#بارت٥
ﺍﻟﻨﻘﻴﺐ ﺍﺑﻮ ﺩﺭﻉ ﻭﺍﻟﻘﺎﺻﺮ
ﻟﺠﻴﻦ، ،ﺩﺧﻠﺖ ﻭﺭﺍﻩ ﻭﺍﻧﻲ ﻻﺯﻣﻪ ﮔﻠﺒﻲ ﻳﺮﺑﻲ ﺻﺪﮒ ﺍﻟﻤﺎﻋﺪﻫﺎ ﺍﻫﻞ ﺫﻟﻴﻠﻪ ﺗﺼﻴﺮ
ﻭﺍﻟﻠﻪ ﺍﺗﻤﻨﻴﺖ ﺑﺴﺎﻋﺘﻬﺎ ﻣﺎﺳﺎﻣﻌﻪ ﻛﻼﻡ ﺍﻣﻲ ﻭﺭﺍﻳﺤﻪ ﺍﻟﺒﻴﺖ ﺧﺎﻟﻲ ﺍﺗﻤﻨﻴﺖ ﺍﺗﻮﺳﺪ ﻳﻤﻬﻢ ﺑﺎﻟﮕﺒﻮﺭ ﺍﺣﺴﻦ ﻭﺍﺷﺮﻑ ﺍﻟﻒ ﻣﺮﺓ ﻣﻦ ﻫﻠﻌﻴﺸﻪ
ﻋﻠﻲ،،ﺍﺗﻔﺎﺟﺌﺖ ﺑﻮﺟﻮﺩ ﺷﻴﻤﺎﺀ ﺑﺎﻟﺒﻴﺖ ﻧﻀﺮﺍﺕ ﺍﻻﺳﺘﻔﻬﺎﻡ ﻣﺒﻴﻨﻪ ﺑﻮﺟﻬﺎ
ﺣﺘﺊ ﺍﻣﻲ ﺍﺷﺮﺗﻠﻲ ﺑﻌﻴﻮﻧﻬﺎ ﺑﻤﻌﻨﺊ ﻣﻨﻮ ﻫﺎﻱ ?
ﺣﺠﻴﻪ ﺟﺒﺘﻠﺞ ﺿﻴﻔﻪ ﻭﻳﺎﻱ
ﺍﻡ ﺣﺴﻴﻦ، ،ﻫﻠﻪ ﺑﺎﻟﻀﻴﻔﻪ ﺍﻟﺒﻴﺖ ﺑﻴﺘﻬﺎ ﻭﺍﻟﻮﻫﺎﺩ ﺍﻟﻨﻪ ( ﺍﻟﺸﺎﺭﻉ )
ﻋﻠﻲ،،ﻣﺎﺗﻘﺼﺮﻳﻦ ﺣﺠﻴﻪ ﺍﻧﻲ ﻫﺴﻪ ﺗﻌﺒﺎﻥ ﺭﺍﺡ ﺍﺩﺧﻞ ﺍﺳﺒﺢ ﻭﺍﻧﺎﻡ ﺑﻠﻴﻞ ﻧﺤﺠﻲ
ﻟﺠﻴﻦ،،ﺍﻟﻤﺮﺓ ﻋﺮﻓﺘﻬﺎ ﺍﻣﻪ ﻭﺍﻟﺜﺎﻧﻴﻪ ﻣﺎﺍﻋﺮﻓﻬﺎ ﺑﺲ ﻋﻴﻮﻧﻬﺎ ﺗﺘﻔﺤﺼﻨﻲ ﻣﻦ ﻓﻮﮒ ﻟﺠﻮﺓ ﻣﻦ ﺭﺍﺡ ﺍﻟﻨﻘﻴﺐ ﺭﺍﺣﺖ ﻭﺭﺍﻩ
ﻋﻠﻲ، ،ﺭﺩﺕ ﺍﺻﻌﺪ ﻟﻠﻐﺮﻓﻪ ﻟﺰﻣﺘﻨﻲ ﻣﻦ ﺍﻳﺪﻱ ﺷﻴﻤﺎﺀ
ﺷﻴﻤﺎﺀ،،ﺍﻧﺘﻀﺮ ﻋﻠﻲ ﻭﻳﻦ ﺭﺍﻳﺢ ﻗﺒﻞ ﻣﺘﻔﻬﻤﻨﻲ ﻣﻨﻮ ﻫﺎﻱ
ﻋﻠﻲ،،ﻣﻮ ﻣﺠﺒﻮﺭ ﺍﻓﻬﻤﺞ
ﺷﻴﻤﺎﺀ،،ﻣﻦ ﻳﻜﻮﻥ ﺍﺳﻤﻲ ﺑﻀﻬﺮ ﺟﻨﺴﻴﺘﻚ ﺗﻜﻮﻥ ﻣﺠﺒﻮﺭ ﺗﻔﻬﻤﻨﻲ ﺍﺳﺘﺎﺫ ﻋﻠﻲ
ﻋﻠﻲ،،ﮔﻠﺖ ﺗﻌﺒﺎﻥ ﻭﺍﺭﻳﺪ ﺍﻧﺎﻡ ﺍﺗﺮﻛﻲ ﺍﻟﻔﻀﻮﻝ ﻭﺍﻧﺘﻈﺮﻱ ﻟﻠﻴﻞ ﺗﺴﻤﻌﻴﻦ ﻛﻠﺸﻲ
ﻋﻔﺘﻬﺎ ﻭﺻﻌﺪﺕ ﻣﺎﻟﻲ ﺧﻠﮓ ﺍﻟﻜﻠﺸﻲ
ﺩﺧﻠﺖ ﻏﺮﻓﺘﻲ ﻛﻌﺪﺕ ﻉ ﺍﻟﺴﺮﻳﺮ ﺩﻧﻜﺖ ﻭﻟﺰﻣﺖ ﺭﺍﺳﻲ ﺑﺜﻨﻴﻦ ﺍﺩﻳﻪ
ﺩﻗﻴﻘﻪ ﻭﺍﻧﺪﮒ ﺍﻟﺒﺎﺏ ﻭﺩﺧﻠﺖ ﻧﺒﻊ ﺍﻟﺤﻨﺎﻥ ﻣﺴﺘﺤﻴﻞ ﺗﺘﺮﻛﻨﻲ ﺑﺤﺎﻟﻲ ﻗﺒﻞ ﻣﺎﺍﻛﺖ ﺍﻻﻭﻝ ﻭﺍﻟﺘﺎﻟﻲ
ﺍﻡ ﺣﺴﻴﻦ،،ﻳﻤﻪ ﺑﺮﻭﺡ ﺍﺑﻮﻙ ﻓﻬﻤﻨﻲ ﻣﻨﻲ ﻫﺎﻱ ﺍﻟﺒﻨﻴﻪ ﻭﺷﻌﻨﺪﻙ ﺟﺎﻳﺒﻬﺎ ﻭﻳﺎﻙ ﻭﺷﺒﻲ ﻭﺟﻬﺎ ﻫﻴﺞ ﻣﮕﻠﻮﺏ ??
ﻋﻠﻲ،،ﻳﻤﻪ ﻭﺍﻟﻴﺮﺣﻢ ﻭﺍﻟﺪﻳﺞ ﺗﻌﺒﺎﻥ ﻭﺍﻟﻠﻪ ﻭﺭﺍﺳﻲ ﻳﺮﻳﺪ ﻳﻨﻔﺠﺮ ﮔﺘﻠﺞ ﺑﻠﻴﻞ ﺍﻓﻬﻤﺞ
ﺍﻡ ﺣﺴﻴﻦ،،ﺻﺎﺭ ﻳﺒﻦ ﺑﻄﻨﻲ ﺍﻧﻪ ﻧﺎﺯﻟﻪ ﺑﺲ ﻛﻮﻥ ﻣﺎﻳﻄﻠﻊ ﺍﻟﺒﺎﻟﻲ ﺻﺤﻴﺢ
ﻋﻠﻲ،،ﺑﺎﻭﻋﺘﻠﻬﺎ ﺑﻄﺮﻑ ﻋﻴﻨﻲ ﻭﺭﺟﻌﺖ ﻟﺰﻣﺖ ﺭﺍﺳﻲ
ﻋﺎﻓﺘﻨﻲ ﻭﻃﻠﻌﺖ
ﺍﺧﺬﺕ ﻣﻼﺑﺲ ﻭﺩﺧﻠﺖ ﺳﺒﺤﺖ ﻭﻃﻠﻌﺖ ﺍﺗﻤﺪﺩﺕ ﻭﻣﻦ ﺍﻟﺘﻌﺐ ﻏﻔﻴﺖ
ﻟﺠﻴﻦ،،ﺍﻟﺒﻨﻴﻪ ﺍﻻﺳﻤﻬﺎ ﺷﻴﻤﺎﺀ ﻛﺎﻋﺪﺓ ﮔﺒﺎﻟﻲ ﻣﻜﺘﻔﻪ ﺍﺩﻳﻬﺎ ﻭﻋﻴﻮﻧﻬﺎ ﻣﺎﺷﺎﻟﺘﻬﻦ ﻣﻨﻲ ﺍﺑﺪ
ﺑﻌﺪﻫﺎ ﺍﺟﺖ ﺍﻟﻤﺮﺓ ﺍﻟﻜﺒﻴﺮﺓ ﻃﻠﺒﺖ ﻣﻨﻲ ﺍﺩﺧﻞ ﺍﺭﺗﺎﺡ ﺩﺧﻠﺘﻨﻲ ﺍﻟﻔﺮﻓﻪ ﺑﻴﻬﺎ ﻛﻨﺘﻮﺭ ﺍﺑﻮ ﺑﺎﺑﻴﻦ ﻭﺳﺮﻳﺮ ﺍﺑﻮ ﻧﻔﺮ
ﺍﻡ ﺣﺴﻴﻦ،،ﺍﺭﺗﺎﺣﻲ ﻫﻨﺎ ﻳﻤﻪ ﺍﻟﺒﻴﺖ ﺑﻴﺘﺞ ﺍﻧﻲ ﺭﺍﺡ ﺍﺳﻮﻳﻠﺞ ﻟﮕﻤﻪ ﺗﺎﻛﻠﻴﻬﺎ ﻭﺷﻨﻮ ﺗﺤﺘﺎﺟﻴﻦ ﺻﻴﺤﻴﻠﻲ
ﺍﺫﺍ ﺗﺮﺩﻳﻦ ﺗﺮﺣﻴﻦ ﻟﻠﺤﻤﺎﻡ ﻣﻦ ﺍﻃﻠﻌﻴﻦ ﺍﻟﺤﻤﺎﻡ ﮔﺒﺎﻟﺞ ﻳﺼﻴﺮ
ﻟﺠﻴﻦ،،ﺗﺸﻜﺮﺕ ﻣﻨﻬﺎ ﻋﺎﻓﺘﻨﻲ ﻭﻃﻠﻌﺖ
ﺍﻛﻮ ﻣﻴﺰ ﺑﻲ ﻣﺮﺍﻳﻪ ﮔﻤﺖ ﻋﻠﺊ ﻛﻴﻒ ﺭﺣﺖ ﻳﻤﻪ ﺍﺷﻮﻑ ﻭﺟﻬﻲ
ﻭﺍﻟﻠﻪ ﺯﻳﻦ ﻣﺎﺍﺧﺘﺮﻋﻦ ﻣﻦ ﺷﻜﻠﻲ ﻋﺒﺎﻟﻚ ﻃﺎﻟﻌﻪ ﻣﻦ ﺍﻧﻔﺠﺎﺭ
ﻋﻴﻮﻧﻲ ﺻﺎﻳﺮﺍﺕ ﺩﮔﻢ ﻣﻦ ﺍﻟﺒﺠﻲ ﮔﻮﺓ ﺍﺷﻮﻑ ﺑﻴﻬﻦ ﻣﻐﻮﺷﺎﺕ
ﺭﺟﻌﺖ ﮔﻌﺪﺕ ﻉ ﺍﻟﺴﺮﻳﺮ ﻫﺴﻪ ﺣﺘﺊ ﻟﻮ ﺍﺭﻳﺪ ﺍﺑﺪﻝ ﺷﺒﺪﻝ ﻭﺍﻧﻲ ﺍﺟﻴﺖ ﺑﻄﺮﮒ ﺭﻭﺣﻲ ﺷﺎﺭﺩﺓ ﻣﻨﻬﻢ
ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﻧﻔﺴﻬﺎ ﺍﻟﺒﻨﻴﻪ ﺍﺟﺖ ﻛﻌﺪﺕ ﻳﻤﻲ ﺟﻠﺖ ﺻﻮﺗﻬﺎ ﻭﺣﺠﺖ
ﺷﻴﻤﺎﺀ،،ﺍﻱ ﺣﺒﻴﺒﺘﻲ ﺍﺣﺠﻴﻠﻲ ﻣﻨﻮ ﺍﻧﺘﻲ ﻭﻣﻨﻴﻦ ﺍﺟﻴﺘﻲ ﻭﻣﻨﻮ ﻣﺴﻮﻱ ﺑﻮﺟﻬﺞ ﻫﻴﺞ ??
ﺍﻫﻠﺞ ﻭﻳﻦ ??
ﻟﺠﻴﻦ،،ﻋﺮﻓﺘﻬﺎ ﻓﻀﻮﻟﻴﻪ ﺗﺮﻳﺪ ﺗﻌﺮﻑ ﺍﻟﺴﺎﻟﻔﻪ ﺭﻏﻢ ﺍﻟﻨﻘﻴﺐ ﻃﻠﺐ ﻣﻨﻬﻢ ﻟﻠﻴﻞ ﻳﺤﺠﻴﻠﻬﻢ
ﺑﺲ ﻣﻬﻤﺎ ﺍﻛﻮﻥ ﺍﻧﻲ ﺿﻴﻔﻪ ﻳﻤﻬﻢ ﻋﻴﺐ ﻣﺎﺍﺟﺎﻭﺏ ﻋﻠﺊ ﺳﺆﺍﻟﻬﺎ
ﺩﻧﮕﺖ ﻭﻛﺘﻠﻬﺎ
ﺍﺳﻤﻲ ﻟﺠﻴﻦ ﻭﺍﻫﻠﻲ ﺍﻧﻘﺘﻠﻮ ﻗﺒﻞ ﺷﻬﺮﻳﻦ ﻭﻧﺺ
ﻭﻋﻤﺎﻣﻲ ﻫﻤﻪ ﺍﻟﻀﺮﺑﻮﻧﻲ ﻭﺳﻮﻭ ﺑﻴﻪ ﻫﻠﺸﻜﻞ
ﺷﻴﻤﺎﺀ،،ﻳﺎﺍﺍﺍ ﺍﻟﻠﻪ ﻳﺴﺎﻋﺪ ﮔﻠﺒﺞ ﺣﺒﻴﺒﺘﻲ ﺍﻟﻠﻪ ﻳﺮﺣﻤﻬﻢ ﺍﻋﺬﺭﻳﻨﻲ
ﺑﺲ ﻭﺍﻟﻠﻪ ﺻﺎﺭ ﻋﻨﺪﻱ ﻓﻀﻮﻝ ﻻﻥ ﻫﺎﻱ ﺍﻭﻝ ﻣﺮﺓ ﻋﻠﻲ ﻳﺠﻴﺐ ﺍﺣﺪ ﻭﻳﺎﻩ
ﻟﺠﻴﻦ،،ﻣﻦ ﺍﺫﻛﺮ ﺍﻫﻠﻲ ﺍﻟﺪﻣﻮﻉ ﺗﻨﺠﻤﻊ ﺑﻌﻴﻮﻧﻲ ﺷﮕﺪ ﺍﺑﺠﻲ ﺑﺲ ﻣﻦ ﺍﺫﻛﺮﻫﻢ ﻋﺒﺎﻟﻚ ﻋﻤﺮﻱ ﻣﺎﺑﺎﺟﻴﻪ ﻋﻴﻮﻧﻲ ﺗﺼﺐ ﻋﻠﻴﻬﻢ ﻟﻴﻞ ﻭﻧﻬﺎﺭ
ﺩﺧﻠﻮ ﺍﻃﻔﺎﻝ ﺍﺛﻨﻴﻦ ﺷﻜﻠﻬﻢ ﺑﺎﻻﺑﺘﺪﺍﺋﻴﻪ ﻭﻣﺮﺓ ﺗﻤﺸﻲ ﻭﺭﺍﻫﻢ ﺑﻌﺪﻫﺎ ﺻﻐﻴﺮﺓ ﻋﻤﺮﻫﺎ ﻣﻴﺘﺠﺎﻭﺯ 30 ﺳﻨﻪ ﺗﻤﺸﻲ ﻭﺭﺍﻫﻢ
ﻣﻦ ﺷﺎﻓﻮﻧﻲ ﻣﺪﺭﻱ ﺧﺎﻓﻮ ﻣﻨﻲ ﻣﺪﺭﻱ ﺍﻧﺼﺪﻣﻮ ﺿﻠﻮ ﻳﺠﺮﻭﻥ ﺑﺜﻮﺏ ﺍﻣﻬﻢ ﻭﺍﻳﻜﻮﻟﻮﻥ
ﻛﻮﺛﺮ،،ﻣﺎﻣﺎ ﻣﺎﻣﺎ ﺷﻮﻓﻲ ﺍﻟﺒﻨﻴﻪ ﻟﻴﺶ ﻫﻴﺞ ﻭﺟﻬﺎ
ﻣﺤﻤﺪ،،ﻟﺞ ﺍﻧﺘﻲ ﻣﺘﻔﺘﻬﻤﻴﻦ ﺳﺎﺣﮕﺘﻬﺎ ﺳﻴﺎﺭﺓ ﻭﻫﻴﺞ ﺳﻮﺕ ﺑﻴﻬﺎ
ﻧﺴﺮﻳﻦ،،ﺍﺷﻠﻮﻧﺞ ﺣﺒﻴﺒﺘﻲ ﺍﻧﻲ ﻧﺴﺮﻳﻦ ﺍﻟﻜﻨﻪ ﺍﻟﻜﺒﻴﺮﺓ ﺑﺎﻟﺒﻴﺖ ﻭﺯﻭﺟﻪ ﺣﺴﻴﻦ
ﻟﺠﻴﻦ،،ﻛﺘﻠﻬﺎ ﺯﻳﻨﻪ ﺧﺎﻟﻪ ﺍﻟﺤﻤﺪﺍﻟﻠﻪ
ﻧﺴﺮﻳﻦ،،ﻫﻬﻬﻬﻪ ﺷﺪﻋﻮﺓ ﻳﻤﻌﻮﺩﺓ ﻣﻮﺍﻟﻬﺪﺭﺟﻪ ﮔﺒﻞ ﺧﺎﻟﻪ
ﮔﻮﻟﻲ ﺑﺎﺟﻲ ﻟﻮ ﻧﺴﺮﻳﻦ ﺑﺎﻟﻴﺮﻳﺤﺞ
ﻭﻫﺴﻪ ﮔﻮﻣﻲ ﻭﻳﺎﻱ ﻓﻮﺗﻲ ﻟﻠﺤﻤﺎﻡ ﻗﺒﻞ ﺍﻟﻤﻐﺮﺏ
ﻟﺠﻴﻦ،،ﺍﻧﺤﺮﺟﺖ ﻣﻨﻬﺎ ﻛﺘﻠﻬﺎ ﺑﺲ ﺍﻧﻲ ﻣﺠﺎﻳﺒﻪ ﻣﻼﺑﺲ ﻭﻳﺎﻱ
ﻧﺴﺮﻳﻦ،،ﺻﺪﮒ ﺟﺬﺏ ﺣﺒﻴﺒﺘﻲ ﺍﺻﻴﺮﻟﺞ ﻣﻼﺑﺲ ﺑﺲ ﮔﻮﻣﻲ ﻭﻳﺎﻱ ﻫﺴﻪ ﻏﺴﻠﻲ ﻭﺍﺭﺗﺎﺣﻲ ﺣﺘﺊ ﻧﺼﻠﻲ
ﻟﺠﻴﻦ،،ﮔﻤﺖ ﻟﻠﺤﻤﺎﻡ ﻭﻳﺎﻫﺎ ﻭﻛﻔﺘﻠﻲ ﺑﺎﻟﺒﺎﺏ ﻭﮔﺎﻟﺖ ﺍﺫﺍ ﺗﺤﺒﻴﻦ ﺍﺳﺎﻋﺪﺝ ﻣﺎﻋﻨﺪﻱ ﻣﺎﻧﻊ ﺍﻋﺘﺒﺮﻳﻨﻲ ﺍﺧﻴﺘﺞ ﺍﻟﻜﺒﻴﺮﺓ
ﻟﺠﻴﻦ،،ﺳﻮﺍﻟﻔﻬﺎ ﺗﺤﺴﺴﻚ ﺍﻟﺪﻧﻴﻪ ﺑﻌﺪﻫﺎ ﺑﺨﻴﺮ ﻧﻔﺲ ﺳﻮﺍﻟﻒ ﺍﻣﻲ ﮔﺘﻠﻬﺎ ﺷﻜﺮﺍ ﺑﺎﺟﻲ ﻣﺎﻣﺤﺘﺎﺟﻪ ﺷﻲ
ﻫﻲ ﻫﻢ ﻣﺎﻟﺤﺖ ﻋﺎﻓﺘﻨﻲ ﻃﻠﻌﺖ ﻭﺳﺪﺕ ﺍﻟﺒﺎﺏ ﻭﺭﺍﻫﺎ
ﻛﻠﺸﻲ ﻣﺎﺳﻮﻳﺖ ﺑﺲ ﻏﺴﻠﺖ ﻭﺟﻬﻲ ﻭﺍﺩﻳﻪ ﻭﺭﺟﻠﻴﻪ ﻭﻟﻔﻴﺖ ﺣﺠﺎﺑﻲ ﻋﺪﻝ ﻭﺟﻬﻲ ﻣﺎﻳﻨﺸﺎﻑ ﻣﻦ ﺍﻟﻜﺪﻣﺎﺕ ﻛﻮﺓ ﻏﺴﻠﺘﻪ ﻳﻮﺟﻌﻨﻲ
ﻃﻠﻌﺖ ﺍﻣﺸﻲ ﻋﻠﺊ ﻛﻴﻒ ﺑﻤﻤﺮ ﺩﺍﺧﻞ ﺍﻟﺒﻴﺖ ﺑﻨﻬﺎﻳﺘﻪ ﺍﻟﺤﻤﺎﻣﺎﺕ
ﺍﺗﻠﻜﺘﻨﻲ ﺍﻟﺒﻨﻴﻪ ﺍﻻﺳﻤﻬﺎ ﻧﺴﺮﻳﻦ ﺍﺧﺬﺗﻨﻲ ﻣﻦ ﺍﻳﺪﻱ ﻭﻛﺎﻟﺖ ﺍﺫﺍ ﻣﺘﻮﺿﻴﻪ ﺗﻌﺎﻱ ﺍﻛﻌﺪﻱ ﻳﻤﻨﻪ ﺑﺎﻟﻤﻄﺒﺦ ﺑﻴﻦ ﻣﻴﺄﺫﻥ
ﺭﺣﺖ ﻭﻳﺎﻫﺎ ﻟﻠﻤﻄﺒﺦ ﻛﺎﻥ ﻛﻠﺶ ﺭﺍﻗﻲ ﻭﺣﻠﻮ ﺑﺎﻟﻨﺺ ﻣﻴﺰ ﻃﻌﺎﻡ ﻭﻛﺮﺍﺳﻲ ﻛﻌﺪﺗﻨﻲ ﻋﻠﺊ ﻛﺮﺳﻲ ﻭﻫﻲ ﻭﺍﻟﻤﺮﺓ ﺍﻡ ﺣﺴﻴﻦ ﻭﺷﻴﻤﺎﺀ ﻳﺤﻀﺮﻥ ﺑﺎﻟﻌﺸﻪ
ﺍﺑﺎﻭﻉ ﻟﻼﺳﻤﻬﺎ ﺷﻴﻤﺎﺀ ﺗﺤﺠﻲ ﻭﻳﻪ ﺍﻟﻤﺮﺓ ﺑﺼﻮﺕ ﻧﺎﺻﻲ ﻭﺗﺒﺎﻭﻋﻠﻲ
ﻧﺴﺮﻳﻦ،،ﺷﮕﺪ ﻋﻤﺮﻙ ﻳﺎﺣﻠﻮ ??
ﻟﺠﻴﻦ،،ﺍﺑﺘﺴﻤﺖ ﺍﻟﻬﺎ 15 ﻋﻤﺮﻱ
ﻧﺴﺮﻳﻦ،،ﻭﻭﻭﻱ ﺣﻴﺎﺗﻲ ﺻﻐﻴﺮﺓ ﺑﻌﺪﺝ
ﻣﻨﻮ ﻣﺴﻮﻱ ﺑﻴﺞ ﻫﻴﺞ ??
ﻟﺠﻴﻦ، ،ﺭﺩﺕ ﺍﺣﺠﻲ ﺑﺲ ﺳﺒﻘﺘﻨﻲ ﺷﻴﻤﺎﺀ
ﻭﻛﺎﻟﺖ
ﺷﻴﻤﺎﺀ،،ﻳﺎﺍﺍ ﻳﺎﻧﺴﺮﻳﻦ ﻟﻮﺗﺪﺭﻳﻦ ﺑﺴﺎﻟﻔﺘﻬﺎ ﺗﻜﺴﺮ ﺍﻟﺨﺎﻃﺮ
ﺍﻫﻠﻬﺎ ﻣﻘﺘﻮﻟﻴﻦ ﺑﺎﻟﺠﺪﻳﺪ ﻭﻋﻤﺎﻣﻬﺎ ﺍﻟﻤﺴﻮﻳﻦ ﺑﻴﻬﺎ ﻫﻠﺸﻜﻞ
ﻧﺴﺮﻳﻦ،،ﻋﺰﺍﺍﺍ ﻋﻤﺎﻣﻴﺶ ﺫﻭﻟﻪ ﺷﻨﻮﻭ ﻫﻤﺞ ﺧﻮ ﻣﺎﻫﻤﺞ
ﺑﻠﻪ ﺍﻛﻮ ﻭﺍﺣﺪ ﻳﺴﻮﻱ ﺳﻮﺍﻳﺘﻬﻢ ﻭﺍﻳﻤﺪ ﺍﻳﺪﺓ ﻋﻠﺊ ﻃﻔﻠﻪ
ﻟﺠﻴﻦ،،ﻛﺎﻧﺖ ﺗﺤﺠﻲ ﻣﺎﺣﺴﻴﻨﻪ ﻏﻴﺮ ﺍﻟﻨﻘﻴﺐ ﺩﺧﻞ ﻟﻠﻤﻄﺒﺦ ﻋﻴﻮﻧﻪ ﺣﻤﺮ ﻣﻦ ﺍﺛﺮ ﺍﻟﻨﻮﻡ ﻭﺷﻌﺮﺓ ﻣﺨﺮﺑﻂ ﻧﺎﺯﻝ ﻋﻠﺊ ﮔﺼﺘﻪ ﻻﺑﺲ ﺍﺗﺮﺍﻙ ﺍﺳﻮﺩ
ﺍﻭﻝ ﻣﺎﺩﺧﻞ ﮔﺎﻝ
ﻋﻠﻲ،،ﺍﺷﻠﻮﻧﻬﻢ
ﻟﺠﻴﻦ، ،ﻛﻠﻬﻦ ﺭﺩﻥ ﺑﻜﻠﻤﻪ ﺯﻳﻨﻴﻦ
ﻋﻠﻲ،،ﻳﻤﻪ ﻣﻴﻴﺖ ﺟﻮﻉ ﻫﻤﻦ ﺍﺩﻳﺠﻦ
ﺍﻡ ﺣﺴﻴﻦ ﻳﺨﺴﻪ ﺍﻟﺠﻮﻉ ﻛﻮﻡ ﺗﻮﺿﻪ ﻭﺻﻠﻲ ﺑﻴﻦ ﻣﻨﺠﻬﺰ ﺍﻻﻛﻞ ﺣﺮﺍﻣﺎﺕ ﻧﺼﺒﻠﻚ ﻫﺴﻪ ﻭﺗﻨﺤﺮﻡ ﺍﻟﻌﺸﻪ ﻭﺍﺣﻨﻪ ﺑﻌﺪ ﺳﺎﻋﻪ ﺍﻧﺼﺐ
ﻟﺠﻴﻦ،،ﻋﺎﻓﻨﻪ ﻭﺭﺍﺡ ﻭﻧﺴﺮﻳﻦ ﻛﺎﻟﺖ ﻛﻮﻣﻲ ﺣﺒﻴﺒﺘﻲ ﺍﻧﺼﻠﻲ
ﮔﻤﺖ ﻭﻳﺎﻫﺎ ﻭﺍﻟﻠﻪ ﮔﻮﺓ ﺍﻣﺸﻲ ﺍﺳﺤﻞ ﺑﺮﻭﺣﻲ ﻛﻞ ﻋﻀﻢ ﺑﺠﺴﻤﻲ ﺍﺣﺴﻪ ﻣﺮﺗﺨﻲ ﻣﻦ ﺍﻟﻜﺘﻞ
ﻓﺮﺷﺘﻠﻲ ﺍﻟﺒﻨﻴﻪ ﺍﻟﺴﺠﺎﺩﺓ
ﻭﻛﻔﺖ ﺍﺻﻠﻲ ﺑﺲ ﻣﺎﮔﺪﺭﺕ ﺍﻛﻤﻞ ﺻﻼﺗﻲ ﻭﺍﻧﻲ ﻭﺍﮔﻔﻪ ﻣﻦ ﺍﺳﺠﺪ ﺑﻌﺪ ﻣﺎﺍﮔﺪﺭ ﺍﻧﻬﺾ
ﺑﺴﺮﻋﻪ ﺑﺠﻴﺖ ﺍﺟﺖ ﻳﻤﻲ ﺑﺴﺮﻋﻪ ﻛﻌﺪﺕ ﻳﻤﻲ
ﻧﺴﺮﻳﻦ،،ﺷﺒﻴﺞ ﻳﺮﻭﺣﻲ ﻟﻴﺶ ﺍﻟﺒﺠﻲ ??
ﻟﺠﻴﻦ،،ﺟﺴﻤﻲ ﻳﺎﺫﻳﻨﻲ ﻣﺎﺍﮔﺪﺭ ﺍﻛﻮﻡ ﻭﺍﻛﻌﺪ ﻟﻠﺼﻼﻩ
ﻧﺴﺮﻳﻦ،،ﻣﺎﻛﻮ ﺍﺷﻜﺎﻝ ﺣﺒﻴﺒﺘﻲ ﺻﻠﻲ ﻭﺍﻧﺘﻲ ﮔﺎﻋﺪﺓ ﻋﻨﺪﺝ ﻋﺬﺭ ﻭﺑﻌﺪﻳﻦ ﺑﺲ ﺍﺗﻜﻤﻠﻴﻦ ﺍﺣﻄﻠﺞ ﻣﺮﻭﻍ ﻣﺎﻝ ﺍﻋﺼﺎﺏ ﻭﻫﻢ ﻳﺴﻜﻦ ﺍﻻﻟﻢ ﺷﻮﻳﻪ..بيج قصص عراقيه حقيقيه من واقعنا.روعه الطائي
ﻟﺠﻴﻦ،،ﺻﺮﺕ ﺍﺻﻠﻲ ﻭﺍﻧﻲ ﮔﺎﻋﺪﺓ ﮔﻮﺓ ﻛﻤﻠﺖ ﺻﻼﺗﻲ
ﺑﻌﺪ ﺷﻮﻳﻪ ﺩﺧﻞ ﺍﻟﻨﻘﻴﺐ ﻋﻠﻲ ﻭﻛﺎﻥ ﻣﺮﺗﺐ ﻧﻔﺴﻪ ﻭﻣﺸﻂ ﺷﻌﺮﺓ ﻣﺼﻔﻄﻪ ﻟﻮﺭﺓ
ﻛﻌﺪ ﺑﻨﻔﺲ ﺍﻟﻐﺮﻓﻪ ﻛﺎﻧﺖ ﺟﺒﻴﺮﺓ ﻭﻣﻔﺮﻭﺷﻪ ﺩﻳﻮﺍﻧﻴﻪ
ﻛﻌﺪ ﺍﮔﺒﺎﻟﻲ ﺑﺪﻭﻥ ﻣﺎﻳﺤﺠﻲ ﻭﻻﺣﺮﻑ ﻋﻴﻨﻪ ﺑﻤﻮﺑﺎﻳﻠﻪ
ﺍﺟﻮ ﻣﺤﻤﺪ ﻭﻛﻮﺛﺮ ﻛﻞ ﻭﺍﺣﺪ ﻻﺯﻡ ﺍﻟﺴﻔﺮﺓ ﻣﻦ ﻃﺮﻑ
ﻓﺮﺷﻮﻫﺎ ﻭﺍﺟﺖ ﻧﺴﺮﻳﻦ ﺑﻴﺪﻫﺎ ﺻﻴﻨﻴﻪ ﺑﻴﻬﺎ ﻣﻮﺍﻋﻴﻦ ﺍﻻﻛﻞ
ﺑﺪﺕ ﺗﻮﺯﻉ ﺍﻻﻛﻞ ﺑﺎﻟﺴﻔﺮﺓ ﻭﺍﻧﻮﺏ ﺍﻃﻔﺎﻟﻬﺎ ﺻﺎﺭﻭ ﻳﻨﻘﻠﻮﻥ ﺏ ﺍﻻﻛﻞ ﻛﻞ ﻭﺍﺣﺪ ﺑﻴﺪﺓ ﻣﺎﻋﻮﻥ
ﺍﺟﺖ ﺍﻟﺤﺠﻴﻪ ﺷﺎﻳﻠﻪ ﺍﻟﺨﺒﺰ ﺑﻴﺪﻫﺎ ﻭﺷﻴﻤﺎﺀ ﺩﺧﻠﺖ ﻭﺭﺍﻫﺎ ﻭﺑﻌﺪﻫﻢ ﺩﺧﻞ ﺭﺟﺎﻝ ﻣﻮﻛﻠﺶ ﺟﺒﻴﺮ ﺑﺎﻟﻌﻤﺮ
ﮔﺎﻝ ﺍﻟﺴﻼﻡ ﻋﻠﻴﻜﻢ ﻭﺭﺩﻳﺖ ﺍﻟﺴﻼﻡ ﺭﻓﻌﺖ ﻋﻴﻨﻲ ﺷﻔﺘﻪ ﻳﺒﺎﻭﻋﻠﻲ ﻭﺭﺟﻊ ﺑﺎﻭﻉ ﺍﻟﻌﻠﻲ ﺍﻟﻜﺎﻥ ﻋﻴﻨﻪ ﻋﻠﺊ ﺍﺧﻮ ﻣﻦ ﺍﻡ ﺣﺴﻴﻦ ﺳﺎﻟﺘﻪ
ﺣﺴﻴﻦ ﻳﻤﻪ ﻟﻴﺶ ﺍﺗﺎﺧﺮﺕ ﺍﻟﻴﻮﻡ ??
ﻋﺮﻓﺘﻪ ﻫﺬﺍ ﺍﺑﻨﻬﺎ ﺍﻟﻲ ﺍﺳﻤﻪ ﺣﺴﻴﻦ
ﺍﻡ ﺣﺴﻴﻦ،،ﻳﻠﻪ ﺑﻨﻴﺘﻲ ﺍﺩﻧﻲ ﺍﺗﻌﺸﻲ
ﻟﺠﻴﻦ . ﻫﺰﻳﺖ ﺭﺍﺳﻲ ﻭﺍﺩﻧﻴﺖ ﻟﻠﺴﻔﺮﺓ
ﺍﻭﻝ ﻣﺮﺓ ﺍﻛﻞ ﮔﺪﺍﻡ ﺍﺣﺪ ﻏﺮﻳﺐ ﺷﮕﺪ ﺟﻨﺖ ﺟﻮﻋﺎﻧﻪ ﺑﺲ ﺍﺳﺘﺤﻴﺖ ﺍﻛﻞ ﮔﺪﺍﻣﻬﻢ
ﻫﻲ ﻟﮕﻤﻪ ﻭﺣﺪﺓ ﻭﺣﺴﻴﺘﻬﻢ ﺳﻤﻌﻮ ﺻﻮﺗﻬﺎ ﻣﻦ ﺑﻠﻌﺘﻬﺎ ﻋﻠﺊ ﮔﺪ ﻣﺎﻛﻨﺖ ﺧﺠﻼﻧﻪ ﻣﻨﻬﻢ
ﻣﺎﮔﺪﺭﺕ ﺍﻛﻤﻞ ﻭﻧﺴﺮﻳﻦ ﺗﺠﻴﺐ ﻭﺗﺤﻂ ﻛﺪﺍﻣﻲ
ﻋﺒﺎﻟﻚ ﺗﻌﺮﻓﻨﻲ ﻣﻦ ﺍﺳﻨﻴﻦ ﻣﻮ ﻗﺒﻞ ﻛﻢ ﺳﺎﻋﻪ ﺍﺟﻴﺘﻬﻢ
ﺣﺘﺊ ﺍﻣﻬﻢ ﺍﻟﺤﺠﻴﻪ ﻣﻠﮕﺎﻫﺎ ﺣﻠﻮ ﺭﻏﻢ ﻫﻲ ﻣﺘﻌﺮﻑ ﻣﻨﻮ ﺍﻧﻲ ﻭﺷﺠﺎﺑﻨﻲ ﻭﻳﻪ ﺍﺑﻨﻬﻢ ﺑﺲ ﻛﻠﺸﻲ ﻣﺎﺳﺄﻟﻮﻧﻲ ﺳﻮﻭ ﺍﻻﻣﻮﺭ ﻋﺎﺩﻳﻪ
ﺍﻡ ﺣﺴﻴﻦ،،ﺍﻛﻞ ﺑﻨﻴﺘﻲ ﻟﻴﺶ ﻣﺴﺘﺤﻴﻪ ﺍﻣﺎﻧﺔ ﺍﻟﻠﻪ ﺗﺎﻛﻠﻴﻦ ﻭﺗﺸﺒﻌﻴﻦ ﺍﻟﻤﻦ ﺍﻧﻜﺴﺮ ﺿﻬﺮﻱ ﺑﺎﻟﻤﻄﺒﺦ ﻏﻴﺮ ﻋﻠﻤﻮﺩﺝ
ﻧﺴﺮﻳﻦ، ﻫﻬﻬﻪ ﺗﺮﺓ ﺍﻟﻠﻴﻞ ﻃﻮﻳﻞ ﻭﺍﺫﺍ ﻣﺎﺍﻛﻠﺘﻲ ﺗﻀﻠﻴﻦ ﺟﻮﻋﺎﻧﻪ ﻟﻠﺼﺒﺢ ﻭﺑﻤﺎ ﺍﻧﻮ ﺍﻧﻲ ﺍﻟﻜﻨﻪ ﺍﻟﻜﺒﻴﺮﺓ
ﻓﺮﺍﺡ ﺍﻗﻔﻞ ﺍﻟﺜﻼﺟﻪ ﻭﺍﺧﺬ ﺍﻟﻤﻔﺘﺎﺡ ﻑ ﺍﺣﺴﻦ ﺍﻟﺞ ﺍﻛﻠﻲ
ﻟﺠﻴﻦ،،ﮔﻮﺓ ﻏﺼﺒﺖ ﺭﻭﺣﻲ ﺍﻛﻠﺖ ﻟﻜﻤﺘﻴﻦ ﻭﺍﺣﺴﻬﻦ ﻳﮕﺮﮔﻌﻦ ﺍﺑﻠﻌﻮﻣﻲ
ﺍﺷﺮﺗﻠﻲ ﻧﺴﺮﻳﻦ ﺑﻤﻌﻨﻲ ﺍﻛﻞ ﺟﺎﻭﺑﺘﻬﺎ ﺑﺼﻮﺕ ﻧﺎﺻﻲ ﻣﺎﺍﺷﺘﻬﻲ ﺷﺒﻌﺖ
ﺍﻧﺘﺒﻬﺖ ﻟﻠﻨﻘﻴﺐ ﺭﻓﻊ ﺭﺍﺳﻪ ﺑﺎﻭﻋﻠﻲ ﻭﺭﺟﻊ ﻛﻤﻞ ﺍﻛﻞ
ﺑﻌﺪ ﻣﺎﺍﻧﺘﻬﺊ ﺍﻟﻌﺸﻪ ﻭﻟﻤﻮ ﺍﻟﺴﻔﺮﺓ ﻣﺎﻗﺒﻠﻦ ﺍﺷﻴﻞ ﻭﻳﺎﻫﻦ ﻭﻫﻮ ﺣﺘﺊ ﻟﻮ ﺷﺎﻳﻠﻪ ﻭﻳﺎﻫﻦ ﺷﻲ ﻳﻤﻜﻦ ﻳﺘﺮﻳﮕﻮﻥ ﻭﺍﻧﻲ ﺑﻌﺪﻧﻲ ﻣﺎﻭﺻﻠﻪ ﺍﻟﻤﻄﺒﺦ ﺍﻣﺸﻲ ﺗﺎﺗﺎ
ﺑﻌﺪﻫﺎ ﻧﺴﺮﻳﻦ ﺟﺎﺑﺖ ﺻﻴﻨﻴﻪ ﺍﻟﺠﺎﻱ ﻭﺑﺪﺕ ﺗﻨﻄﻴﻬﻢ
ﻭﺍﺣﺪ ﻭﺍﺣﺪ
ﺣﺴﻴﻦ،،ﻳﻠﻪ ﺧﻮﻳﻪ ﺍﺣﺠﻲ ﻣﻮ ﻓﺘﻴﺖ ﮔﻠﺒﻲ
ﺳﺎﻟﺖ ﺍﻣﻲ ﮔﺎﻟﺖ ﺍﺑﻮ ﺩﺭﻉ ﻳﮕﻮﻝ ﺑﻌﺪ ﺍﻟﻌﺸﻪ ﺍﺣﺠﻴﻠﻜﻢ
ﻟﺠﻴﻦ،،ﻋﺮﻓﺘﻪ ﻳﻘﺼﺪ ﻋﻠﺊ ﺳﺎﻟﻔﺘﻲ ﺳﻤﻌﺖ ﺍﻟﻨﻘﻴﺐ ﺟﻠﻪ ﺻﻮﺗﻪ ﻭﮔﺎﻝ
ﻋﻠﻲ،،ﺍﺍﺣﻢ ﻗﺒﻞ ﺷﻬﺮﻳﻦ ﺗﻘﺮﻳﺒﺎ ﺍﺟﺘﻨﻲ ﻗﻀﻴﻪ
ﺷﻜﺪ ﻣﺎﺭﺓ ﻋﻠﻴﻪ ﻗﻀﺎﻳﻪ ﺍﺷﻜﺎﻝ ﻭﺍﻟﻮﺍﻥ ﺑﺲ ﻣﺜﻞ ﻫﺎﻱ ﻣﺎﺷﻔﺖ
ﺟﺎﻧﺖ ﺍﻟﻘﻀﻴﻪ ﻗﺘﻞ ﻋﺎﺋﻠﻪ ﻛﺎﻣﻠﻪ ﻭﺍﻟﻘﺎﺗﻞ ﻣﻨﻬﻢ ﻭﺑﻴﻬﻢ ﻭﺍﻟﻲ ﻫﻮ ﺍﻻﺑﻦ ﺍﻻﻛﺒﺮ ﻟﻠﻌﺎﺋﻠﻪ ﺑﺴﺒﺐ ﺍﻟﻄﻊ ﻭﺍﻟﻔﻠﻮﺱ ﻗﺘﻞ ﺍﻣﻪ ﻭﺍﺑﻮ ﻭﺍﺧﺘﻪ ﺍﻟﺼﻐﻴﺮﺓ
ﺍﻟﻮﻟﺪ ﻛﺎﻥ ﺳﻜﺮﺍﻥ ﻭﻣﻜﺒﺴﻞ ﻣﺎﺧﺬ ﺣﺒﻮﺏ ﻣﺨﺪﺭﺓ ﻭﺑﻮﻗﺖ ﺍﻟﻲ ﻟﻜﻮﺓ ﺑﻤﺴﺮﺡ ﺍﻟﺠﺮﻳﻤﻪ ﻛﺎﻥ ﻓﺎﻗﺪ ﻣﺎﻳﺪﺭﻱ ﺑﺮﻭﺣﻪ ﻣﺎﺻﺤﻪ ﻏﻴﺮ ﺑﺎﻟﻤﺮﻛﺰ
ﺑﺲ ﻣﻦ ﺻﺤﻪ ﺍﻧﺼﺪﻡ ﻣﻦ ﮔﻨﺎﻟﻪ ﺍﻛﻮ ﻭﺍﺣﺪ ﻳﻘﺘﻞ ﺍﻣﻪ ﻭﺍﺑﻮ
ﺑﺲ ﺟﻮﺍﺑﻪ ﺻﺪﻣﻨﻪ ﮔﺎﻝ ﺍﻧﻲ ﻣﺎﺍﺫﻛﺮ ﻗﺘﻠﺘﻬﻢ ﺑﺲ ﺍﻻﺫﻛﺮﺓ ﻋﻤﻲ ﺻﺎﺭ ﺳﻨﻪ ﻳﺤﺮﺽ ﺑﻴﻪ ﻋﻠﺊ ﻗﺘﻠﻬﻢ
ﻭﺧﻼﻧﻲ ﺍﺗﻌﺮﻑ ﻋﻠﺊ ﻭﺍﺣﺪ ﺯﺍﻳﻌﺘﻪ ﺍﻟﮕﺎﻉ ﻭﻳﺒﻴﻊ ﺣﺒﻮﺏ ﺍﺭﺗﻨﻪ ﻭﻛﺒﺴﻠﻪ ﻭﺧﻼﻧﻲ ﺍﻣﻲ ﺑﻬﻠﻄﺮﻳﻖ
ﺑﻌﺪ ﻣﺎﺍﺩﻣﻨﺖ ﻉ ﺍﻟﻤﺨﺪﺭﺍﺕ ﺑﻌﺪ ﻣﺎﮔﺪﺭﺕ ﺍﺑﻌﺪ ﻋﻨﻬﺎ ﻭﺑﻴﻮﻡ ﮔﺎﻟﻲ ﺍﻟﻴﻮﻡ ﺍﻧﻔﺬ ﺍﻟﻌﻤﻠﻴﻪ ﻻﻥ ﺍﺑﻮﻙ ﺍﺗﻔﻖ ﻭﻳﻪ ﺻﺎﺣﺒﻪ ﻳﺸﺘﺮﻱ ﻣﺠﻤﻊ ﻭﺟﻬﺰ ﺍﻟﻤﺒﻠﻎ
ﻭﻗﺒﻞ ﻣﺎﻳﺮﻭﺡ ﻳﺴﻠﻢ ﺍﻟﻔﻠﻮﺱ ﻻﺯﻡ ﺍﻧﻘﺘﻠﻪ
ﺑﺎﻟﺒﺪﺍﻳﻪ ﺍﻋﺘﺮﺿﺖ ﻻﻥ ﺫﻭﻟﻪ ﺍﻫﻠﻲ ﻭﻣﺎﻳﻨﻄﻴﻨﻲ ﮔﻠﺒﻲ ﺍﻣﻮﺗﻬﻢ ﺑﻌﺪﻫﺎ ﺍﺧﺬﻧﻲ ﻭﺭﺣﻨﻪ ﺍﻟﺼﺎﺣﺒﻨﻪ ﺍﻟﻴﺒﻴﻊ ﺍﻟﺤﺒﻮﺏ
ﻛﻨﺖ ﺍﺧﺬ ﺣﺒﺎﻳﻪ ﻭﺣﺪﺓ ﺑﺲ ﻋﻤﻲ ﮔﺎﻝ ﺍﺧﺬ ﺣﺒﺎﻳﺘﻴﻦ ﻭﺷﻮﻑ ﺍﻟﺮﺍﺣﻪ ﺍﺷﻠﻮﻥ ﺗﺼﻴﺮ ﻭﻓﻌﻼ ﺍﺧﺬﺕ ﺣﺒﺎﻳﺘﻴﻦ ﻭﺑﻌﺪ ﻣﺎﺍﻋﺮﻑ ﺷﻨﻮ ﺻﺎﺭ ﻣﺎﺻﺤﻴﺖ ﻏﻴﺮ ﺑﺎﻟﻤﺮﻛﺰ ﻭﺍﻧﻲ ﻗﺎﺗﻞ ﺍﻫﻠﻲ ﻛﻠﻬﻢ
ﻟﺠﻴﻦ،،ﻃﻮﻝ ﻣﺎﻛﺎﻥ ﺍﻟﻨﻘﻴﺐ ﻳﺤﺠﻲ ﺍﻧﻲ ﺍﺑﺠﻲ ﺑﺤﺮﻛﻪ ﺣﺎﻃﻪ ﺍﻳﺪﻱ ﻋﻠﺊ ﺣﻠﮕﻲ ﻭﻣﺪﻧﮕﻪ
ﺍﺧﻮ ﻃﻠﺐ ﻣﻨﻪ ﻳﻜﻤﻞ ﻛﻼﻣﻪ ﻭﻧﺴﺮﻳﻦ ﻗﺮﺑﺘﻨﻲ ﻳﻤﻬﺎ ﻭﺣﺎﻭﻃﺖ ﻣﺘﻨﻲ ﺑﻴﺪﻫﺎ
ﺭﺟﻊ ﻛﻤﻞ ﻛﻼﻣﻪ ﺑﻌﺪ ﻣﺎﺳﺤﺐ ﺟﮕﺎﺭﺓ ﻣﻦ ﺑﺎﻛﻴﺘﻪ ﻭﺭﺛﻬﺎ ﺳﺤﺐ ﻧﻔﺲ ﻭﺣﺠﻪ
ﺍﻟﺒﻨﻴﻪ ﺑﺎﻟﺒﺪﺍﻳﻪ ﺿﻠﺖ ﻛﻢ ﻳﻮﻡ ﻳﻮﻡ ﺧﺎﻟﻬﺎ
ﺑﻌﺪﻳﻦ ﻋﻤﻬﺎ ﺍﺧﺬﻫﺎ ﺑﺤﺠﻪ ﺑﻨﺖ ﺍﺧﻮﻱ ﻭﺍﻧﻲ ﺍﻭﻟﺊ ﺑﻴﻬﺎ
ﺍﺧﺬﻫﺎ ﺗﻌﻴﺶ ﻭﻳﺎﻩ ﺑﺲ ﺍﻟﻌﻢ ﻛﺎﻥ ﻭﺍﺣﺪ ﺳﻜﻴﺮ ﻻﻳﺨﺎﻑ ﺍﻟﻠﻪ ﻭﻻﻋﺒﺎﺩﺓ ﻣﻦ ﻳﺮﻳﺪ ﻣﺸﺮﻭﺏ ﻭﻣﺎﻋﻨﺪﺓ ﺍﻓﻠﻮﺱ ﻳﺘﺨﺒﻞ ﻋﻠﺊ ﺍﻫﻞ ﺑﻴﺘﻪ ﻭﻣﻦ ﻳﺴﻜﺮ ﻳﻀﺮﺑﻬﻢ
ﻭﺣﺘﺊ ﻫﺎﻱ ﺍﻟﻤﺴﻜﻴﻨﻪ ﺍﺗﻠﻮﺣﻬﺎ ﺣﺼﻪ ﻣﻦ ﺍﻟﻀﺮﺏ
ﻭﺑﻴﻮﻡ ﻃﻠﺒﺖ ﺍﺣﻘﻖ ﻭﻳﺎﻫﺎ ﺑﺎﻟﻤﺮﻛﺰ ﻋﺮﻓﺖ ﻫﺎﻱ ﺍﻟﻤﻌﻠﻮﻣﺎﺕ ﻭﻛﺘﻠﻬﺎ ﺍﺫﺍ ﺿﺮﺑﺞ ﺍﺧﺬﺝ ﻭﺍﺭﺟﻌﺞ ﺍﻟﺨﺎﻟﺞ
ﺑﻮﻗﺘﻬﺎ ﺍﻧﻄﻴﺘﻬﺎ ﺭﻗﻤﻲ ﻭﻃﻠﺒﺖ ﻣﻨﻬﺎ ﻣﻦ ﺗﻮﺍﺟﻪ ﻣﺸﻜﻠﻪ ﺗﺘﺼﻞ ﺑﻴﻪ
ﻭﺍﻟﺒﺎﺭﺣﻪ ﺑﻠﻴﻞ ﺍﺗﺼﻞ ﺭﻗﻢ ﻏﺮﻳﺐ ﻭﻣﻦ ﺟﺎﻭﺑﺖ ﺗﻔﺎﺟﺌﺖ ﺑﻴﻬﺎ ﺗﺒﺠﻲ ﻭﺗﻄﻠﺐ ﻣﻨﻲ ﺍﺳﺎﻋﺪﻫﺎ
ﻭﺍﻟﻴﻮﻡ ﻣﻦ ﺍﻟﺼﺒﺢ ﺍﺧﺬﺕ ﺟﻤﺎﻋﺘﻲ ﺍﻟﻀﺒﺎﻁ ﻭﺭﺣﺖ ﺍﻟﺒﻴﺖ ﻋﻤﻬﺎ ﺑﺲ ﻋﻤﻬﺎ ﺍﻟﻌﺎﺭ ﺍﻋﺘﺬﺭ ﻣﻨﻲ ﻭﻛﺎﻝ ﻣﺮﻳﻀﻪ ﺑﺲ ﻣﻦ ﺷﻜﻠﻪ ﻣﺘﻮﺗﺮ ﻭﺧﺎﻳﻒ ﻣﻦ ﺷﻲ ﻋﺮﻓﺘﻪ ﻣﺴﻮﻳﻠﻪ ﻣﻜﺴﻮﺭﺓ ﻭﺧﺎﻳﻒ ﻣﻨﻬﺎ
ﺑﻌﺪﻳﻦ ﺩﺧﻠﺖ ﺍﻟﺒﻨﻴﻪ ﻭﻛﺎﻥ ﻫﺬﺍ ﻣﻨﻀﺮﻫﺎ ﺍﺗﺨﺒﻠﺖ ﻣﻦ ﺷﻔﺘﻬﺎ ﺍﺷﻠﻮﻥ ﻣﻮﺭﻣﻴﻦ ﻭﺟﻬﺎ
ﺍﺧﺬﻭ ﻧﺼﻴﺒﻬﻢ ﺑﺎﻟﻜﺘﻞ ﻭﻟﻮ ﻣﺎﻫﻤﺎﻡ ﺟﺎﻥ ﻛﺘﻠﺘﻬﻢ ﺧﻼﺹ
ﺭﺩﺕ ﺍﺧﺬﻫﺎ ﻭﻳﺎﻱ ﺑﺲ ﻋﻤﺎﻣﻬﺎ ﺭﻓﻀﻮ ﻭﻛﺎﻟﻮ ﺑﺼﻔﺘﻚ ﻣﻨﻮ ﺣﺘﺊ ﺗﺎﺧﺬﻫﺎ
ﻭﺻﺪﻙ ﻛﻼﻣﻬﻢ ﺍﺷﻠﻮﻥ ﺍﺧﺬﻫﺎ ﻫﻴﺞ ﻣﻨﻬﻢ
ﻭﺻﺮﺕ ﺣﺘﺊ ﺍﺧﺎﻑ ﺍﺭﺟﻌﻬﺎ ﺍﻟﺨﺎﻟﻬﺎ ﻻﻥ ﺫﻭﻟﻪ ﺟﻼﺏ ﻣﻮﺻﻌﺒﻪ ﻋﻠﻴﻬﻢ ﻳﺮﺟﻌﻮﻥ ﻳﺎﺧﺬﻭﻫﺎ ﻣﻦ ﺧﺎﻟﻪ
ﻟﺬﺍﻟﻚ ﻣﺎﺟﺎﻥ ﻋﻨﺪﻱ ﻏﻴﺮ ﻫﺬﺍ ﺍﻟﺤﻞ
ﺣﺴﻴﻦ، ،ﻭﺷﻨﻮ ﻫﻮ
ﻋﻠﻲ، ،ﺍﻋﻘﺪ ﻋﻠﻴﻬﺎ
ﺷﻴﻤﺎﺀ،،ﻭﻋﻘﺪﺕ، ??????
ﻋﻠﻲ،،ﺍﺍﻱ
ﻟﺠﻴﻦ،،ﺍﺑﺎﻭﻉ ﻉ ﺍﻟﻮﺟﻮﻩ ﻛﻠﻬﺎ ﻣﺼﺪﻭﻣﻪ ﻣﻦ ﻛﻼﻡ ﺍﻟﻨﻘﻴﺐ
ﻟﺤﻀﺎﺕ ﻛﺎﻥ ﺍﻟﺴﻜﻮﺕ ﺳﻴﺪ ﺍﻟﻤﻜﺎﻥ
ﻣﺎﻛﻨﻪ ﻣﺘﻮﻗﻌﻴﻦ ﻫﺬﺍ ﺍﻟﻬﺪﻭﺀ ﻣﺎﻗﺒﻞ ﺍﻟﻌﺎﺻﻔﻪ
ﻣﻦ ﺧﻄﻴﺒﺘﻪ ﺷﻴﻤﺎﺀ
ﻳﺘﺘﺘﺘﺘﺒﻊ
