فصليتي ضابطة الجزء الثاني (٢)

البارت الحادي عشر

كعدت من النوم جسمي مكسر وعضامي ترجف ودايخة
بلكوة كمت من الفراش سندت نفسي و ردت انزل ماكدرت  رجعت ليورة وسمعت صوت باب غرفة نفتحت وسمعت اسمي وبعد محسيت بشي غير اني بالمستشفى والكل واكف على راسي حتة الشيخ وجاد وياسر وعمار اللزكة صارلة يومين يتصل اتحجج بتعبانة وعندي شغل
الشيخ.. الحمد لله على سلامتج بنتي
نيلوفر.. اللة يسلمك شيخ. كلهم تحمدولي عالسلامه وكالو جنت مصخنة صخونة قوية وبلاعيمي لأن سبحت ونمت وعفت شعري مبلل. لعبت نفسي من المستشفى كلش كتلهم.
نيلوفر.. أريد اطلع منا
جاد.. حبيبتي بس يخلص المغذي ونطلع
اني لعبت نفسي وهذا يكلي مغذي. أخذت المغذي وسويته وصل وكمت لكيت نفسي لابسة لبس مستشفى فد قرفت من نفسي وردت اتقيأ صحت بيهم
نيلوفر.. منوو مغييرر ملابسي بصوت عالي
جاد .. اهدي يعمري البارحة اجت مروة وغيرتلج
من كال مروة ارتاحيت أخذت تراكي الجنت لابسته ورحت للحمامات رجعت عليه وجنت فاله شعري ضفرت صفح وطلعت لكيتهم رايحين باقي بس جاد لكيته مسويلي خروجية صح فكتني الصخونة بس جسمي نحلان بلكوة امشي سندني جاد كعدني بالسيارة ورحنة للبيت وصلنه هم سندني وفوتني لاكتني الحجية اخذتني من عندة ماقبل كالهة اني اصعدهة لغرفتهة وصدك شالني وصعدني خلاني عالسرير وضل كاعد يمي يسولف وياي ويحاول يغير مزاجي
نيلوفر.. اكول جادو مو اليوم عندي دوام منو اخذلي اجازة.
جاد.. اني وصكر هم حاجينه لرءـيس واجة بنفسة سءـل
عليج وشافج مبين خوش رجالل ونطاج اجازة يومين علما تتحسنين لأن يكول عدنة قضية مهمة. وصدك اجة واحد من التدربيهم يمكن اسمة سجاد خطية هم هواي ضل يمج
نيلوفر.. أمم يعني باجر هم مااداوم
جاد.. أي نعم ارتاحي. صعدت الحجية خطيه جايبتلي شوربة دجاج وجاد اطمن عليه وجبرني اكل كل الصحن وهوة هم جابتلة الحجية أكلة وهم وكلني ويا 😂
وترخص وباسني براسي وراح صعدت يمي مروة
مروة.. هلا والله الحمد لله عالسلامة عيني
نيلوفر.. ضحكت اللة يسلمج
مروة.. ولج رعبتينا لو تشوفين من نزلج صكر بس ترجفين خفت عليج
نيلوفر.. يعني صكر إلى نزلني
مروة.. أي وخابر جاد اجة ويا عمار بس والله عينه زايغة
نيلوفر.. عابتله حجيتهة بدون وعي باوعت على مروة باوعتلي مستغربة
مروة.. ياا ولج مو جان حبيبج ورومنسيات وكذا لو شفتيلج واحد ثاني
نيلوفر.. اكلي تبن اكلهة عابتلة تكلي شفتيلج واحد ثاني بابا زعطوطة شحجي وياج
مروة.. اكلج ترة هنة كلهن خمس سنوات بيناتنة قابل عمري  15 وزعطوطة وبعدين شبي وياج استاذ عمار
نيلوفر.. سولفتلهة كلشي ونصدمت
مروة.. عزة ولسة معايفته
نيلوفر.. هوة اكيد حينكر فأني اريد اثبتله واراوي بعينه انو اني عرفت حقيقته.
مروة.. الله يوفقج وإنشاء الله تكدرين تكشفيه
نيلوفر.. تسلمين حبيبتي
مروة.. الله يسلمج ياعمري.  حجيب فراش وانام يمج
نيلوفر.. عليمن فراش نامي عالجربايه. نامت مروة وكمت سبحت لأن ادري بجاد هوة محاجي الحجية وصعدتهة يمي علمود مااسبح بس اني ماتحمل سبحت ولبست تراك خفيف وشربت ادويتي ونمت............................................

صكر.. طلعت من المقر هية طلعت قبلي واني ضليت عندي شكم ورقة كملتهن وطلعت رجعت للبيت لكيت بس الحجية كاعدة تحضر للعشة ومروة ستوهة راجعة من الكلية ونايمة ونيلوفر من اول مااجت بعد منزلت صراحة استغربت لأن مو بعادتهة تضل نايمة لهيج وقت بس كلت يجوز تعبت اليوم وصعدت سبحت ونمت كعدت وكمت طلعت من الغرفه شفت نيلوفر رادت تنزل ورجعت ليورة
استغربت ضليت اباوعلهة مبين عليهة داخت صحت عليهة وركضت آلهة شلتهة ضلت ترجف بين اديه خليت ايدي علة جبهتهة نار نزلت الدرج طيران أخذت السويج وطلعت شافتني امي ضلت تلطم وجابت عبايتهة وصعدت وضلت تصحي بيهة وتصلي عالنبي وتقرأ على راسهة وصلت للمستشفى نزلتهة وشلتهة وصحت عليهم ولاواحد  ردت سدية وادور اجة حارس المستشفى
الحارس.. عيني هذا مكانك مو قانوني صف السيارة بالكراج
صكر.. روح جيب سدية بسرعه متشوفهة حتموت ياسيارة يابطيخ
الحارس.. اولا هذا موشغلي وثانية تموت تعيش شعليه غير مكان السيارة
صكر.. اني فارت اعصابي طلعت ممرضة عطت بيهة جابت سدية واخذتهة وامي  الحجيه وياهة. لزمت الحارس راويته باجي ضابط كام يتبلعم وبلكوة اخذ تحية من الخوف بعده مكمل انطيته بوكس واصيح عليه
صكر.. يعني لو واحد عادي موضابط وزوجته تولد هم تسوي هيج ششايف روحك بحجاية مني اوديك ورة الشمس حتة شغلك هذا الشايف روحك بيه تخسرة فاهم لو لا وانطيته المقسوم ورحت دخلت لنيلوفر لكيت منطيهة أبر ومغذي وكالو باجر يطلعوهة خابرت جاد اجة
ووجهة مصفر خطية
جاد.. أي صكر فدوة شلون صارت هسة
صكر.. لتخاف مبيهة شي والله انطوهة أبر ومغذيات باجر تطلع وهسة راح أودي الحجية للبيت
جاد.. وديهة خويه والله هية تعبت وياهة اليوم وانت هم تعبان روح ارتاح  وماعرف شلون اجازيك
صكر.. يمعود احنة أهل صدك تحجي. وترخصت وطلعت رجعت الحجيه ولكينه مروة قلقانه وحدهي بالبيت الشيخ عنده كعدة بالعمارة ورايح وكرم قبل يومين راح الاربيل وي جماعتة سياحة. طمناهة وجلبت تجي وياي قبلت و اخذتهة لأن نيلوفر يمكن تحتاجهة تبدللهة تاخذهة للحمام بدلت عالسريع وصعدت وصلنة للمستشفى لكينه عمار جاي يمكن كايله ياسر أو واحد من الولد لأن جاد جان يمهم سلم عليه
عمار..  هلا شلونك صكر
صكر.. بخير
عمار.. ماعرف شلون اشكرك لأن تلاحكت نيلوفر
صكر.. صراحة ضجت من كلامة كتله. هذا واجبي لاتنسة هية بنت خالتي قبل كلشي. عاد هوة سكت ومطول تقريبا ساعة وراح حجزنه غرفه خاصة آلهة ومروة نامت يمهة واني وجاد اخذنه غرفه بصفهن ونمنت واني افكر بيهة كعدت الصبح لكيتهة مكاعدة رحت للبيت لبست بدلتي ورحت للمستشفى أخذت جاد علمود ناخذلهة اجازة والرئيس مقصر قدر وضعنة واتفاجأت من اجة زارهة بنفسه وحتة هذا الولد سجاد هم اجة شافهة وطول هواي طبعا مروة راحت لدوامهة لأن مكدرت تأخذ اجازة............................ يتبع

ستوب خلص البارت ادري البارت قصير بس شويه يعني 900 كلمة لأن نعست واني اكتب باجر حضيفلكم مية عالبارت لاتنسون التصويت صوتو وبأي 💋