ارواح لاجئة (مكتملة)

الجزء التاسع عشر

ارواح لاجئة
بقلم //الفهدة السوداء
البارت التاسع عشر

ورا شهر من اليأس والبحث عن اجوبه
والصراع النفسي الدائم
رحت لبيت اهلي..
اول ما دخلت
امي كاعده بالهول
كاعادتها
بطانيه خفيفه ع رجليها
بس شفتها
علت وجهي علامات استفهام
صاحتني

نادية ::تعالي مامه

ماريان ::شلونج مامه

حظنتني بوستني
واني جامده تمنيت اسالها بس ماعندي جرأة
وعدت خاله نسرين ما اجيب طاري الي صار

ناديه ::ميري وديني لغرفتي
اريد ارتاح
ضهري كام يوجعني

كمت سندتها
وديتها لغرفتها واني ساكته وهي تباوعلي

مددت بالفراش
تغطت رحت لميت ملابس جانت ع ميز البالغرفه
حطيتهن بالسله مال الملابس الوسخه
لميت الجراجف والغراض

ناديه ::ماريان تعالي كعدي هناا
داحجي وياج

رحت كعدت مقابيلها يم رجليها
صعدت رجليه فوك الفراش
وباوعتلها

ماريان ::هاا

ناديه ::شنو الي يدور ابالج وتريدين اجوبه مني

باوعت نظرتها داريه بيه
ماريان ::هاا اجوبتيش

ناديه ::شنو الي مدوخج
ومخليج تعوفينه هيج
لمعت عيونها بدموع
دائما جنت احارب في سبيل هاي الدموع ماشوفهن
هالمرة اني قاسيه
باوعتلها ودرت وجهي

ناديه ::جدج جان ضالم ويريد يزوجني ويتاجر بيه

ماريان ::لو يريد يتاجر بيج ماجان خيررج بالتاجر المسلم وانطاج حرية الاختيار

ناديه ::مايكدر يجبرني اسلم
ولا اي احد بالدنيا يكدر يجبرني اصير مسلمه بدون ارادتي
لذلك تجنب حرب بين عوائلنه
لان اذا انطا غصب عني
راح الايام تبين ثباتي على ديني
ومن يعرفون باقية مسيحية لو يضربوني ويرجعوني لاهلي لان خدعتهم
لو يحبسوني وبالحالتين تخرب علاقته بيهم

ماريان ::ليش هيج سويتي
جان عفتي بابه واخذتي اي واحد برضات اهلج
شلون هيج سويتي بيهم

نزلت دمعه يتيمه على خدها الابيض
ناديه ::جان يريد يزوجني لواحد سكير
لان غني
من عائله غنيه جدآ
حاولت افهمه ماريد هذا الشخص
ما سمعلي بالعكس اذكر ضربني بكفا ايده انشكت شفتي باسناني
لان رفضت ارادته وماردت هالسكير
تقبلين اتزوج سكير
عنده علاقات مو شرعيه ويا هواي بنات
تقبلين يكسر ضهري ويا واحد ما احبه ولا اطيقه ولا اريده
وابوج المسكين اكثر من مرة خطبني
ما يقبل حته يفكر بطلبه الي
مرة كلتله يابه ليش ماتقبل بسمير ممكن اعرف السبب
والرب جنت اريد سبب
حته اكول ابويه يخاف عليه ويريد مصلحتي
جنت اريد سبب حته الزم ضهر ابويه وامشي برايه
تعرفين شكال
كال سمير حافي مايفيدنه
احنه نريد نسب يقوينا ويقوي مركزنا
ما نريد واحد يلفي علينا ويدور عزوة بينا
انصدمت من جوابه
رحت لامي كلتلها اني مقتنعه بسمير واريده
بلغي بابه بلكت يعيد النظر بي
اني احبه و هو يحبني ماريد غيرة
تدرين امي الي المفروض تسندني
لان اني وحيدتها لزمت الجفجير
جان قريب عليها بالمطبخ
وضربتني لحدما اغمى عليه
جانت تضرب بيه وتكول ماربيتج عدل
بنت الشوارع احسن منج
على الاقل بنت الشوارع ماتوكف بوجه امها
وتكول احب فلان
توسلت بيها وكلتلها مو لان اني مستهترة هيج حجيت
بس اريدج تساعديني انت امي المن اروح لعد
كالت ارضي بالي ابوج يريده ابوج ادرى بمصلحة العائله
ورا ساعات ابويه دفر الباب مال غرفتي
وكمل على الباقي مني كطع شعري
ضربني بالنطاق
ما جن اني وحيدتهم
استفردو بية
خافو مني لا ارفض السكير الي اجاني
واخزيهم بين المنطقه واهلها
شكد جنت متمسكه بسمير
ورا الكتل الي شفته تمسكت بي اكثر وحبيته اكثر
احس كلبي تعلك بي
وصلله خبر اهلي ضربوني رجع جاب اهله وعشيرته وشيوخ وطلبني
وابويه نفس الموقف مايريده
ورجع ضربني ابويه لان اعتقد انو اني وصلت خبر لسمير
حته يجي يخطب من جديد
وكال
جايب اهله وعمامه حته يحرجني اني احرجته حته يتوب يدك بابنه بعد