رسالة من مجهول 📝💖

الحلقة ١٩

الحلقة ١٩
#رسالة_من_مجهول
#بوسى_مصطفى
________________

نزلت نوران تحت عماله تفكر هتروح فين
لو رجعت دلوقت ل جلال طبعاً هيسألها ايه اللي جايبك دلوقت مستنتيش للصبح ليه
ولو عرف الحقيقة هيتخانق مع اخوها ازاي ينزلها لوحدها في وقت زي دا؟؟!
محتاره ومش عارفه تتصرف
شايله ابنها ع كتفها وماشيه مش عارفه  رايحه فين
ومنهاره وعماله تعيط
لحد م فكرت إنها تروح البيت عادي بس هتقعد في شقة راويه للصبح
وفعلاً دا اللي عملته
قدام شقة راوية نوران ترن الجرس
كانت مديحه فوق في شقتها بتقفل نور الصاله وبتطمن على الباب إنه مقفول
سمعت صوت تحت.. كانت نوران طبعاً عينها تعبانه من البكاء
راوية اتخضت اول م فتحت ولاقيتها ع الباب لانها عارفه انها بايته عند اخوها الليلة
راوية : خير ياام باسم في ايه
انتي كويسه
فتحت مديحه باب الشقة ونزلت جرى
راوية : أميرة خدي باسم نيميه جوه يابنتي
أميرة تضع الكتاب اللي في ايدها ع السفره وتاخد باسم من على كتف نوران وتدخل بيه اوضتها
راوية : اقعدي استريحي وقوليلي مالك
ايه مرجعك في وقت زي ده
مديحه تخبط جامد
تقوم راوية تفتح الباب
مديحه : مالك يانور... في ايه
انتو كويسين
نوران : الحمد لله.. يامديحه احنا بخير
متقلقيش اطلعي انتي نامي
راوية : طب يابنت الناس م انتي لازم تقوللنا في ايه
طب كنتي تستنى للصبح
ازاي جايه لوحدك كده
نوران : انا مش صغيرة ياجماعه مش هخاف يعني
مديحه : مامتك كويسه
نوران : الحمد لله
مديحه : مالك بقى
انهارت نوران ومقدرتش تداري وجعها وقهرتها من اللي عمله اخوها معاها
مديحه : شوفتي إن في حاجه اهو
بتكدبي ليه بقى
نوران : محروق دمى يامديحه وحاسه اني مكسوره اوي
مديحه : م عاش ولا كان اللي يكسرك ياحبيبتي
قوليلي في ايه
راوية : اشربي شويه مياه واهدي كده وخدي نفسك
انتي حد خضك وانتي جايه ولا ايه
نوران : اخويه اللي من لحمي ودمي طردني من بيته
مديحه : رائد!
معقوله يعمل كده
نوران : كل دا علشان عايزة اخد حقي
راوية : اهدي بس ياحبيبتي وكل حاجه هتتحل
مديحه : هو ايه اللي هيتحل دا ياراوية
ازاي يخرجك في وقت زي دا
اخس على الرجوله
راوية : هروح اعمل شاي بعد اذنكم
دخلت راوية المطبخ
مديحه : قوليلي بقى ايه اللي خلا رائد يعمل كده
نوران : قولتلك علشان عايزة اخد حقي وطبعاً حضرته رافض
مديحه : وايه اللي فتح الموضوع دا بس يانور
نوران : حقي يامديحه غلطت في ايه انا مش فاهمه
مديحه : مكانش وقته
نوران : امال امتى وقته
ما هو بيبني ولازم اعرف راسي من رجلي
مديحه : راسك من رجلك يعني ايه مش فاهمه
نوران : زعل مني علشان قولتله عايزة ابني شقة في البيت اللي بينيه
مديحه وهي مضايقه : ليه هو انتي هتروحي تعيش هناك
نوران : لأ طبعاً دي هتكون ل باسم ابني
مديحه : لما يطلع بالدور التاني ابقى وقتها اتكلمي
نوران : هو انا قولت حاجه ضايقتك يامديحه
مديحه : لأ ليه بتقولي كده
نوران : حساكي زعلانه
مديحه : اعملي اللي تعمليه يانوران
عايزة تعيشي هنا براحتك هتقعدي هناك برضو براحتك
نوران : براحتي ازاي هو انا مش متجوزه
مديحه : مش يمكن عايزه تاخدي جلال وتروحوا تسكنوا هناك
نوران : لا طبعا مين قال كده
ع العموم انا اسفه لو كلامي أتفهم غلط..
وبعد شد وجذب بين مديحه ونوران تخرج راوية من المطبخ
راوية : الشاي وصل
اقعدوا بقى اشربوا الشاي
مديحه : لأ انا هطلع انام.. هتطلعي يانوران ولا هتنامى هنا
نوران : هنام هنا والصبح هبقي اطلع عادي
بس متقوليش ل جلال أي حاجه
مديحه : لا متقلقيش جلال نايم اصلا
تصبحوا على خير
يرددوا : وانتي من اهل الخير
وتفتح مديحه باب الشقة وتخرج
راوية : هي مديحه مالها
نوران مردتش كانت سرحانه
أميرة : طنط باسم صحي وعمال يعيط
نوران : طيب ياحبيبتي انا جياله معلش ياام فادي  هتقل عليكي الليلة بس انام هنا لحد الصبح علشان مش عايزة جلال يحس بحاجه
راوية : ياخبر ياام باسم تتقلي عليه ايه بس
افتحي يااميرة اوضة اخوكي
ودخلت راوية جوه ااخدت باسم وشالته وخرجت بيه
نوران : ياخبر انتي شايله باسم ياام فادي
هاتيه... تعالي ياباسم
راوية : متشلهوش تاني ووسعي بقى اما انيمه في السرير
ودخلت اوضة فادي ونزلته ع السرير
نوران :"بيدلع... شايفه مفتح عينه ازاي
راوية : هههههه ياما العيال عملتها معايا يااختي
ثواني هجبلك حاجه من عندي تنامي فيها
نوران :" كتر خيرك ياحبيبتي
راوية : ع فكره انا بضايق من الكلام دا
انتي مرات اخويه فاهمه
نوران ابتسمت وقعدت ع السرير منتظره راوية
نوران : مبتنامش ليه
باسم : هو احنا جينا هنا تاني ياماما
نوران : اه ياحبيبي ماهو دا بيتنا
باسم : يعني دي شقتنا
نوران : لا ياحبيبي دي شقة طنط راوية مامت أميرة
باسم : اه م انا عارف
نوران : احنا بقى شقتنا فوق
باسم : شقتنا ولا شقة عمو جلال
نوران : قولنا بابا علشان ميزعلش مننا
باسم : بس انا عايزة ارجع لتيته
نوران : مينفعش ياباسم ونام بقى
تخبط راوية وتدخل
راوية : شوفي دي بقي هتنفعك ولا ايه
معلش ذوقي في اللبس كبير شويه
نوران : لا بالعكس دي مناسبه اوي
متشكره ياام فادي
راوية : تصبحي على خير ياحبيبتي
تصبح على خير ياباسم
تنام بقى ومتتعبش ماما
باسم : حاضر
نوران : وانتي من اهل الخير ياحبيبتي
______________