بقلمي : Jawhara
اخاف ان تمطر الدنيا ولست معي..
فمنذ رحتي وعندي عقدة المطر..
*******
رن موبايله من شاف المتصل فتحه بسرعه .
_السلام عليكم شلونك
ابتسم نشوان ..وعليكم السلااااام شخبارك مشتاقلك
والله.
_عتبان عليك تنزل اجازتين وماشوفك .
_ابو الشباب تراني سألت عليك وانت جنت مسافر
اضيعك الكاك بعمان متكلي شعندك يوميه مسافر
انت مو سنين عشت هناك مامليت.
_يمعود والله شغل تدري معرض السيارات وهوسة العقود لازم اسافر .
_ههههه والله انت مو راحه بحجه الشغل ومكضيها
ونسات لاتكلي ازوجت هناك وعفتها .
_ههههه يول شبيك هاي سالفه صارلها سنين لاتخاف
مليت حولت عالعراقي اااخ وشلون صاكة راح تخبلني عنوديه .
_فاااارس بطل يول لاتضحك على بنات العالم .
_شبيك نشوان لوما انت تعرفني زين الحرام ماكربله
علاقاتي الراحن كلهن بالحلال.
_ايييييه وانت الصادك عقد سيد وبعدين ادعبلها.
_هسه اني اتصلت اسأل عليك لو تفتحلي تحقيق
حضرة النقيب.
_فارس والله لان صاحبي واعزك اريدلك الخير
يول انت وحداني اشو حتى اخوتك ما تلتقي بيهم
_اااخ لاتكلب المواجع صار جم سنه ما شايفهم
مرات اكول خل اصير احسن منهم وازورهم بعدين
اغض النظر اشو هو بس عموري الله يرحمه جان
كلبه طيب واني جنت احبه صدك جان اخويه
من اندعم ومات جنت بالاردن محد كلف خاطره وخابرني الا ورى سبوعين من رجعت يلا .
_اي الله يرحمه بوكتها اني هم جنت بالدوام مادريت بي.
_هاي هي لاتكلب عليه المواجع اخوتي من ابويه
على كتر ههه عود اني اخوهم الجبير .
المهم هسة انت وين وديتنا شوكت تنزل عازمك على غدا بالبستان وشلون ونسه .
_يابه اذا بالبستان اجي ركض ونسبح بديالى.
_هاي هي منسوب المي مرتفع صار يومين ههههه
دير بالك اخاف عليك تغرك.
_امشي لك خاف على روحك.هههه اني هالاسبوع
نازل ان شاء الله.
_ ديلا عيوني دير بالك على روحك الله وياك.
فارس صديقه لنشوان من زمان هو اكبر عمره ٣٥ سنه
وحداني رغم عنده اهل خوان ٤ وخوات ٢ ماعايش وياهم من صغير امه توفت وابو تزوج جانت قاسية عليه متريده فأخذته جديته ام امه ربته ابوه جان ياخذه يبقى فتره ويرجع يم خواله عايشين بغير منطقه بس بديالى جان ميتوالم ويه اخوته بس عمر الصغير علاقته زينه بي وخواته البنات هم
من كبر ابوه توفى وبعد ماراجعهم لان صارت مشاكل
عالورث اخوته اصغر منه فرق اربع سنين حاقدين عليه ميردونه يورث وياهم رغم هو الجبير
بس ناس كاتلهم الطمع والحقد امهم تقرا بعقولهم
فارس اعتمد على روحه خلص معهد ادارة وجان يشتغل ويه خاله بالسيارات وكدر يوكف على رجله
ومشت وياه وصار يلعب بالفلوس لعب يتعاقد ويه جماعه بالاردن وكثرت سفراته وكدر يكون علاقات
لان صارله سنين بالشغل جديته توفت وقرر يطلع
وحده بعيد عن خاله الوحيد رغم معارضة خاله
بس مقبل لان عائله خاله جبيرة مرة وجهال خير من الله جبيرهم بالكليه
مكضي وكته بمعارض السيارات اليملكها هو وخاله
معرض جبير يملكه وحده واثنين شراكه ويه خاله
حياته الخاصه كل فترة متزوج عقد سيد ومطلك
ياهو التعجبه ذبلها لكط شهر شهرين وطلكها
ميريد يلتزم وياهن يحب يونس روحه رغم هاي
سوالفه بس من احد ينخا يوكفله ويحب يساعد
فد شغله النسوان ميبطلها.
وبرايه مادام بالحلال محد عنده شي يمه.
أنت تقرأ
الرجل الأخر
ChickLitالنقيب نشوان عادل سليمان ..من مدينه الجمال ورائحه زهرة قداح البرتقال ديالى 🌼جريء ولديه روح المقاتل الشجاع .. لايتوانى عن فعل اي شيء في سبيل تحقيق هدفه كرجل امن اتخذ على عاتقه حماية وطنه.تفرض عليه امرأة فاتنه راقية هل يقبل بها وهو كل ما يهمه نداء ال...
