فصليتي ضابطة الجزء الثاني (٢)

البارت السادس من الجزء الثاني

شفتهة اي شفتهة بنتي وحبيبت كلبي ميار
ميار .. ماما واجت عليه حضنتني كل عام وانتي بخير
نيلوفر .. حضنتهة بس من كالتلي هيج اول شي استغربت بس بعدين تذكرت انو اليوم عيد ميلادي وهالحفلة علمودي
نيلوفر .. يعمري وانتي بالف خير وبستهة من خدهة والتفتت لجاد حضنتة بكل قوتي لان شما اسويله مااجازي يفكر بيه قبل ليفكر بنفسة
ميار سلمت على التعرفهم اصدقاءي هية شايفتهم هواي لان جانو هناك بتركيا ويانة وتعرف مروة وتحبهة سلمت عليهة وشايفه كرم وحاجية ويا بس ناسية اسمة بس هوة حضنهة وباسهة وكالهة انتي بنت الغالية هية ضحكتلة وذكرت اسمة بقة بس صكر وعمار عمار شايفهة بالصور هواي وصكر اعتقد مرة وحدي شايفهة بصورة فهي استغربت وظلت صافنة عليهم بعدين عبرت عمار وراحت لصكر حضنتة لتستغربون هية سلامهة الحضن يعني تروح للواحد تشبكة فهوة بادلهة وابتسم وباسهة من كصتهة وباوعلي اني باوعتلة شفت عمار تقدم الهم وحضن ميار وضل يبوسهة فهي انزعجت منة دفنت راسهة  بحضن صكر هوة ابتسم على حركتهة وكال لعمار
صكر .. ترة زعجتهة
عمار .. لازم تتعود علية لان بالمستقبل اني ابوهة  . ردت احجي بس ميار سبقتني لان هية
لسانهة كلش طويل وكحة خوالهة مدلليهة كلش خو جان مخبلهة كالتلة
ميار .. ومنو اكلك اني اقبل انت تصير ابوية 
عمار ... بس اني راح ادللج واعيشج اميرة
ميار .. شكرا الك بس خوالي ممقصرين
نيلوفر .. عمار اني شكم مرة كتلك سد الموضوع
جاد .. اثنينكم سدو الموضوع يلة نحتفل لتنسين اليوم عيد ميلادج واجة حضني
جااد .. كل عام وانتي بالف الف خير يعمري وباسني بكصتي
نيلوفر .. وانت بالف خير كلبي . اجة ياسر طبعا ياسر جريء وميستحي منعدنة ابد
ياسر .. كل عام وانتي بخير وعقبال الف سنة وحضني وباسني من راسي
نيلوفر .. وانت بخير يعمري
واجو الباقي ومروة هم حضنتني وكرم استحة يحضني اول شي بس بعدين حضني وباسني من راسي وربت على ضهري
وعمار هناني وحضني هم بس شنو على اعصابي راد يبوسني بخدي لفت وجهي ورحت كلتلة حبدل الفستان وصدك لبس الفستان الاخضر وغيرت شوية من الميكب وطلعت لاكاني صكر
صكر .. كل عام وانتي بخير وصافحني وباسني براسي انتابني شعور غريب
نيلوفر .. وانت بالف خير . ورجعت يمهم طبعا ميار كاعدة يمي وكلساع تبوسني وتكلي طالعة اميرة وابتسملهة جاب جاد الكيكة جبيرة وعليهة صورتي ومكتوب كل عام وانتي بخير نونة
جاد .. شنو رأيج بالكيكة
نيلوفر .. حبيبي فديت ذوقك تجنن والله
جاد .. يكلبي تستاهلين كل الخير
غنولي وصفكولي وتمنيت امنية انو اللة يوفقني بالقضية باجر ويساعدني بكشف عمار ونفخت الشموع على شكل ٢٦ اي صار عمري لتستغربون قطعت الكيكة ووكلت اول شي جاد وبعدين ياسر  طبعا الي اوكله يرجع يقربهة الي وكلت عمار على اعصابي وبوجه جامد حتة مبتسمت وهوة شاك حلكة علكبرة ووكلت مروة وكرم من وكلته كرصني من خدي وقرب القطعة الي وبسرعة اكلهة والكل ضحك بس كالعادة تلاثة ضاجو او غارو بس صكر  مااعرف ليش بس يتأفأف وعمار باعتبار حبيبي اوي عابتله وياسر هوة معروف بغيرتة حتة من توني يغار
وكلت  صكر ضل كل مااريد ابعدهة ياكل اكثر
نيلوفر .. ادري عندك شلل  متعرف تاكل هاك انت اكل
صكر .. اسم الله عليه وبعدين من وكلتي ذول كلهم متعبتي اجيتي يمي تعبتي ها لو لان تدرين بيه ماانطي مجال
نيلوفر .. غير يسكت توم كروز وبعدين كلمن يرى الناس بعين طبعة اذا انت تشوفني هيج فهاذي مشكلتك طبعا أحنة نتهامس بالحجي يعني منحجي بصوت عالي والكل ملتهي ممنتبهين علينة
صكر .. والله لربيج من اول وجديد
نيلوفر .. شكرا خلي تربيتك الك لان تفيدك بالمستقبل وغمزتله وابتسمت ومشيت من يمة كعدت وضلينة  نسولف اني ومروة وطبعا ميار كاعدة يم صكر وهذا الشي مضوج استاذ عمار هواي بحيث ضال بس يدور حولهم
شفته تقدم بأتجاهي
عمار .. نيلوفر ممكن كلمة
نيلوفر .. اوك لحضة من رخصتك مروش
مروة .. براحتج حبي
نيلوفر .. اتفضل
عمار .. نيلوفر من الاخير شعندج وي صكر
نيلوفر .. نعم ! انت تعرف بنفسك شدتحجي
عمار .. اي اعرف وكلش زين هم قبل اشويه اتغمزيلة وتضحكين
نيلوفر .. هاذي الحركات عفوية مو مثل الي ببالك يعني مسويتهة وي الكل وبعدين ترة هوة ابن خالتي
عمار .. اي كلبي ادري هوة يقربج بس اني اغار عليج من الهوة ومااتحمل احد يباوعلج
نيلوفر .. اوك تسلم من رخصتك ارجع يم مروة عفته ورحت حتة مسمعت ردة اووف شكد كارهتة ولعبانه نفسي منة رحت للمغاسل غسلت ادية وضليت اهفي عله وجهي احس الحرارة تطلع منة نشفت ادية  وطوخت الحمرة حمرة ولبست الفستان الماروني  وطلعت من المغاسل ورجعت يمهم   .
لؤي .. اكول يله خل نركص
نيلوفر .. براحتكم اني راح اكعد بس ياسر يمي همست يمة
نيلوفر .. ياسر ادري بيهم حيعاندون فدوة انت اركص وياي ولتخلي عمار يقربلي ولتخليني قريبه يمنة لان ادري حيتبادلون بالرقصات يعني كل شوية واحد ينطيهة لواحد لخ
ياسر .. اوك حبيبتي بس لازم اعرف السبب
نيلوفر .. اللة كريم
لؤي .. مستحيل اصلا هي الحفله علمودج شلون متركصين يلة كدامي .
ياسر .. اني راح اخليهة تركص وركع ومدلي ايدة وابتسم خليت ايدي بايدة
نيلوفر .. لعد الشباب ويامن حيركصون
ياسر .. هههههههه واحد ويه الثاني . لا وصو على شكم بنيه
نيلوفر .. على عددهم
ياسر .. واثنين مااعرف تلاثه زيادة
نيلوفر .. ومنو كللكم اقبل
ياسر .. اسءلي حبيبج
نيلوفر .. عاا ومنو حبيبي
ياسر ... هههههههه هاي شبيج بابا غير عمار
نيلوفر .. سكتت عنة مجاوبت لان اول وتالي يعرف  هوة لازم ايدي وواكفين انفتحت باب الاسانسير ( المصعد للي ميعرفة ) ودخلن بنات لبسهن فضيحة فضيحة والمكياج حاطات كيلوات والكعب والعلج  واشكالهن تقزز صراحة باوعت على مروة فاتحة عيونهة على وسعهم طبعا هية كاعدة على الطاولة عزموهة على الرقص بس رفضت ...

خلص البارت لاتنسوون التصوويت طبعا النشر هالايام يومي لحد مانشوف يمتة الدوامات ادور تلتهون عني ومدورون بارتات 😂😂 ههههه لاكلبي اشاقة واللة بس بالدوام يتغيير وقت النشر يجوز يصير كل جمعة لان اني سادس اعدادي  ويالله ملحكة واللة . صوتوو بااي