رسالة من مجهول 📝💖

الحلقة ٢٠

الحلقة ٢٠
#رسالة_من_مجهول
#بوسى_مصطفى
___________________

في غرفة سامح وسيف
سيف عمال يتقلب ومش عارف ينام
قام وقعد ع السرير
وبتنهيده قويه اخد التليفون
بيقلب يظهر الواتساب اب بتاع أميرة اللي عامله حظر
بيفكر يفك الحظر ومتردد
سيف : وفيها ايه لما اسأل عنها
مش لازم يعني يكون السؤال دا ليه غرض تاني
فك الحظر وبيكتب
" ازيك يااميرة اخبارك ايه"
وبيدور ع ايموشن مناسب
😀 لأ دا هيتفهم غلط
😊 ولا دا كمام
🙂 ايوه دا مناسب اكتر
"ازيك يااميرة اخبارك ايه🙂"
وضغط علشان المسج يوصلها

أميرة قاعدة ع المكتب بتذاكر مادة بكره
التليفون يعطي اشاره بوجود مسج جديد
تاخد التليفون ولسه بتفتح الرسالة متلاقيش أي حاجه
" تم حذف الرسالة"
تشوف الرقم والاسم...
أميرة : دا سيف
أميرة ولسه هتكتب مسج ليه
يعملها بلوك
أميرة حدفت التليفون على السرير
وبتبكي من اللي عمله سيف معاها

سيف : ايه اللي انا عملته دا
طب ليه بعتلها مسج
دا انت تافهه اوي يااخي
وادي التليفون
وراح قافل التليفون وغطا نفسه علشان ينام
_______________

بعد كام يوم
في شقة شكري
نعمه : هههههههه ايه دي ياعاليه كل دي كحكه يااختي
عاليه : امال زي اللي قدامك ده
يااختي كبري الكحكه شويه
علشان اللي ياكل يدعيلك
يسرا : معلش ياطنط هقوم اتمشى شويه
وقامت يسرا خرجت بره الشقة
نعمه : هي يسرا في الشهر الكام ياعاليه
عاليه : في التالت يااختي بس ايه بقى متبهدله اخر بهدله
بقولها هانت ياخلاص يابنتي
ايه ياعروستنا مفيش حاجه جايه في السكه كده
عايزين نفرح بقى
مردتش نوران ونظرت ل راويه
راوية : كله ب أوانه ياام نبيل
نعمه : على رأيك يااختي دا انا قعدت خمس من غير خلفه والكل كان عمال يقطم فيه
تقولش عامله جريمه
عاليه : مين يااختي اللي كان بيقطم فيكي
نعمه : موضوع وراح لحاله خلاص
عاليه : ولما هو راح لحاله بتقلبي فيه ليه
راوية : جرا ايه ياست انتي وهي مالكو كده اتجننتوا ولا ايه
نعمه : مفيش واحده فيكو تزغط ياست منك ليها
عاليه : مديحه بتعرف تزغرط انا زوري تاعبني
هي فين بالحق
نعمه : جوه بتغطي الصواني
عاليه : م تيجي يااختي تزغرطي للبت الغلبانه دي
هي فين رفيف هي كمان
ولا ماسكه التليفون برضو
راوية : يااختي سبيها تتكلم براحتها انتي مالك
عاليه : بقولك ايه ياراوية يااختي
متليني دماغ بنتك بقى
خلينا نفرح بالعيال هما كمان
راوية : يااختي ومين قالك اني مش عايزة افرح
سبيها بظروفها ياعاليه
عاليه : يعني ايه مش فاهمه
أميرة داخله الشقة بعد م خبطت
راوية : تعالي يااميرة
أميرة : سلام عليكم
يرددوا : وعليكم السلام
عاليه : اهلا بعروسة ابني ازيك ياميرو ياحبيبتي
أميرة نظرت لمامتها : الحمد لله
ياطنط
ازيك ياطنط نعمه.. ازيك ياطنط يانور
نوران : الحمد لله.. يااميرة
نعمه : احنا بخير يااميرة طمنينا عملتي ايه
أميرة بتنهيده : وأخيراً خلصت امتحانات
نوران : على خير ياحبيبتي
راوية : اه يانور ادعيلها
اصل انا حاطه ايدي ع قلبي
وخايفه اوي
نعمه : بإذن ﷲ
تنجح وتفرحنا كلنا
نوران : معلش ياجماعه هطلع انيم باسم فوق
اصل قاعد بينام على نفسه
نعمه : اتفضلي ياحبيبتي
وقامت نوران اخدت ابنها وطلعت فوق
مديحه خارجه من جوه
عاليه : يااختي شوفي الوليه
اول م شافت جوزها طالع فوق
قامت جرى ازاي
راوية : تقصدي ايه ياعاليه مش فهماكي
تغمزلها نعمه : ايه يامديحه اقوم اسوي ولا ايه رأيك
مديحه : اه هشغل الفرن دلوقت علشان اسوي
هي نوران راحت فين
عاليه : قامت طلعت فوق
ابنها كان بينام وقالت هتطلع تنيمه
ع فكرة جوزك جه
مديحه : اه طيب
ودخلت مديحه المطبخ
نعمه : انتي ياوليه مش هتبطلي حركاتك دي
عاليه : وانا قولت ايه
هو انتو مش شايفينه وهو طالع فوق
راوية : انا طالعه انا كمان يلا يااميرة
عاليه : ليه م انتي قاعده يااختي
ابقى قولي ل يسرا تطلع فوق عندك تريح في اوضة جوزها
راوية : م تطلع ياعاليه هو انا منعتها يااختي
يلا يااميرة
وخرجت راوية واميرة
عاليه : قولي لمديحه تطلع شقتها هي كمان
نعمه : ليه م تسبيها تساعدنا
عاليه : هو جوزها مش فوق
مفروض تطلع كده تعمله لقمه ولا يقعدوا مع بعض شويه
ولا هتسيب اللي فوق دي معاه
نعمه : عاليه ممكن تريحي نفسك شويه
وبعدين اللي فوق دي مراته
ولو خايفه ع احساس مديحه بجد ياريت تبطلي كلام في الموضوع ده
_______