رسالة من مجهول 📝💖

الحلقة ١٨

الحلقة ١٨
#رسالة_من_مجهول
#بوسى_مصطفى
_________________

جلال : مديحه!
نوران تركت ايد جلال وبعدت عنه شويه
ونظرت لمديحه هي مرتبكه
مديحه : انا كنت... انا كنت جايبه الاكل... اهو على السفرة... بعد اذنكو
وقربت تخرج من الباب
مديحه : مبروك يانور
نوران وهي مدمعه : رايحه فين يامديحه
مديحه : هنزل تحت اقعد مع ام فادي شويه
جلال متكلمش لحد م مديحه خرجت
سحب المفتاح من الباب من بره وقفله
نوران عينها بتدور في الشقة
جلال بيخلع الجاكت وبيحدفه ع الكرسي وبيقعد
جلال : اقعدي واقفه ليه
نوران :"حاضر
قعدت وهي ناظره في الأرض
جلال : طبعا انتي عارفه الحياة هنا هتمشي ازاي
نوران : اه طبعاً عارفه
جلال : مديحه مراتي وعشرة عمري.. عشر سنين مش قليلين
فلازم نحترم مشاعرها
نوران :" انا عارفه كل دا
جلال : حبيت بس افكرك
نوران : عايزة اغير هدومي ممكن
جلال : اه اتفضلي في الاوضه دي
فتحلها باب الاوضه
نوران ببتسامة : جميله اوي
جلال : دي ذوق مديحه
نوران : اه ماهي قالتلي
جلال : هقعد بره علشان تبقى ع راحتك
هخرج اقعد بره علشان تغيري هدومك براحتك
_________

في شقة راوية
راوية : أميرة بتعملي ايه عندك مش هتيجي تتعشى يابنتي خليني انام بقى
أميرة خارجه من الاوضه بهدوء
راوية : مالك ماشيه ع طراطيف صوابعك ليه
أميرة : كنت بنيم باسم ومصدقت إنه راح في النوم
راوية : شاطره كده انا اطمنت عليكي
أميرة : من ناحية ايه
راوية : متعملهمش عليه ياميرو
أميرة : ماما طنط مديحه صعبانه عليه اوي
راوية : هنعمل ايه يابنتي..لا انا ولا انتي ب ايدنا حاجه نعملها
أميرة : ازاي حد  بيحب مراته ممكن يتجوز عليها
راوية : حبيبتي دا... شرع ربنا
وفي حالة خالك من حقه
أميرة : انا عارفه إنه من حقه بس انا بقول
راوية تقاطعها : بقولك ايه كلي وانتي ساكته علشان تنامي
أميرة : حضرتك رايحه فين
راوية : جايه... كلي انتي بس وملكيش دعوة بيه
خرجت راوية البلكونه
كانت مديحه قاعده وطبعاً منهاره وبتبكي اول م لمحت خيال راوية مسحت دموعها بسرعه
راوية : مش هتيجي تاكلي يامديحه
مديحه بصوت مخنوق رغم إنها بتحاول تبان طبيعيه : شبعانه ياراوية
راوية : ياوليه مش انتي اللي اشتغلتي زن في ودانه لحد م وافق
زعلانه ليه دلوقت
مديحه : جسمي كله وجعني
حاسه اني بردانه اوي
راوية : بالعكس الجو الليلة حر اوي
مديحه : بس انا اول مرة احس بالبرد دا
حاسه كأني واقفه في مكان مفيهوش حيطان... تايهه في صحرا لوحدي عطشانه وجعانه ومش لاقيه ايد تطبطب عليه
راوية بتطبطب ع كتفها وقربت اكتر حضنتها
انهارت مديحه كانت بتبكي وجسمها كله بيترعش
راوية : مالك يامديحه
مديحه : بردانه... عايزة اتغطا وانام
راوية : طب تعالي
في غرفة فادي
راوية : اجيبلك بطانيه تانيه
مديحه : لا كده كفايه
راوية : نامي انتي شكلك تعبانه
قولتلك متعمليش حاجه وكنا جيبنا اكل من بره مسمعتيش الكلام
مديحه : معلش ياراوية انا مش قادرة اتكلم عايزة بس انام
راوية : طيب ياحبيبتي تصبحي على خير
وخرجت راوية من الغرفة وتركت مديحه لوحدها
كانت بتراجع شريط حياتها مسدت ب ايدها ع السرير وبتتخيل جلال نايم جنبها
غمضت عيونها على دمعه سقطت ع خدها
___________