رسالة من مجهول 📝💖

الحلقة ١٧

الحلقة ١٧
#رسالة_من_مجهول
#بوسى_مصطفى
________________

في شقة راوية
فادي : انا نازل ياماما هتحتاجي مني حاجه
راوية : لا ياحبيبي سلامتك
تروح وترجعلنا بالسلامة يافادي
فادي : طب بتعيطي ليه بقى دلوقت
راوية وهي بتبكي: هتوحشني
قبل يدها وحضنها وقرب من باب الشقة وهو عينه ناحية باب اوضة أميرة
راوية : ادخل ل اختك يافادي
فادي : سلميلي عليها ياماما
راوية : مش عايز تدخلها ليه
فادي : ممكن تكون نايمه
راوية : لأ صاحيه انا عارفه
فادي قرب يخبط ع باب اوضة أميرة
اللي كانت منهاره بسبب حاجات كتير
سفر فادي.. وسفر سيف اللي اتفاجئت بيه... وكمان نبيل طلب ايدها..
وهي شايفه إن الكل موافق
اميرة بتمسح دموعها : تفضلي ياماما
فادي ببتسامة : بقى دي خبطة ماما
أميرة ببتسامة : هو انت لسه هنا
فادي : عايزانى امشي همشي
أميرة : انا لو عليه عايزاك تفضل هنا ع طول... بس طالما شايف إن مستقبلك هناك يبقى مع السلامة يااخويه
فادي بيطبطب عليها
فادي : ع فكرة بقى انا حاسس إننا هنسمح اخبار حلوة قريب
أميرة : دا انا لما يشرف النونو هاكله اكل هههههه
فادي : هههههههه مش دا اللي اقصده
أميرة : فادي ياريت منتكلمش في الموضوع ده
فادي : انتي اضايقتي ليه من طلب نبيل
أميرة : اتفاجئت انا عمري م حبيته ولا هو كمان
فادي : حب ايه بس اللي بتتكلمي عنه
هنعيده تاني يااميرة
أميرة : انت ليه مستهون بالموضوع دا
مع إنك متجوزتش يسرا غير بعد قصة حب كبيرة
فادي : ايوه بس كل واحد له ظروف غير التاني
وبعدين نبيل كويس يااميرة
اهو نبقى كده عيله واحده
أميرة : مع السلامة يافادي
فادي : عايزة تزحلقيني يعني
راوية عند الباب : روح ياابني علشان تشوف حاجتك بدل م تتلبخ الصبح
فادي : تصبحو على خير
حضن مامته واميرة وخرج
راوية بعد م وصلت فادي للباب وخرج
رجعت ل أميرة اوضتها
__________

اميرة : نعم ياماما
راوية : زعلانه ليه يااميرة
علشان فادي هيسافر ولا في حاجه تانية
أميرة بصوت مخنوق : كل حاجه بقيت وحشه ياماما
راوية : ليه ياحبيبتي ببتقولي كده
انتي لسه شباب امال اللي زينا بقى يقولوا ايه
أميرة : ماما انا مش عايزة اتجوز
راوية : بتسبقي يعني علشان منتكلمش معاكي
أميرة : ماما علشان خاطري مش عايزة مش عايزة
راوية :"طب اهدي... مالك عصبيه ليه
أميرة : علشان شايفه إن حضرتك موافقه
راوية : مفيش حاجه هتم بدون ارادتك يابنتي
أميرة : حلو... يبقى مش عايزة
راوية : طب نتكلم بالعقل شويه
أميرة : مش حضرتك قولتي مفيش حاجه هتحصل غصب عني
راوية : بس كمام نتفاهم بالعقل
وأسألك انتي رافضه فكرة الجواز ولا رافضه نبيل بالذات
أميرة : ماما انا لسه تعبانه ومفوقتش من اللي حصل الفترة الأخيرة
يبقى ازاي أوافق كده ع اول واحد يتقدملي
راوية : ونبيل طبعا اول واحد يتقدملك بعد الدكتور
أميرة : ماما حضرتك عارفه رأيي في الموضوع ده
وسيف ملوش ذنب خالص
انتو ليه بتعاقبوا
راوية : تاني يااميرة. اسمعي بقى اخوكي مسافر
ومفيش غير خيلانك هنا معانا يعني كلام في الموضوع دا مش هيسكتوا
أميرة : ليه ياماما قاسيه عليه بالشكل دا
راوية : انا يااميرة؟؟!
دا خوف عليكي يابنتي
بكره تعرفي إن دا في مصلحتك
_________