فصليتي ضابطة الجزء الثاني (٢)

البارت التاسع

هلو طبعا ادري ببارت البارحة قصير معما انو هوة ٧٠٠ كلمة بس صراحة  تعودت اكتبلكم ٨٠٠ و ٩٠٠ بحيث هذا حسيته قصير وبنيه هم كلتلي قصير وانشري بعد واحد فعتذرت منهة وكلتلهة عاليوم انو اعوضكم وصدك سويتلكم البارت طويل لعيونهة ماحطيت اسم خاف هية متقبل او عدهة مشكلة . بس حابه اخذ رأيكم بشغلة اني هذي اول قصة  ككتابه بس اني صارلي سنتين اقرة بالواتباد لان قبل الواتباد جنت اقرة بكروبات بالفايبر وصراحة لحد الان دااقرة بكم كروب  وهذي القصة مكاتبتهة   من البداية يعني بس اني الكملتهة ومثل ميكولون ( الام الي تربي مو الي تجيب ) انفعلت شويه 😂😂😂
لاصدك والله يعني شتكولون اكمل مسيرتي بكتابة القصص يعني شلونة سردي بالقصة اتمنة انطوني رايكم بالتعليقات لان كلش يهمني ادري حجيت هواي . استمتعو وقراءة ممتعه .
⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩⁦♥️⁩

صكر .. مثل مكتلكم دعمت بنية بس مو دعمة قوية يعني ماأذيتهة بذاك الوقت نزلت من السيارة حتة اشوفهة لكيتة بنيه بسيطه لابسة صايه وشال ساعدتهة حتة تكوم
صكر .. متأذيه اختي اخذج للدكتور
البنيه .. لا تسلم  مامتأذية والله بس ماشفتك اعذرني
صكر  .. لاعادي اهم شي سلامتج اصعدي اوصلج البيتكم
البنيه .. لا شكرا متقصر اني اخذ تكسي واروح
صكر .. لا أحنة ولد شيوخ وهذا فخر النة انو نساعد ولو بشي بسيط
البنية .. ابتسمت .. والنعم منكم اهل الكرم صراحة خجلتني ومااكدر اردك وانتة شيخ .
صكر .. يلة لعد اصعدي اوصلج . صعدت ودلتني على منطقتهم وحجتلي عن نفسهة تشتغل مُدرسة بثانوية للبنات وممزوجة واسمهة سماهر  وعايشة وي اخوهة مزوج زوجتة حبابه وجانت طالعة تريد تروح لصديقتهة اتصلت بيهة واعتذرت منهة وسءلتني عن نفسي حجيتلهة ولاكن شي مختصر ومحجيتلهة عن نيلوفر وصلتهة شكرتني وانطتني رقمهة وكالت نتواصل اخذتة منهة وضلينة على تواصل قوة علاقتنه مرات حتى نتغدة سويه وطلع اخوهة جان وياي بالمقر حارس خطيه هسة مترقي وواصل ضابط وهم التقيت بي وتغدينا وضلينا نطلع سوية ونتواصل اما عنهة فحجيتلهة عن نيلوفر لان ارتاحيت آلهة وحتة نصائح تنصحني فكالتلي انو اني معجب بنيلوفر ونصحتني انو اتقرب منهة واعرف بعض الشغلات الي تحبهة تعودت عليهة وصرت احجيلهة يومي وحتة عن نيلوفر ومواقفي وياهة وجانت تتعجب على جرأة وقوة نيلوفر وجانت معجبة بشخصيتهة طبعا هاذي الاحداث كلهة قبل عيد ميلاد نيلوف قلبي . يوم العيد ميلاد من وصلنة للمطعم كتلكم راحن يغيرن لبسهن  دخلت واتفاجأت بعمار موجود صراحة مجنت حاسبله حساب 😖 ابد توني وجاد مبين عليهم ضايجين ومااعرف شنو السبب سلمت عليهم عادي وكعدنة ننتضرهة تطلع ونفاجـءـهة طلعت وياريتهة مطلعت جانت طالعة تجنن قسمً بالله حتة من اخوهة غرت وسماهر دكلي معجب لج بابا يا معجب اني طاير عقلي بيهة سلمت عليهم واتفاجأت بعمار وتضايقت  ومن حضنهة عمار بلكوة لزمت نفسي مااكوملة وهي اول شي مبادلتة وهذا الشي حيرني وفرحني حيرني من جهت انو خاف حبت واحد ثاني (( اي قابل شعدهة كلب لو رمانة وهي شلحكت تحبلهة واحد ثاني والله اني عندي تعيش لبتهة عالاقل وتترك هالسوالف )) احم نرجع للقصة
وفرحت انو بدت متحبة وبلكت تحبني بعدين اجت بتهة ميار طبعا سبحان الخالق نسخة من امهة واحلة حسيتهة صدك فرحت بشوفت بتهة صراحة مشهد مؤثر ادور بتهة ميار سلمت عالكل اضاهر تعرفهم وتعرف حتة كرم ومروة لان يتصلون بيهة كام بس الي صدمني متعرف عمار وحتة من سلمت عليه محبته يعني نافرة منة ادور وصلت إلي حسيتهة مستغربت كلش لان اني عندي ملامح وجهي تنطي شبه لملامح كرم بس اني حادة كرم بشوش والضاهر تحب كرم لذلك ارتاحتلي واني هم حبيتهة وضليت اشاقيهة تعلقت بيه جاب جاد الكيكة و  احتفلنة وكصت الكيك ووكلتهم كلهم والي يبوس والي يحضن عابتلهم منقصين حنان 😂 وصلت يمي ووكلتني ضليت كلما تريد توخر اكل اكثر خبلتهة هه وضلت تلغي طبعا بالي مو يم كلامهة بس صافن بيهة كالو نركص اني رفضت هية رفضت بعدين شاورت ياسر ولحو عليهة قبلت وراحت تغير فستانها انتضرت شوية ورحت وراهة شفتهة هم طالعة تجنن فديتهة عايدتة وصافحتهة وبستهة براسهة ورحت خفت لا اتهور اكثر غسلت ورجعت ورة شوية شغلو اغاني وركصت وي ياسر صح غرت بس ادري بيهة معتبرتة اخ سءـلتة الشباب ويامن حيركصون كاللهة واحد وي اللخ رفعت حاجبهة بعدين كاللهة عالبنات صراحة مرحبت بالفكرة بس سكتت هي هم مبين عليهة معجبهة الوضع ورة عشر دقايق وصلن البنات بس شنو وجهن يطرد النعمة لابخات لبخ الحايط مالابخة اللة وكيلكم بدن يروحن يم الولد طبعا مروة حذرتهة وكعدتهة بطاولة منعزلة هية وميار انذمجن سوية وذني البنات يتقربن ويسون اغراءات عود ميدرن اذا تتقرب يمي وحدة  اتقيء عليهة 😂 (( عابتلك ))
كامو يركصون جاد مركص وياهم ماادري ليش شفت وحدة راحت يم نيلوفر وضلت تباوع الياسر وتحجي نيلوفر مبينه حاصرة ضحكتهة بالكوة هذيج مااعرف شحجت ونيلوفر طكتهة ضحكة بحيث كلهة افتركت عليهة وعافتهم ومشت يم مروة وميار وتسولف وتضحك عبالك هية رادتهة حجة (( وهي صدك ))
ادور كملو ركص سوية وكعدو الولد بقن بس البنات وشغلن اغاني مو رومانسي وماعرف شنو لا هز وكامن يهزن باوعت لنيلوفر ومروة وميار يطكن صور سيلفي ويغنن بهدوء بيناتهم والله عندي نيلوفر تسوة الدنيا ومابيهة انتبهت علة هذيج البنية نفسهة الركصت وي ياسر وضحكت عليهة نيلوفر راح آلهة وضلت تحجي وياهة نيلوفر بالبداية تضحك وتباوعلهة باستهزاء بعدين مااعرف شكالتلهة لو هية حسيتهة نار كبرا بحيث لزمت هاي البنية خبزتهة خبز لعبت بيهة جولة  حجة وياهة عمار ويكلهة توديج ورة الشمس بس هية سكتته والبنية  من سمعت بيهة  ضابطة ضلت ترجف وبعد ولا واحد ادخل ولا واحد حجة هاي هلكد يخافون منهة ادور ذبتهة وراحت اخذت مروة وميار وكرم كاللهة اروح وياج اخذتهم وسلمت بس على جاد والباقين كالتلهم اني اترخص وبس . اما ميار لا سلمت عالكل ماعدا عمار 😜😂😂
وسلمت علية وحضنتني وراحت من راحو همة لؤي جاب علبة اسعافات وانطاهة للبنات الوياهة وكاللهن ضمدوهة  هنة بدن يضمدنهة وهي من شافت نيلوفر راحت استغلت الوضع وظلت تغلط وتفشر وتسب بنيلوفر طبعا همة بين عليهم كاعدين على اعصابهم وكلساع غالط عليهة واحد بحكم هية مرة ميصير يضربوهة بس من جابت سيرة خالتي ( ام نيلوفر ) فشرت عليهة جاد راحلهة وصفكهة راشدي فرهة فر بحيث بعد محجت حرف واحد كملن آلهة واخذهن لؤي وراح . سألت جاد عن سبب العركة او ليش ضربتهة نيلوفر
جاد .. تلكاهة استفزتهة بكلمة واخذت المقسوم بس تدري لو نيلوفر هنا وهاي هيج تسب وتفشر وخاصة من جابت طاري امي الله يرحمها كفيلك اللة لتضربهة ولاشي طلقة وحدة براسهة وتطلع عبالك ممسوية شي . ممسويتهة هية
صكر .. صدك تحجي وشلون وين تودون الجثة
جاد .. وهو هذا الشي المحيرنة تطلع تعوفهة بمكانهة ورة ساعتين ترجع تاخذهة وتطلع ووين توديهة الله اعلم
صكر .. وانتم مفكرتو تسءـلوهة
جاد .. لا اصلا نسوي نفسنة مدنشوف شي 😂
صكر .. حقكم والله اني هم كمت اخاف خاف اجفص ولنهة كاتلتني 😂😂 . بس هية والله قاسية
جاد .. اكو مواقف تجبرك تصير قاسي . يلة طلبتلكم اكل اعتقد وصل .
صكر .. اوك مشينة وكعدنة يم الولد وياسر ديحجي بالفون .
ياسر .. هذا يا كريم طالبنة اكل 😳
جاد .. وبكل فخر ( اني ) 😌
الكل .. هههه  😂😂😂
صكر .. وصل الاكل وكعدنة ناكل ونضحك لمة حلوة لمن خلصنة كلمن صعد بسيارتة وكلهم عزموني علمود يوصلوني لان ست نيلوفر وصلتني ومخلت واحد يجيب سيارتة صحيح ودتلي كرم كال تجي ويانة بس اني رفضت لان جنت احجي وي جاد وهي ماصدكت 😂
ركبت وي ثامر لان كلهم بيوتهم بعيدة بس هوة يعني على نفس الطريق . ظلينة تحجي بشغلات رسمية يعني عالشغل وعالشيخة وهيج شغلات وصلني للباب خطية اتشكرتة واصريت عليه يبات بس كال انو بيتة قريب تركتة على راحتة ودخلت لكيتهم ياكلون وحبيبت كلبي لابسة تراك يجنن من هذا الناعم 😂 ومبينة بردانة وحتة ميار مبدلة ويسولفون ويضحكون عزموني بس كلتلهم متعشي وصعدت للغرفة سبحت ولبست برمودة وتشيرت نص ردان معما انو الجو بارد طلعت برة الغرفة لكيتهة تخابر وتكلة اي انشاء الله ميشوفهة صراحة مفهمت ويامن تحجي او على شنو سءـلته كالعادة لسانهة شطولة مال كص والله عفتهة ودخلت لغرفتي نمت وكعدت متأخر بحيث هية مبدلة وتريد تطلع واني ستوني كاعد غسلت وجهي واسناني ورحت كعدت عالطاوله يم ميار دتتريك اكلت وياهة شوية وضلينة نتشاقه واخذت وياهة صور سيلفي فديتهة تجنن وادور راحت اني بدلت ورحت للغسيل اخذ بدلتي لكيتهة مغسولة ومكوية لبستهة هناك بغرفه عدهم وحذاءـي اني جنت جايبة وياي بالسيارة هم لبستة وحاسبتهم وطلعت بوجهي للمقر دخلت كلهة تعرفني وتضربلي تحية وسلمت على اصدقاءـي ورحت لغرفة الرئيس لان كالولي ينتضرك هوة وحضرت الضابط دخلت واتفاجأت بنيلوفر كدامي يعني هية الضابط انصدمت وهي اكثر بحيث محجت حرف بس صافنة بوجهي ..........................يتبع 

خلص البارت وسوتلكمياه طويل بال١٥٠٠ كلمة  بس انتم هم راعو تعبي وصووتو كلما تصوتون اكثر اطوللكم البارت واعرف انو البارتين مال البارحة واليوم مبيهن احداث جديدة بس أحنة لازم نشوف رأي الاثنين اني اكدر اكملهة للقصة كلهة عن نيلوفر بس وصكر لازم نشوف شحس شصار ويا ذيج الفترة وهسة نشرتلكمياه البارت من وقت لان عندي طلعة باي وصوتو ⁦♥️⁩⁦♥️⁩