فصليتي ضابطة الجزء الثاني (٢)

البارت العاشر

هلو ⁦♥️⁩  شلونكم حبايب انشاء الله بخير  . قراءة ممتعة
😻😻😻😻😻😻😻😻😻😻😻😻😻😻😻
نيلوفر .. من فات صكر صراحة انصدمت وخفت بنفس الوقت خفت انو منتوفق  بالقضية لان اني وصكر منكعد نص ساعة اذا ماتعاركنه شلون حنحل قضية خطرة يلة وانصدمت لان استوني دريت انو هوة ضابط  اللة كريم
الرئيس .. حضرة الضابط نيلوفر اعرفج بالضابط صكر وهوة زميلج بالمهمة . وحضرة الضابط صكر اعرفك بالضابط نيلوفر .
نيلوفر وصكر .. اتشرفنا  .. وتصافحنا
الرئيس .. دكدرون تباشرون بالعمل من اليوم .
نيلوفر .. ضربنا تحيه للرئيس وطلعنا . فتنا للمكتب وكعدت وهوة هم كعد .
صكر .. اي شلونج
نيلوفر .. باوعتلة بنص عين .  بخير
صكر .. دوم . شجمعتي عن القضية
نيلوفر .. اوك هسة اطلعهن طلعتهن وراويتهيا
صكر .. حلو بس يمته لحكتي تجمعين هالكد
نيلوفر .. سر المهنة 😌
بحثنة شوية معلومات وخلصنة وكلمن راح الشغلة اني عندي تدريب ويمكن هوة هم لبست ملابس مخصصة تيشيرت ابيض وجينز اسود والفريق نفس الشي رحت يمهم شفتهم الي يسولف والي يلعب بالفون والي يدخن صراحة عصبت كُلش صحت بيهم
نيلوفر .. شنووو هالوضعية !! . همة كمزو وضلو يتراكضون ووكفو سرة
نيلوفر ..  شجنتو تسوون . مجاوبو نزلو روسهم
نيلوفر .. حنطيكم عقاب
الفريق .. لا سيدي الله عليج لا
نيلوفر .. الله علة عيني وعلى راسي ووضعيتكم حتة اللة ميقبل بيهة عقابكم ٤ ساعات ركض بكل قوتكم بدون توقف تتوقف ثانيه  يزداد الوقت ساعة والفريق كُلة يركض بسرعة . كامو يركضون واني وياهم بس مااركض سريع يعني علمود اشوف من يوكف . كملنه بس شنو ولا واحد وكف .
نيلوفر .. الكم استراحة ربع ساعة ثم نواصل
الفريق .. ساعة
نيلوفر .. ولا نص ساعة يلة ترة حيخلص الوقت ولتخلوني اسويهة عشر دقايق . راحو كعدو والي تمددو وواحد يفرك رجلين اللخ 😂
اني هم كعدت شربت مي وشفت صكر هم ديدرب بس هوة تدريبة عادي يعني مو بذيج القسوة
خلصت الربع ساعة .
نيلوفر .. يلة خلص الوقت والتدريب الثاني حيكون سباق بس وياي واحد واحد تتسابقون وياي والي اغلبة ينضف الحمامات .
الفريق .. حاضر
نيلوفر .. طبعا اني كلش كلش سريعة داخلة حتة دورات زيادة السرعة وهمة مكيفين وعبالهم يفوزون علية
وكفتهم سرة خليت الرشيقين بالبداية والوسط والي شوية عندهم سمن بالاخير لان بالبداية اكون أكثر سرعة وادري بنفسي حتعب بلشنة بأول واحد ركضنه واني متقدمة وحاول يسرع بس اني فزت وهوة مصدوم والباقين مصدومين أكثر بداخلي ضحكت على أشكالهم المهم كملت الثاني والثالث والرابع والخامس وكلهم اني افوز بس اخذ استراحة بين واحد واللخ كملتهم وكعدت على مسطبة  تعبانة انمدلي بطل مي رفعت رأسي شفت واحد من الي ادربهم مقدملي بطل مي اخذتة وفتحتة وشربت وسديته هوة كعد عالمسطبة المقابيلي طبعا هوة شكلة حلو ومربي شعرة طويل يمكن لو ينزلة يوصل لخشمة ضجت لان ماكو التزام ابد مملتزمين المخالفات العدهم لو بتركيا سجن حتة اشهر بس شنسوي للحكومة حارمتنة من أبسط حقوقنة المهم كعد يمي اني ضالة افكر بيني وبين نفسي وهوة صافن عليه
نيلوفر .. اي سجاد محتاج شي . طبعا هو اسمة سجاد
سجاد .. لا سيدي بس صراحة انتي كل يوم مفاجـءتنة
بشي جديد بيج انتي مختلفة احسج مميزة بكل شي وقوية قوة جسد وشخصية . طبعا هوة مبتسم ويحجي
نيلوفر .. امم انشاء الله تصير احسن مني . وصدكني اني صرت بهاذي القوة من بعد ضروف  جبرتني واكو أشخاص محتاجيني فقويت نفسي عاد لخاطرهم  بعدين انتبهت لنفسي وتوترت وكتلة يلة اني اترخص  . صراحة اول مرة ادخل أحد من الناس الي اعرفهم بشغلي بحياتي الخاصة .
سجاد .. ابتسم ولاحض توترهة براحتج سيدي . واخذ البطل مال المي وياه وراح .
نيلوفر .. اتفاجأت من أخذ البطل مال المي بس مهتميت
وشفت صكر خزرني وراح . حصونة شبي هذا ادور درت وجهي وغيرت ملابسي رجعت للبس الرسمي وكعدت كملت أوراق وكعدت صافنة اجاني ولد هم مدربتة
دك الباب
نيلوفر .. اتفضل . دخل وضربلي تحية وكال
الولد .. سيدي صار عندي ضرف عاءلي اكدر مااحضر التدريب .
نيلوفر .. امم متأكد ضرف عاءلي لو هاذي حجة
الولد .. لا والمسيح ضرف عاءلي
نيلوفر .. اوك لعد روح حعفيك من التدريب
الولد .. ابتسم مشكورة سيدي اخذلي تحية واترخص وراح . طبعا عندي بعد تدريب ثاني بس مو ركض أو ماعرف شنو يعني ميحتاج ابدل لان حنتدرب شلون نقتل الحية (الافعى/الثعبان) السام طبعا الي أحنة جايبيهن مو سامات بس أحنة نكول هيج علمود التدريب كملت الشغل البيدي وطلعت لساحة المقر لكيتهم مجتمعين سروات ضحكت بداخلي غزر بيهم العقاب رحت يمهم ضربولي تحية
نيلوفر .. تعرفون شنو راح نسوي اليوم
الشباب .. لا سيدي
نيلوفر .. اوك حتعرفون .. دك جهازي الرئيس يتصل جاوبت
نيلوفر .. الو نعم سيدي
الرئيس .. الو حضرة الضابط نيلوفر وصلت الأفاعي دزي اربع شباب زينين يشيلون الصناديك
نيلوفر .. اوك سيدي . طبعا فهمت قصدة من كال زينين يعني اقوياء عدهم عضلات وكذا اختاريت سجاد لان هوة ضخم وويا تلاثة هم نفس الشي وراحو جابوهم وحطوهم يمي ورجعو لمكانهم اخذت وحدة من الحياية وضليت اسويلهم بيهة حلول شلون يكتلوهة اذا مجان عدهم سلاح يحميهم وكلعادة انصدمو مني شلون لازمتهة واحجي بطلاقة عبالهم بنوتة كيوت والماعاجبة يموت 😂
خليتهم يجربون الي معرف والمشكلة انو من ميعرف أو يخطأ بشي بسرعة يذبهة يخاف تكرصة واني بالكوة كاتمة ضحكتي والباقين يضحكون واني اعيط بيهم
وصل السرة لسجاد كدر يجعصهة وضل يطفر عليهة  كتلة
نيلوفر .. يمعود كافي سويتهة طحين 😂
سجاد .. احسن علمود متكرص أحد
نيلوفر .. اني متحملت درت وجهي وضحكت وهوة هم ضحك كملنة تدريب وانتهة الدوام رجعت للبيت ميته تعب دخلت لكيتهم نايمين صعدت سبحت ونمت حتة مأكلت 

صكر ... عرفنة الرئيس على بعض ميدري هية الساكنة كلبي بس كبريائي ميسمحلي اعترف وادري بيهة حترفض ليش افشل روحي رحنة للمكتب وشفت البحث مالهة صراحة حلو جامعة هواي معلومات وبوقت قصير جمعتهن وصارت عدنة معلومات كافية رحنة للتدريب اشوفهة شلون قاسية وشلون يخافون منهة واكو الي مينزلون عينهم منهة بس هية ممهتمة ابد تأدي واجبهة وتروح وشلون من سوت سباق غلبتهم كلهم انصدمت من سرعتهة وجرأتهة كلشي بيهة حلو بس من حاجاهة ولد يتدرب بالمقر اشوفة من ادربهم عينة مينزلهة منهة ونضراتة نضرات حب وهذا الشي زعجني هواي ومن قدملهة المي اشتعلت شعل بودي اروح اكسرة وكعد يمهة وضل يسولف وهي انطلقت ويا وبالاخير توترت واخذ البطل وكام ردت اروح افلشلة وجهة واني عبالك مشتغل مراقب عليهة . من  كامت خزرتهة ضلت تتأفأف ودير بوجهة كملت تدريب طبعا اني تدريبي عادي يعني حالي حال الضباط اللخ بس هية لا مختلفة والكل يحجي بيهة وادور دربتهم مرة اللخ ولزمت الحية هاي ماكو شي صعب عليهة وامنيتي اعرف من شنو تخاف ولو يمكن حتة متعرف شنو خوف 😂

ستوب خلص البارت ماخلصتة لمن روحي طلعت لان مابديت بي من وقت الساعة بالعشرة ونص يلة بلشت وتعبت لاتنسوون التصوويت ⁦♥️⁩ قدرو تعبي وبالنسبة للبنات الي يكولون الكاتبة القديمة احسن لان تكتب البارت اطول واحلة انتو تدرون هية جانت كل ٣ ايام بارت وحتة أكثر من تلاثة واني مجابرة أحد يقرة القصة . طبعا هاي البعض مو الكل اكو الي يحبوني والي يدعموني والي يتفهموني ⁦♥️⁩ باي واكللكم مرة ثانية لاتنسوون التصوويت علمود اكتبلكم أكثر باي