رسالة من مجهول 📝💖

الحلقة ١٦

الحلقة ١٦
#رسالة_من_مجهول
#بوسى_مصطفى
________________

باب الشقة يخبط جامد راوية تفتح الباب
نبيل : هو في ايه ياعمتي
راوية عماله تعيط ومردتش
فادي بغضب : انتي قليلة الادب ومتربتيش وعايزة فعلاً اللي يربيكي
وقرب من أمير ورفع ايده علشان يضربها جرى نبيل ودفع فادي جامد لدرجة إنه وقعه ع الارض
نبيل : هي مين دي اللي عايزة تتربى
الظاهر انت اللي عايز تتربى
وهجم على فادي عايز يضربه
دخل جلال يجري وبيبعدهم عن بعض
جلال : انتو اتجننتوا مالكوا بتتخانقوا ليه
ومش عاملين حساب لحد
فادي : البيه عايز يربيني ياخالو
نبيل : لما تتكلم مع اختك بالاسلوب دا يبقى فعلاً محتاج تتربى
جلال : بس بلاش قلة أدب
هو مفيش احترام للي اكبر منكو
نبيل : ياخالو انا دخلت لاقيته رافع ايده وعايز يضرب أميرة
جلال : نعم هي سايبه ولا ايه
فادي : الهانم بترد عليه
مش كفايه الحوار إياه لأ وبجحه كمان
نبيل : أخرس متنطقش ب ولا كلمة
فادي : جرا ايه يااستاذ نبيل
انت مالك اصلا بالحوار دا
دي حاجه بيني وبين اختي
نبيل : وفي حد يتكلم مع اخته بالاسلوب ده
ثم إن أميرة متربيه وبعدين انت كده بتغلط في خيلانك لأنهم اللي مربينها
فادي : متصطادش في المياة العكره يااستاذ نبيل
جلال : عال اوي متقربوا اضربوا بعض قدامي كمان
فادي : هو مش فاهم الحوار وجاي يدخل في اللي ملهوش فيه
نبيل : لأ ليه فيه يافادي
واميرة زيها زي يسرا اختي مقبلش حد يتكلم معاها بكلمة
حتى لو كان اخوها
راوية : ياريت تتكسف بقي بعد الكلمتين دول
(الكلام دا كان موجه لفادي)
جلال :"في ايه يااميرة عايز اعرف
أميرة : كل الحكاية ياخالو اني سافرت اسكندرية احضر فرح صاحبتي وبالصدفه قابلت سيف هناك
جلال : مين سيف
فادي : البيه اللي كان متقزملها قبل كده
جلال : ايوه افتكرت... وفيها ايه بقي
فادي : فيها ان الموضوع كان مترتبله
راوية : ياابني انت مبتزهقش
قالتلك الحكاية كلها كانت صدفه
خلاص خلصنا
نبيل : ع رأي عمتي الحكاية كلها كانت صدفه
لإن أميرة بنت عمتي عمرها م تكدب ابدا
فادي : خلاص ياعم انا غلطان
وطالما حضرتك ياماما شايفاها انها صح يبقى هي صح
ماشي بعد اذنكم
وخرج فادي من الشقة
جلال : اقعدي يااميرة استريحي
جرى نبيل ناحية السفره
ورجع ل أميرة وهو في ايده كوباية مياة
نظرت أميرة لوالدتها اللي كانت مبتسمه وفرحانه جدا من جواها
ع موقف نبيل ورجولته ودفاعه عن أميرة
نبيل : متعيطيش يااميرة هو بس فاهم الموضوع غلط
اكيد لو قعدتوا مع بعض في هدو كده
وفهمتيه الموقف هو مش هيضايق
هو خايف عليكي رغم اني مش معاه في اللي عمله
راوية : وانا كمان شايفه كده
أميرة : انا قابلته صدفه ياماما
حضرتك مش مصدقني برضو
راوية :"مصدقاكي ياحبيبتي
بس هدي الأمور بينك وبين اخوكي
دا خلاص كلها ايام ويسافر يابنتي
مينفعش يسافر وانتو زعلانين من بعض بالشكل دا
جلال : مامتك معاها حق يااميرة
انسى الموضوع دا ومتفكريش فيه مرة تانيه
احنا يابنتي عايزين مصلحتك
أميرة : عارفه ياخالو بس هو اللي طريقته غلط جدا
وانا مبحبش حد يعاملني بالاسلوب ده
جلال : خلاص حقك عليه وانا هجيبهولك لحد هنا يعتذر لك وتتصافوا انتو اخوات ومينفعش يبقى في زعل ما بينكم خصوصاً إن الموضوع مش مستاهل يعني
أميرة : اللي تشوفه ياخالو
نبيل : طيب بعد اذنكم انا بقى هنزل علشان اروح٧
راوية : تنزل تروح فين احنا هنتغدا مع بعض
نبيل : معلش ياعمتي مرة تانيه
علشان بس الوقت اتأخر وعندي شغل الصبح
راوية : يبقى عايز تزعلني منك
قايم رايح فين ياجلال انت كمان
هنتعشا كلنا سوا اتصلي يااميرة بمرات عمك قوللها تنزل نتعشا مع بعض
أميرة : حاضر ياماما
راوية : اقعد بقى يانبيل ياابني
وانت كمان ياجلال اقعد لسه بدري ولا هتنام دلوقت
جلال : وادي قاعدة ياام فادي علشان بس متزعليش
راوية ببتسامة : اسمع الكلام زي عمك يانبيل
نبيل : وليه الاحراج دا بس ياعمتي
راوية : حد يتحرج من عمته برضو هههههههه
دقيقة وجايه
ودخلت راوية المطبخ
جلال : ايه يااستاذ نبيل مالك
عينك راحت فين
نبيل :"مفيش ياعمي
جلال : هههههههه مكونوش عشر سنين اللي بينا يااخي علشان تكبرني كده
نبيل : هههههههه نعمل ايه في جدي بقى
جلال : هههههههه عيب عليك
نبيل : وانا قولت حاجه ياعمي
جلال : بقولك ايه.. هي عجباك
نبيل : هي مين
جلال : يله انت هتستعبط عليه
م انت عارف انا اقصد مين
نبيل : بس قلبها مش معايا ياعمي
جلال : عارف لو مبطلتش كلمة عمي انا مش هتوسطلك عندها
نبيل : بجد ياعمي
نظر ليها جلال بغضب
نبيل : هههههههه امال اقولك ايه بس
المهم يعني هتقدر تقنعها
جلال : لو هتحطها في عنيك اكيد هتوسطلك عندها
نبيل : جوه عيني بس دا انا هحطها جوه قلبي
جلال : اما نشوف ع العموم هكلمهالك بس تصدق في كلامك ده
_______________