج وفشلتيهة كدامنا وهية بس شاركت بالكلام
مروة .. وهذا مينطيهة الحق تمد ايدهة علية
نزلنة لكيناهم كاعدين بالصالة عالتخم ويتناقشون
الشيخ .. ياللة احجو شنو السبب علمود اتمالختن
سما .. شيخ واللة هية تكول عني جلبه حشى السامع
الشيخ .. ليش هو انتي خليتي حشمة الواحد هذا تصرف وحدة متزوجة تجين تشكيلي اخذلج حقج من حلك السبع
بس انتي اتهجمتي عليهة ولوما نيلوفر  وقفتجن جان كتلتي بنتي وماكلج بنتي موغلطانة بس انتي ضيعتي الحق وراحت عليج
نيلوفر .. شيخ ترة والله لوما سلاحي جان هم نخبزت
الشيخ .. ادري بوية ادري نسوان بيتي واعرفهن وحافضهن بس ماادري شنو الحل اني شيخ احل مشاكل الناس ومشكلتي عاجز عن حلهة
مراد .. السموحة منك شيخ واعتذر عن تصرف مرتي وانشاء الله ميتكرر
الشيخ .. شبعت من هذا الحجي مااريد مايتكرر وماعرف شنو اريد حل
مراد .. اي يابوية غير شكم مرة ردت اعزل بس امي اللة يرضة عليهة ماتقبل شسوي ماتكلي شسوي واللة حتة اني مليت من سما وطلايبهة ...........يتبع

خلص البارت واعرف مقصرة بس والله هذا الكدرت عليه انشاء الله اعوضكم وانطيكم وقت محدد للنشر بس عندي طلب انطوني اسماء قصص حلوة وانتم قاريهة يعني تنصحوني بيهة . لاتنسوون التصويت على البارت وباي عدد الكلمات ٦٦٥كلمة

I LOVE