رسالة من مجهول 📝💖

الحلقة ١٥

الحلقة ١٥
#رسالة_من_مجهول
#بوسى_مصطفى
________________

في التليفون 📞

راوية : بكره الصبح اختك تكون في البيت
فادي : بكره ازاي بس ياماما
امال كنا جايين هنا ليه
راوية : هات اختك وابقى ارجع تاني
فادي : ماما أميرة بتدلع دا غير إنها اصلا جابتنا هنا علشان تقابل الواد ده
راوية : أخرس خالص متتكلمش ع اختك كده
انا عارفة مربيه بنتي على ايه
وعمرها م تعمل حاجه زي دي
بكره تجيب اختك وتيجي
فادي :"حاضر ياماما
راوية : هاتلي اختك
فادي : أميرة... اميراااا
راوية : دخلها التليفون وأخرج
فادي : حاضر ياماما في حاجه تانيه
راوية : متكملهاش خالص ولا تيجي ناحيتها
ولو عرفت يافادي انك لمستها بس
مش هقولك انا هعمل ايه
فادي بيخبط ويدخل
فادي بضيق :" اتفضلي ماما عايزة تكلمك
وترك التليفون ع السرير وخرج
أميرة :" وعليكم السلام
راوية : أميرة انا قولت ل فادي
انكو تيجوا مع بعض بكره
أميرة : مستحيل اجي معاه
راوية : أميرة اسمعي الكلام يابنتي
ولو ليكي حق انا هجبهولك
أميرة : حضرتك ياماما مش عارفه هو عمل ايه
راوية :" حسابي معاه لما اشوفه المهم تنامي وتستريحي والصبح هتسافروا خددي بالك من نفسك يابنتي
أميرة : حاضر ياماما
راوية : تصبحي على خير يابنتي
__________

في التليفون 📞

سونيا : مشوفتش تربية
للأسف
حد يكلم مامته بالأسلوب الوقح ده
سيف : معلش ملقتش أم تربيني للأسف
امي رمتني وانا طفل صغير وراحت تعيش حياتها
بالطريقة اللي تعجبها
سونيا : باباك بقى اللى قالك الكلام دا
سيف : عمري م شوفت منك حنيه
انا بتعاير بيكي... عارفه يعني ايه بيعايروني بيكي
سونيا : أخرس يافاشل
بيعايروك بيه ليه
بعمل ايه غلط.. دا شغلي مبعملش حاجه غلط
سيف : فاشل!
سونيا : ايوه فاشل وهتفضل طول عمرك فاشل
مش بالشهادة ياحبيبي
قولي عملتلك ايه الشهادة
م انت قاعد اهوه عاطل مش لاقي شغل
سيف : انا بقيت عاطل بسببك انتي
سونيا : محدش قالك تضرب حد علشاني
واللي كانوا بيتفرجوا على الفيديو دا
لو مكنوش مبسوطين مش هيتفرجوا
سيف : انا مش عارف اقولك ايه
بس الصدمه دي مش جديدة عليه
انا اتعودت عليها من زمان
سونيا : خليك جنب ابوك علشان تبقى نسخه منه
سيف : ياريت ابقى زي بابا
أب يشرف بجد
سونيا : خلاص محدش قالك تكلمني
وفلوسي ياسيف مش هتطول منها مليم
سيف : فلوسك!
ليه هو حضرتك فاكره اني هقبل قرش واحد من فلوسك
انا تربية ابويه
سونيا : وخير م ربي
بلطجي وقليل الأدب وميعرفش يحترم اللي اكبر منه
سيف : هو حضرتك متعرفيش حاجه عن الامومة غير الكلمتين دول
طيب انا هقفل بقى علشان خلاص مبقتش اتحمل اسلوبك اكتر من كده
سونيا : في ستين داهيه
وقفلت سونيا التليفون وحدفته ع الكرسي اللي جنبها
كان حمدي بيقفل باب الشقة بعد م دخل
حمدي : ايه ياحبيبتي مالك
سونيا وهي بتحرك رجلها بعصبيه وبتقرقض في صوابع ايدها : مفيش
حمدي : ليه هو مش عارفك ولا ايه
قوليلي حدفتي التليفون بالشكل دا ليه
سونيا : الواد ابني اللي مترباش
حمدي بتنهيده : ماله
سونيا : متصل يسممني بكلام
ملوش لازمه
حمدي : اتجنن دا ولا ايه
سونيا : حاسه إن باباه مسلطه عليه
حمدي : ياحبيبتي طنشي متعرفيش تطنشي
غيري الرقم بتاعك وريحي نفسك
سونيا : الولد دا جاحد اوي معرفش جاب قسوة القلب دي منين
حمدي : في ايه يتاكل ولا انزل اشتري اكل
سونيا بغضب : انا في ايه ولا في ايه يااخي
حمدي : مالك بس ياحبيبتي م انا بقولك طنشي
انتي اللي مصره تتعبي أعصابك بالتفكير في الموضوع التافه ده
سونيا : انت شايف إنه موضوع تافه؟؟!
حمدي : ايوه ياحبيبتي
وبعدين ايه اللي انتي لابساه دا
انتي تدخلي تغيري هدومك وتلبسي حاجه كده لزوم السهر والفرفشه وتشغللنا حاجه نرقص ونهيص عليها
وارمي كل اللي يضايقك ورا ضهرك
سونيا : تصدق معاك حق
انا افرفش واتبسط احسن من وجع القلب والتفكير اللي هيموتني دا
يبوس ايدها : بعد الشر عليكي يا حبيبتي
انا هنزل اجيب اكل من تحت تكوني ظبطي القعدة وفرفشتيها ها...
يغمزلها وهو بيضحك وهي كمان تضحك
سونيا : هههههههههههه مش عارفه كنت هعمل ايه لو انت مش موجود في حياتي ياميدو
حمدي : ميدو طالعه من بوقك شهد ياحبيبتي
سونيا : هتفضل تحبني ع طول كده ياحبيبي
حمدي : هفضل احبك لحد اخر نفس في حياتي ياحياتي
سونيا : بعد الشر عليك يا حبيبي
انت اللي مهون عليه كل التعب اللي بشوفه في حياتي
حمدي : طب انا نازل اهوه في السريع اجي بقى الاقي كله تمام
سلام ياروحي هتوحشيني الكام دقيقة دول
لحد م ارجعلك
_________________