ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၈၅)အလောင်းအစားကြီး

အပိုင်း(၈၅)အလောင်းအစားကြီး

ဒါက တောင်ဘက်အဆောင်လား?...တကယ်ကို အနောက်ဘက်အဆောင်ထက် ပိုခမ်းနားတာပဲ

နေသည် ငုပ်လျှိုး ပျောက်ကွယ်တော့မည် ဖြစ်သည်။ ကျန်းရီသည် ညစာစားပြီးနောက် ချမ်ဝမ်ကွမ်၏  ညွှန်ကြားချက်အတိုင်း လာခဲ့ရာ တောက်ဘက်အဆောင်သို့ ရောက်ရှိလာလေသည်။ ကျောင်းစည်းမျဉ်းအရဆိုလျှင် သူသည် တောက်ဘက်အဆောင်သို့ လာခွင့်မရှိပေ။ သို့သော် သင်တန်းကျောင်းသည် ထိုနေ့က ဖြစ်ပျက်ခဲ့သည့်အရာကို ဖုံးကွယ်ရန် သူ့ကို အမှတ်၅၀၀ ချီးမြှင့်ထားခဲ့သည်။ ထို့ကြောင့် သူသည် သာမန်ကျောင်းသားများသာ လာခွင့်ရှိသော တောင်ဘက်အဆောင်ဆီသို့ လာခွင့်ရခဲ့သည်။

ယခု ဆရာကျောက် သေပြီဖြစ်ရာ သင်တန်းကျောင်းသည် ဆရာကျောက်နေရာတွင် အစားထိုးရန် ဆရာတစ်ယောက်ကို သေချာပေါက် စေလွှတ်မည် ဖြစ်သည်။ ချင်ဝမ်ကွမ်ပင် သူ၏ အဆက်အသွယ်များနှင့် အပေးအယူ လုပ်နိုင်ရန် မသေချာပေ။ ထို့ကြောင့် ကျန်းရီသည် နေ့လည်ဘက်တွင် နတ်ဆိုးသားရဲများကို အမဲလိုက်နေရရာ ညဘက်မှသာ လာရန် အချိန်ရှိလေသည်။

သိုင်းလေ့ကျင့်ခန်းမဆောင်၊ ဆေးဗိမ္မာန်၊ ယန္တရားပစ္စည်းများခန်းမ၊ ရှေးဟောင်းသမိုင်းဝင်အထိမ်းအမှတ် ခန်းမ....

လမ်းလျှောက်နေရင်းမှပင် ကျန်းရီသည် ကျင့်ကြံရာတွင် အသုံးပြုသော အထောက်အပံ့ဆိုင်ရာ  ပစ္စည်းများစွာကို တွေ့နေရသည်။ ချမ်ဝမ်ကွမ်ပြောသကဲ့သို့ပင် ထိုပစ္စည်းများတွင် ဆန်းကြယ်သော စွမ်းရည်များစွာ ရှိသည်။ ဥပမာအားဖြင့် သိုင်းလေ့ကျင့်ခန်းမဆောင်အတွင်းရှိ အသက်မဲ့အရုပ်များသည် ကျောင်းသားများကို သိုင်းပညာရပ်များတွင် သဘာဝလွန်အဆင့် ရောက်အောင် လေ့ကျင့်ပေးနိုင်လေသည်။ ဆေးဗိမ္မာန်တွင်မူ ကျောင်းသားများ ကာယစွမ်းအား တိုးတက်စေရန် ရေချိုးနိုင်သော ဆေးရေကန်တစ်ခု ရှိသည်။ ယန္တရားခန်းမသည်မူ ကျောင်းသားများကို လျင်မြန်ဖျတ်လတ်လာစေရန် ကူညီပေးလေပြီး အထဲတွင် ရှောင်တိမ်းလေ့ကျင့်ရသည့် ထောင်ချောက်များစွာ ရှိလေသည်။