الحلقة التاسعة... افتح انا الشر"للكبار فقط"
#سلسلة_حمل_اسود..ج4
احدث اعمالى رواية "ضريح الفتاة المجمدة" ستصدر ابتداءا من معرض القاهرة للكتاب ان شاءالله
الحلقة لو وصلت ل 1000شير هنزل الجزء الاخير بليل😘✋
لما بصيت على الجسم عرفت انها اميرة من غير ماابص على وشها ، دى اول واحدة انا مارست الجنس معاها يعنى لايمكن انساها وهي السبب فى اني اوصل لحد هنا واحلم انى اعيش حياة طويلة واكون ملكة فى الارض ، بس كل اللى كنت مستغرباله ان ازاى الناس بتقول بتصلى وبتصوم ومبتخرجش وازاى هى هنا دلوقتى وبتعمل اكبر حاجة ممكن تكون شر على الارض! ، خرجت اميرة ومهتمتش لوجودى ولا حتى قالتلى ازيك ووقفت قصاد الكتاب وحطت ايديها لحد ماالايد اختفت واتبقت اخر صفحتين ، ابتسم ماجر وقالي:
= انا عارف انكم اتقابلتوا قبل كده وده هيسهل عليا كتير بدل مااعرفكم على بعض من جديد.
القصة للكاتب مصطفى مجدى
.. ازاى كده؟ انا لسه سأله عليها وواحد من المنطقة قالى دى موجودة فوق بتصلى وبتصوم ومبتخرجش ، انا مش فاهمة حاجة!
= فعلًا حاجة لازم تحيرك ، احب اطمنك اللى هناك فى المنطقة مش اميرة ، ده قرينها واحنا اللى مسخرينه انه يعمل كده علشان منلفتش الانتباه لاى شئ ، خاصة من جارها اللى كان هيبوظ كل حاجة واللى اتسبب فى الجرح ده
عدل رقبة الجاكيت اللى كان لابسه ، لقيت رقبته متعورة وعليها لزق طبي ، مهتمتش استفسر ، واهتميت انى اسأله على عنوان البيت القديم ده اللى مش راضى يقولهولى ، فقولتله:
.. احنا المفروض بنبي مشروع مع بعض لازم تعرفنى مكان البيت ده فين على الاقل لو حبيت اجي اعرف ، مش تسيبنى على عمايا كده
القصة للكاتب مصطفى مجدى
مسك التليفون بتاعى وفتحه رغم انه ميعرفش الباسورد ، ودخل على موقع اباحى ، وشغل فيديو وادهولى ، اول ماشوفت الفيديو مبقتش عارفة انطق ، اخويا عماد فى فيديو جنسي هو وكذا راجل مع بعض ، وبصلي وقالى:
= هبعت معاكى حد يوصلك للبيت دلوقتى ، اكيد هتحتاجى تروحى
اول ماروحت لقيت بوليس واقف قصاد العمارة وقافلين المنطقة والدنيا مقلوبة ، طلعت جرى على شقتنا ، لقيت البوليس فى كل مكان والدم مغرق الدنيا ، دخلت جرى على اوضة بابا وماما لقيت ماما مدبوحة بالسكينة والشباك بتاع الاوضة على ايديه مليانه دم ، بصيت منه وفهمت على طول ان بابا قتل ماما وانتحر بعد ماوصلهم الفيديو بتاع عماد ، طبيعى يحصل ده وخاصة ان محدش فيهم هيقدر يرفع عينه فى حد ولا يتكلم او يتعامل مع حد ، ماجر مش انسان طبيعى ، كله بيموت وبكل سهولة واللى بيخططله بيحصل زى ماهو راسم وعايز.
بعد يومين فى النيابة ، تحقيقات وبهدلة ، السبب اتكتب فى المحضر ، جريمة قتل وانتحار بسبب فيديو اباحى ، ومقدروش يعرفوا مين اللى رفع الفيديو لانه رفعه من حساب متهكر وصعب الوصول لاى بيانات ليه.
القصة للكاتب مصطفى مجدى
روحت البيت نضفت الشقة من الدم علشان اقدر اقعد فيها ، وعلى طول حاولت اتصل بماجر لكن لقيت الرقم مرفوع من الخدمة ، مبقاش قدامى اى حلول غير انى استنى واشوف الدنيا هيحصل فيها ايه
مفيش كام يوم لقيته بيكلمنى على الساعة 7 الصبح وبيقولى ان فى عربية مستنيانى تحت البيت ، لبست بسرعة ونزلت قابلت ماجر فى العربية ومعاه اميرة وكمان لقيت سميرة اللى شوفتها فى الفيلا المرة اللى فاتت وجنبنا 3 نسخ من الكتاب الاغريقي القديم ، طبعًا فضولى خلانى سألته:
= في ايه
.. العيلة المجنونة دى رايحة للمرايا ولازم نكون هناك
= مرايا ايه ؟ انا مش فاهمة حاجة ؟
.. واحنا فى الطريق هفهمك وعايزك تنفذى كل اللى هقولك عليه ، علشان معاهم النسخة الرابعة من الكتاب
مشينا فى الطريق كتير لحد ماوصلنا للبيت اللى بيقول عليه ، وقالى :
= اول ماتقابلى اى حد هتمسكى الكاميرا دى وهتعملى انك شغالة فى الارشاد والاثار و ان انا خطيبك والبيت ده اثري واللى حط اول حجر اثاث فيه ياحوت
فعلا اول ماوصلنا هناك يادوب وقفنا العربية لقينا العيلة اللى بيقول عليها داخلة البيت القديم ومعاهم دجال شكله غريب الاطوار وكمان شوفت سميحة ، وعرفت على طول من غير مااسأل ماجر ان سميحة هي المطلوبة وان كل العيلة اللى معاها هتتقتل
فضلنا واقفين ومراقبين الموضوع من بعيد وماجر كان عمال يقول تعاويذ وكلام وسمعت كلمة المرايا كتير كأنه بيحركها علشان يعموا حاجة فى بعض ، بعد شوية لقيت امنية بتطلع فى الروح والكتاب اترمى بره البيت ، جريت بسرعة جبته وفضلنا واقفين ، بعد دقايق لقيت ماجر ابتسم وباصص ناحية البيت ، لما بصيت لقيت سميحة خارجة من البيت وجاية ناحيتنا وبدون ماتتكلم اي كلمة ، مسكت مني الكتاب وحضنتنه وركبت معانا العربية ، وماجر ماشى بص لسميحة وقالها:
.. متقلقيش ، البوليس لما هيروح دلوقتى هيلاقيكي ميتة جوه البيت
ابتسمت سميحة وقالتله :
= قريني بيعانى معايا ، بس كله راجعله فى الاخر....................
يتبع
الشير مهم جدا لرفع مستوى وصول البوست عندك، فضلا اعمله
بلاش تروح النار وانت بتسرق قصتى ، لو عجبتك اعملها شير او انقلها وحط اسمي "مصطفى مجدى" صدقنى مش هتخسر
لايك وكومنت علشان يوصلك الجزء التالى بكرة ان شاء الله
روايتى الجديدة "ضريح الفتاة المجمدة" معرض الكتاب2020
#افتح_انا_الشر_مصطفى_مجدى
#حمل_اسود4 #حمل_اسود #مصطفى_مجدى
